佳佳甜品

Open Now

Now Closed

進入秋冬之時，熱食中式甜品絕對係我的菜呢一間開業四十多年，連發哥都會成日幫襯既甜品，我終於有幸可以一嘗。到達店前約有八至十人左右排隊，但眨眨眼五分鐘內人龍又全消🤣果種效率真係好岩香港人🦵🏽┈┈┈┈┈┈┈┈┈┈┈┈┈┈┈┈以下幾款，全部熱食推薦注意！𓋜 濃薑蕃薯糖水 $26 加湯丸三粒$7呢個應該係暫時食過最夠薑既蕃薯糖水top 1/2💗💗💗 我太鐘意佢夠薑而又不太甜一路食落去落底有少少煮到溶溶地既質感食到中段 連我呢個嗜薑人都覺得辣😹入冬之後呢個真係暖身首選。𓋜 香滑芝麻糊 $26 加湯丸一上檯果陣芝麻香到不得了，食落果陣香味就知道係經炒過既芝麻先有既焦香味。質地稠密剛好，入口相當順滑，食完真係有種意由未盡既感覺，同事揀既呢款招牌，同樣都係加左湯丸。每款糖水都可隨意加配料，湯丸size 唔算好大粒，咬落去都夠哂煙韌，芝麻湯圓雖不是流心，但芝麻味依然夠濃。𓋜 芝麻糊拼杏仁露(H) $26食甜品都見到雲石紋拉花真係會心花怒放食落杏仁露同芝麻糊味道都有，食落同樣相當滑身，甜度適中，要嫌既話大概係佢溫度稍微唔夠。♡̷ﾞ 地點便利，價錢公道，而且係傳統既傳承，絕對會行去再食過，所有野都完勝 。

中午來到已經每一張檯都坐咗人，以糖水店來講中午都已經有人來食，看來好受歡迎。舖頭環境幾好坐，門口有2016同2017年嘅米芝蓮推介獎狀。我嗌咗個最基本嘅蕃薯糖水試試佢嘅功架，果然不負所望，蕃薯糖水勁薑，好辣最岩冬天飲，黃蕃薯滿滿一碗好足料，煲到好稔好甜好好味。

食完dinner 聽朋友推薦呢間附近既傳統甜品鋪 梗係要試下啦鋪面都幾大 有兩層 好多位 九點幾去到都差唔多坐滿曬 好彩我地唔洗等位乍呢間甜品鋪只有十幾款甜品可以揀 選擇唔算好多 但都包括曬啲基本既中式糖水 都唔錯既芋茸蓮子西米露(熱)($20)呢個糖水真係好好食 好真材實料唔單止有好多粒蓮子 而且有好多芋茸 一放上枱已經聞到好香濃芋頭味 食落更係濃味 而且又好滑 配上西米露就啱啱好不過食食下會覺得有啲甜 仲會好飽 寧波薑汁湯丸($20)呢個甜品同樣地好足料 有香濃薑汁味 又有8粒芝麻湯丸 以呢個價錢黎講 真係好抵濃薑蕃薯糖水($20)呢個真係好濃薑味 甚至比薑汁湯丸既薑味更濃 唔怪得叫「濃薑」啦朋友食完成後覺得好熱添好啱依家個天氣食

中式糖水店黎講環境算整潔、寬敞、舒適價錢合理薑汁夠辣，值得一讚甜甜辣辣，好好味蕃薯夠腍以蕃薯糖水來說，算好好吃下次會再來平日下午，不用排隊，亦沒有被趕走....

感冒咳嗽持續逾月,期間必需戒凍品戒甜戒生果,只是愈不能吃愈想吃,當情況開始好轉,即時以佳佳勁薑蕃薯糖水為甜胃開齋。因米豬蓮而遭加租要搬至新店地址的佳佳甜品,基本上由早至晚也是客似雲來,幸好無論單獨前來或有伴同行,在此找個座位也不算太困難。一踏進店裡,中式甜品店特有的甜甜氣味已教人胃口大開,雖然店員大都忙著送餐或寫單,不過仍以有禮態度對待,誰會想到吃碗糖水也有一句"請慢用!"來招呼??為其而來的勁薑蕃薯糖水($18),橙色蕃薯早已煲至碎開,無筋無渣的蕃薯口感鬆化,蕃薯香也相當夠重,可算是靚蕃薯也。混濁得看不透的薑湯飄來陣陣薑香,先來一口未感覺到其強度,轉瞬喉頭慢慢地熱起來,勁薑果然不是浪得虛名!!因咳嗽不舒適的喉嚨因而也舒服好多!! 另一次重臨改選另一款薑味甜品--寧波薑汁湯圓($18),在藍色古式碗裡的湯圓像七星伴月很有圖型,小湯圓個子小小的,軟糯外皮薄而不破,入口滑溜不已,黑芝麻餡做得幼滑充滿芝麻香,甜度也相當適中。同是薑湯卻不及蕃薯糖水般有勁道,相對沒那麼辣勁的薑湯其實已比一般甜品店夠薑得多,吃罷之後喉頭也同樣的舒適。吃過兩款薑味糖水後只能說句:佳佳,你真係好薑!

天氣凍凍地，又想食好味嘅中式糖水，首選一定係佳佳！佳佳搬入新鋪，由佐敦搬去佐敦，店鋪面積雖然比之前間細左少少，但感覺亦夠闊落。接近夜晚十一點，店內仍坐無虛席，果然係佳佳，無論去到邊都有一大班忠實粉絲！等左一陣，終於有兩個吉位，望望個價錢牌都沒有大變化，依然合情合理超濃薑蕃薯糖水$18 濃濃嘅薑汁糖水超級暖胃，凍凍嘅天氣飲就最適合不過！蕃薯金黃，而且大大件，每一件都好香甜，蕃薯肉好鬆化，高質素！好味！食到半碗已經覺得個身暖笠笠，甚至開始覺得熱！勁呀！合桃糊$20，另加$6三粒自家制芝麻湯圓 合桃糊磨得好幼滑，稀稀地相當易入口，而且好濃合桃味！湯圓一啖一粒，芝麻好香濃，甜度適中！呀！佳佳糖水真係好好味！而且有品質保證，每一次食都唔會覺得味道有咩大分別，會繼續支持！因為中式糖水嚟講，佢堅係首選！