那個ㄋㄚˋ ㄍㄜ˙ (埃華街) (Moved) New Location

餐廳位置遠離人煙，門口招牌吸引咗我嘅眼球，抱住好奇嘅心食呢餐，然後帶住驚喜和飽足離開。試左招牌滷排骨便當（$66）加配一條台灣腸（$12）一上菜真係「哇」左一聲，塊豬扒成塊面咁大，厚度眼看約3CM 咁厚。然後夾起塊豬扒再「哇」第二聲，因為仲有一塊係底。雖然好厚身，但塊豬扒唔會嚡口又唔會難咬，處理得好好，味道都唔錯，整個便當唔會太濃味或者太油膩，但真係太大份，我一個大男人食量都食唔曬塊豬扒，飯同其他配料我都剩左一半。餐廳環境都算闊落，但個人覺得音樂有太大聲。

一年前就嚟試過，覺得好好食所以今次又嚟左😍 一樣份量十足😎 佢分兩段時間營業🈺️，我哋喺第二段時段啱啱開個陣，夜晚6點到就唔洗等位✨🙈 服務員態度都好好👍🏻～那個滷排骨便當🍱 $𝟞𝟞一上枱真係吓親，塊豬扒大過我塊面🤣完全遮住晒下面啲配菜🙈面頭淋滿左滷水汁，本身以為會好咸又搞到塊豬扒會唔脆🫣 點知仲keep 到勁脆，調味啱啱好而且豬扒超鬆軟，完全唔鞋😚下面啲配菜都好足料架✨有焦糖玉子 — 甜甜地嘅玉子燒咁麻辣粉絲 —我嘅最愛😍辣得嚟好香 送飯一流仲有椰菜同其他配菜🤣～臺南蝦捲便當🍤🍱 $𝟝𝟠呢個配菜多啲咁🤣，有三條炸到脆脆地嘅蝦捲，其實食落去似墨魚捲多啲🤔，面頭有滿滿嘅紫菜粉，唔夠仲可以自己再加😏 低下嘅配菜都係一樣咁好食🤣～餐飲： 揀左老火湯，入面有啲排骨同蘿蔔但個人覺得都幾咸下🥲～芋泥地瓜丸 $𝟚𝟝有四粒，面頭炸到好香脆，食落去唔太重芋泥味，最入面有黃色嘅地瓜味？🤣我都唔知咩嚟

紅日假期想去大角咀hea吓～第一時間諗起呢間台灣餐廳之前見到網上嘅post，望住啲相都已經流曬口水今日終於可以試吓～Lunch時段，過到去12點半未到，果然超似預期。。。❗️排長龍🌝🍂🍂預咗，唯有等～～～等呀等～就咁過咗一粒鐘，終於有位啦呼～～必食《滷排骨便當》好大塊～一個人真係食唔晒🤡 一人一個餐真係飽到上心口呢個係滷排骨，唔會炸到乾爭爭，而且豬扒都好厚身黑嚕嚕嘅醬汁～少少甜味、咬一大啖肉真係好滿足而且佢哋嘅配菜真係好好好好食蓮藕片好脆口～茄子入曬味，淨係食配菜都足夠另一款都好出色《鹽酥雞扒便當》平時食雞扒好怕會有一粒粒乾爭爭嘅炸粉～但呢個雞扒炸得好出色！炸粉可以用香脆來形容、完全食唔出硬粒狀又係大大件～又要講返佢嘅配菜點解可以炒得咁香口～完全唔係配菜～難怪會有另一個便當係《配菜便當》～配角便是主角主角便是配菜下次要食個配菜便當跟餐仲有幾款飲品下次再那個吧～支持黃店～何況咁高水準P.S. 活動期間，今日有9折

我食台灣菜很多時都是選擇吃牛肉麵，較少食台式便當，今次去了在大角咀的「那個」。一早已經聽聞這店是排隊店，平日午飯時間去到預了要排隊，不過排了一會，店員出來問我們是否介意坐在窗邊，因為日照會比較曬，如果ok可以立即入座，我們也覺得沒所謂啊便進去了。便當的選擇有八至九款，都算多了，而且每款便當都會連同六款配菜一起上，未見到實物都覺得好豐富。我點了滷排骨便當($78)，最終拿來時，看到的是一大塊滷排骨放在最上層，下面就鋪了茄子、粉絲等配菜，最底是白飯。滷排骨要先醃再炸，最後還要滷，吃上去甜味居多，因為台式的滷汁一般用上冰糖。這裡的味道也算是還原台灣味道了，排骨唔會好乾，所以還不錯的，而且真的很大塊！加上配菜和飯，真的吃得很飽，建議不太大胃口的朋友絕對要叫少飯！我另外叫了個「夜市雞皮捲」($25)，就是雞髀卷，外層包著雞皮，炸得脆脆的。我覺得這個很好吃，不過不知是店家自己包的，還是買現成回來再炸，如果是前者，那真是要花不少工夫呢。我是給這家店正評啦，不過我有食家朋友也吃過，他就覺得不值得回頭，哈哈，口味真的很個人，親身試過就知了～

每次經過呢間餐廳都大排長龍，一直有啲好奇。台灣菜雖然好食，但係間間都大同小異。應該因為係黃店又改咗個台灣風文青店名，所以先咁多人喇？懶排隊嘅我今日經過見到落大雨得兩個人排，終於排隊一試。排隊時店員已經送上餐牌，望到配菜餐牌已經有啲期待。我一向為食，鍾意每餐食多幾款食物。佢足足有五款配菜，仲有我鍾意嘅滷白菜同粉絲。我叫咗一份啤酒豬軟骨便當。豬軟骨...驚為天人😳😳佢應該我食過最好食嘅豬軟骨。肉質好冧但係又唔鬆散，加上惹味嘅醬汁，太太太好食，醬汁甜度+軟糯口感完全係我嘅口味。下次一定要帶個廚神朋友黎，叫佢研究下係點煮😂配菜全部都好適合配飯，竟然仲有菜脯食。粉絲入味又有咬口。焦糖玉子又甜又煙韌，唔鍾意食蛋嘅我完全食唔出有蛋腥味。朋友嘅滷排骨便當更誇張，塊肉仲大過個碗。我試咗一塊。炸皮吸晒醬汁，滷汁好香好入味，配飯一流。如果廚房可以幫手切開就更加好，用筷子比較難撕開咁大塊肉。呢間真係超意外驚喜！_ _ 喇，睇黎以後要加入排隊大軍🥺🥺🥺

大角咀轉角處的 那個 主打台式便當，不論是平日還是假日，由開店前已經有著長長的人龍。招牌的台式便當都附有五款是日配菜，滷排骨便當份量十足，排骨大塊得超過飯碗，偏甜口味的滷汁配上炸得酥脆的排骨，簡直就是白飯小偷。