火車頭越南餐室 (浣紗街)

Open Now

Now Closed

放假就諗住周圍行下，係附近行完，就諗不於係大坑搵下野食，因為六點時間都仲係早，所以都未算太多人，睇睇下就揀左間越南野食。我地六點左右入黎，但唔夠半個鐘已經坐滿哂。佢有單叫又有得叫套餐，套餐有大頭蝦套餐同埋火車頭套餐，見到火車頭套餐都幾岩食，所以就懶得再睇了，然後再加杯飲品，荔枝特飲。火車頭套餐都幾多野食，總共有六樣野，一個人都係188蚊。頭盤有大蝦柚子沙律，大蝦加左調味料再煎過，幾香口，柚子夠甜，沙津食落幾清新，開胃。扎肉就有四塊，同蝦一樣都係煎一煎過黎，香口好味D。同場仲有兩件特色蒸粉卷。之後就有馬拉盞炒時菜，我地驚太辣，所以叫左小辣。不過黎到都有小小辣，惹味小小。跟住就有咖喱雞配法包，咖喱味濃但唔係好辣，岩我地口味，咖喱雞有四件，煮到好腍入哂味。法包就暖暖地，用黎浸咖喱黎食一流。我覺得主角係火車頭招頭湯河，影相可能唔係好覺，但其實佢個碗勁大，兩個人既分量黎。湯底好有牛味，睇介紹有牛骨等十幾樣材料一齊煲。材料好豐富，有肥牛肉，牛肉味濃而且又嫩滑，仲有牛腩、牛丸同牛栢葉。加埋杯野飲一個人225蚊左右，性價比高既越南餐廳。

都話生日既人係大晒架,正日中午,去大坑搵食,雖然知道此店響OP的食評麻麻,但撈檬怪好想食撈檬 ,我就揸主意試下,樓下無位,原來有樓上的,被帶到一邊有大電視,sofa,甚至有鋼琴的房間,高腳餐桌,相信是給人包場的VIP房,相當舒適火車頭湯河,其一選了此招牌菜,我好怕濃味的牛湯,飲了一湯匙,幾濃味下,河粉幼身而好滑, 牛丸夠彈牙, 牛筋雖然淋但無味,重有生牛肉同牛柏葉,都幾多料,重有香葉任放,食者覺得味道還可以春卷撈檬,春卷有三件, 餡料比較多肉,個人口味唔鍾意,但食者覺得OK;扎肉撈檬,我選的,扎肉沒有一般的淋,幾好,這裡的撈檬都幾大碗,配料都好多,而檬汁的味道酸酸甜甜有魚露香,對於我哩位撈檬怪而言,幾好!柚子大蝦沙律,比較差,上檯好似之前比人摷過,雖然算幾多蝦,但太少柚子,汁亦多得滯,唔夠香和惹味,失色了!龍眼冰,比其他店香同好多龍眼肉,消暑飲品,正!越南凍咖啡和涼粉冰,普通!

之前巳經幫襯過一次不過係訂左樓上既房第一次落樓下食好鬼多人排隊, 等左大約半個鐘度有位兩個人ORDER 左三樣野火車頭湯河 - 不過不失, 勝在咩送都食到, 下次要試試牛肉河軟殼蟹紙米卷 - 幾好味, 炸得唔油小食拼盤 - 食拼盤都幾好, 又係樣樣試到D, 串燒好好味另外椰青同越南滴滴咖啡都好飲.... 個咖啡比起其他VIETNAM RESTAURANT 好得多不得不提係個長髮WAITER.... 好笑有客ORDER 汽水, 佢會好似係度玩刀仔咁, 片黎片去, 片足八下先開到一支汽水, 攪笑