十和田總本店

Open Now

Now Closed

🍣十和田總店之前行街經過又試食下的餐廳 週末walk in坐得好舒服 寧靜地用餐 大愛火炙 所以點了2道都有火炙的☺️不過食食下其實唔洗叫三味都ok 一個丼+烏冬都好飽肚 秘製豚肉係豬軟骨 醃得好入味！火炙都無乜挑剔 lunch人均~$170 ✿ 火炙魚生飯 $138✿ 火炙三味壽司 $78✿ 秘製豚肉湯烏冬 $88(吞拿魚 碟魚邊 三文魚)

今晚黎左尖沙咀食呢間性價比極高既日式丼飯🇯🇵未黎之前已經聽過好多人推薦 聽聞十和田總本店既魚生係每日由日本空運到港 所以保證會新鮮 而且價錢貼地性價比高 所以決定黎試一試😍📞因為驚太多人食晚餐 會冇位 所以晏晝就打電話book定夜晚19:00食晚餐 🙋🏻‍♀️18:45去到都係坐滿左餐廳一半左右 所以侍應生都俾我地早少少入去用餐 用餐時間1.5小時 坐低左即刻同我地講座位下面有籃放私人物品 貼心💖仲推介左今晚既特別餐牌 用餐過程keep住收碟 而且有禮貌 服務不錯🍙枱面提供左熱水壺同綠茶粉🍵叫完野食可以慢慢享受❤️‍🔥《火炙三味壽司 💸$78》包括火炙三文魚 左口魚 吞拿魚火炙三文魚同吞拿魚味道一般 未去到有驚喜 但左口魚一入口個魚香一試難忘 而且肥厚有口感 相當滿意！❤️‍🔥《火炙左口魚邊丼 💸$138》左口魚經過火炙後 啲油脂爆晒出黎 油分豐富 極香魚油味 入口即溶 不過食到一半都有啲膩所以配有紫蘇葉解下膩海膽鮮甜 完全唔腥冇臭味 一啖一舊好過癮十和田既丼飯用左赤醋飯 帶有酸味 非常配合 而且份量頗多 細食少少都可能未必食得晒❤️‍🔥《雜錦魚生丼 💸$128》呢個雜錦魚生丼相當抵食 魚生超

年幾前朋友介紹下曾經去過Mikiki果間分店（好可惜現在已結業），印象中佢嘅丼飯係好好味。今日去開尖沙咀又遇番佢（原來係總店），就recall下回憶啦～結果三個字作總結：鮮、味、香，樣樣俱全，佢嘅赤醋飯真係食過番尋味。1）🍚火炙左口魚邊丼 $138 👍🏻👍🏻👍🏻👍🏻👍🏻佢嘅飯係用左酒粕發酵嘅「赤醋」來調味，味道比一般壽司飯更濃郁更有層次感，飯粒分明煙靭有彈性，絕對非一般嘅質素。至於佢個左口魚裙邊，不得了，一入口就散發著陣陣嘅油香，再配搭埋赤醋飯，味吉陽一都話「好美味啊！」另外佢仲有份量唔少嘅海膽，雖然唔係馬冀海膽，但都非常新鮮冇臭味，唔係下價嘅貨色（聽講佢啲食材係由日本空運到港，果然係唔同啲）。咁嘅價錢，有赤醋飯，有超好味嘅左口魚裙邊又有海膽，應該好難搵到第二間可以有同樣嘅質素而平過佢，唔怪得個個食評都話要來試佢嘅丼飯。2）🍣火炙三味壽司 $78 + 🍣醬油吞拿魚 $22👍🏻👍🏻👍🏻👍🏻👍🏻老實講，佢嘅壽司都真係幾貴，就咁4件都已經要成舊水，可能因為係手握壽司，而且食材都係非常新鮮，另外佢都係赤醋壽司，真係都好食嘅，所以係一分錢一分貨。不過我會覺得佢個丼抵食好多了😆3）鹽辛魷魚 $22

夏日炎炎，梗係食壽司降下溫啦，食壽司又點可以唔去我最鍾意嘅十和田呢度其實唔單只淨係有壽司刺身食，連烏冬都有得食㗎，烏冬都幾有趙口牛肉夠晒大塊，仲有啲燒過嘅痕跡我每次嚟到必食嘅丼飯材料有新鮮帶子、蟹子同埋一大堆松葉蟹蟹肉，係拆開哂架，岩哂我呢d又鍾意食蟹，但又唔願拆蟹既人帶子一共有三塊，而且非常厚身肥美黎到十和田，又點少得食壽司火灸既壽司就岩哂d想食刺身但又怕太生既朋友，其實用火槍燒過既魚油可以令魚油迫哂出黎，真係鮮上加鮮三文魚三味我就覺得大件夾抵食，又可以食得火灸既三文魚，想食原汁原味既三文魚又得，得左最後當然唔少得蟹棒壽司$28件啦，原條既蟹肉又食到另一番風味，飛魚子壽司$22

女朋友推介就過來吃，雖然全店滿座，竟然一枱大陸人都沒有，在尖沙咀金馬倫道這個地段實屬難得！二人枱位置很少，壽司盤又大，勞煩店員不停收盤。這裏有抺茶粉供給自己沖，落幾多都得。松葉蟹三味壽司主打的蟹腳鮮味一般，不過幾多肉；蟹柳又是很大份；蟹膏和蟹粉肉軍艦最正，濃厚極了。火炙三味壽司吞拿魚第一，口感最細膩，溶溶地；三文魚都幾肥美；左口魚反而生食好味啲。蝶魚邊平時很少吃，魚味不重，口感幾特別。三文魚子三文魚子份量有啲少。黑松露鯛魚丼配黑松露都幾特別，鯛魚質感較韌，味道幾新鮮，黑松露味道很濃，加埋酸薑片三種味道各有千秋，不過飯粒不喜歡，想要純白飯。這個價錢的壽司來講都幾好吃!

朋友仔敘舊，行開尖沙咀好想食壽司，又唔想食元x，朋友介紹去金馬倫道一間日式餐廳，十和田，呢間餐廳在新蒲崗都有分店，到咗七點食飯時間餐廳已經一半座滿，高科技用平板電腦落單，有圖有真相，非常方便，叫左超特選壽司拼盤配日式蒸蛋及味噌湯$288，壽司拼盤貪佢樣樣有啲，仲有超愛既海膽同大粒魚子，值得推介馬糞海膽好新鮮吾嗅，在口腔回味無窮，正，大粒魚子亦非常新鮮鮮味，不得不提新鮮蟹棒，非常鮮美，梗係要食埋火炙三味壽司$78，包括吞拿魚壽司、三文魚壽司及左口魚邊壽司，火炙壽司魚油在囗，還有燒過嘅焦香味，令一番風味，大粒魚子實在太好味，所以加趕一客三文魚子$28，赤貝刺身一隻$48，質感爽口鲜美，朋友肚餓，叫咗個海鮮丼$198，份量大，足料，有橙色馬糞海膽、大魚子、帆立貝、玉子、粉嫩吞拿魚茸、大隻牡丹蝦等，好似去咗日本嘅黑門市場咁，非常新鮮回味無窮，吉列生蠔$38，香脆可口，蠔鮮甜多汁，服務細心，而且地點方便，尖沙咀地鐵站b出口行五分鐘就到，聚腳點，今餐多到放唔晒

週二收早，見太陽未落山，五點就約咗契妹過海，專程為家中兩位小寶貝去咗轉尖沙咀，喺韓國街度大購佢地最愛o既韓國特色零食同飲品。眼見買完野都仲未天黑，兩口子就襯歡樂時光，行咗去一家OpenRice最近報導過話CP值高o既「十和田總本店」度黎個壽司拼啤酒。壽司屋面積寬廣，間格開揚；左手邊為壽司吧，右方則為合併式散座。埋位後，友善好客o既哥哥仔先呈上熱水壺及電子餐牌，並細心解說自助落單流程。小肥就襯機先試點啤酒。餐具、醬油及綠茶粉均為自助式。好飲o既XO仔任由契妹發辦點選拼盤及小食，食物黎到先揀食乜。超特選壽司拼盤（$288）：壽司拼盤配有味噌湯及蒸蛋。細佬因皮膚敏感發作，暫時未能進食蝦蟹類，故壽司拼盤中只係食咗油韌軟潤o既間八壽司。厚而嫩脆o既帶子壽司。及香濃肥美o既吞拿肥腩壽司。火炙三味壽司（$78）：火炙三味壽司左起分別為吞拿魚壽司、三文魚壽司及左口魚邊壽司。三款均鮮濃惹味潤滑，當中個人最愛帶點脆口o既左口魚邊壽司，香口壽司送酒可謂一流。炸雞件（$38）：炸雞件皮層香脆，雞肉軟嫩又夠肉汁，！