新沙洞大排檔 (大政街)

Open Now

Now Closed

一直好想食醬油蟹🦀朋友大角咀的一間以醬油蟹聞名的餐廳🇯🇵裝修極具韓國風味的韓店，新沙洞大排檔📍-我地首先點左醬油蟹拌麵🍜原來醬油蟹係100%使用韓國產最頂級的延平島膏蟹！🤩😍蟹肉肉味鮮甜✅醬油汁配上彈牙蕎麥麵，開胃！ -之後我地點左泡菜湯底辣度適中🧡有豆腐，泡菜和豬肉，好暖胃🩷-我地再點左火焰醬燒排骨🥢出場方式好特別，職員會淋上酒精並點火，排骨在烈火中燃燒，好岩打卡📸排骨大大件，不過相對會濃味少少🤏-雖然餐廳在奧運站附近，但都要少少時間行過去和揾路，大家記得預留時間‼️⚠️

呢間新沙洞大排檔好有韓國路邊攤feel。最近見到佢地係度推緊醬油蟹，仲有優惠價$198既醬油蟹食！優惠星期一至四全日供應，五六日就七點前，記得要電話訂座la！1️⃣醬油蟹拌麵（$298）佢地既醬油蟹係100%使用韓國產最頂級的延平島膏蟹！醬汁係用黃金秘方調製，鹽亦都會使用韓國最頂級的醬油鹽，而不係用普通既海鹽，辣椒亦都係採用韓國貨。真係食到正宗韓味～而最吸引我既係，佢地既醬油蟹係已經拆左肉😜同啲蟹籽一齊鋪係冷蕎麥麵既面頭，啖啖肉又唔洗整污糟手，真係懶人福音🤩2⃣️火焰醬燒排骨（$188）超級打卡able🔥店員會即席倒酒，然後點火！個排骨係有啲似BBQ醬醃既～甜甜地。肉質比我想像中嫩滑！係完全唔鞋口唔痴牙！3️⃣秘製辣醬炒魷魚（$168）配上一盤生菜，可以包黎食，甜甜辣辣而且有好多菜、洋蔥、菇，魷魚又夠彈牙👍4️⃣草莓牛奶配蜂巢特飲（$95）呢款飲品好特別，除左有切半既草莓之外，仲拮住原粒蜂巢😳可以自己將草莓牛奶倒落個杯到，草莓牛奶完全就係韓國既草莓奶味道，但係少甜版，同埋草莓既味道係偏輕既，加埋個蜂巢就多翻分甜味🍓好飲。

🙋🏻‍♂️餓底探員去咗大角咀調查呢間韓國菜，餐廳裝修充滿韓式元素，將韓國街頭大牌檔還原，店內播放著K-pop，恍如置身韓國街頭嘅大排檔，相當有氣氛🍆前菜🙋🏻‍♂️表示奉送多款前菜，有泡菜，醬茄子，柚子蘿蔔，芽菜等，餓底最愛柚子蘿蔔，食落爽口，酸酸甜甜好開胃🍙韓式醬牛肉紫菜飯卷 $98🙋🏻‍♂️表示個飯卷口感飽滿，食落有牛嘅鮮味，雞蛋嘅蛋香，青瓜嘅清新，最驚喜入面包住紫蘇葉，令個飯卷味道非常突出🧀甜薯芝士條 $65🙋🏻‍♂️表示個芝士條口感外脆內煙靭，入面包滿芝士，超強拉絲，味道香甜，又有濃郁嘅芝士味，非常香口🍗新沙洞炸雞（半份） $95🙋🏻‍♂️表示個炸雞炸到金黃色，口感香脆，肉質嫩滑，面頭淋上柚子醬，食落酸酸甜甜，充滿柚子果香🍜韓式炸醬麵 $98🙋🏻‍♂️表示個炸醬麵配上太陽蛋同青瓜絲，食落麵質滑順，炸醬口感軟腍，味道濃郁香甜，充滿韓式風味🔥火焰醬燒排骨 $188🙋🏻‍♂️表示個豬肋骨經過慢煮處理，配上秘製韓式辣醬，店員會將燒酒加入排骨然後點火，等火焰熄咗就可以食，食落啖啖肉，口感鬆軟多汁，充滿炙燒香味📈吃貨指數😋好味度 8.5/10🔙返啅度 8.5/10

呢間韓國餐廳我同朋友上次食完覺得幾唔錯，見佢近期有啲新嘢有優惠，所以朋友話要再嚟。 佢嘅醬油蟹做緊優惠，只要預先打電話去訂位，星期一至四全日，同埋星期五六日夜晚7點前都可以用$198食到醬油蟹。朋友話好抵食，所以我從來未食過都陪佢試下。另外，我哋再叫咗兩樣野就已經夠飽。 ⭐醬油蟹拌麵呢度嘅醬油蟹係用韓國產最頂級的延平島膏蟹，每星期都會翻兩轉貨，所以保證新鮮，唔怪得枱枱都食。蟹肉味幾鮮甜，亦有唔少蟹糕，個醬汁更加令個鮮味突出。而佢嘅辣椒同鹽都係用韓國貨，所以朋友都話幾似喺韓國食到嘅味。麵係蕎麥麵，上面放咗啲蟹子，拌埋個汁食好惹味。 ⭐火焰醬燒排骨呢碟好有儀式感，職員喺我哋面前淋酒，然後點火，唔怪之得叫火焰。排骨係金沙骨，充滿濃郁嘅醬，味道有啲似麵豉醬，加上有好香嘅芝麻味，再運埋少少酒味中和一下，味道幾有層次。 ⭐脆炸年糕配韓式辣醬仲叫咗呢個傳統小食，望落平平無奇，但食落都幾唔錯。年糕炸完都仲係好煙韌，同埋細細條好易入口，仲可以啖啖食到韓式辣醬。 鍾意食韓國嘢嘅朋友，可以試下呢間，環境仲幾有喺韓國嘅感覺。