四季常餐 (Closed)

二十九日當日，我本來正在跟朋友，在香港島銅鑼灣一邊散步逛街，一邊向前行。不過走到不夠一半，去到「怡和大廈」樓下附近公園的位置，我已經發現勢色有點不妙，於是告別後離開大隊，徒步返回行人天橋。結果朋友各有自己的選擇，有人選擇繼續向前走，走向金鐘海傍，之後發生的事，相信很多人看新聞都應該知道。至於我返回行人天橋，沿着行人天橋一路前走，最後到了大約五點左右，我終於走到了中環繁忙街頭。本來我是打算，走到大約下午六點左右的時候，才正式前往位於中環「威靈頓街」，光顧位於「威靈頓街」旁邊的熱門食店「四季常餐」食星期日晚飯，然後才慢慢坐車返回九龍。我在光顧「四季常餐」之前，已經透過摸索研究「四季常餐」本身的店名設定，以及「四季常餐」裡面的餐牌，已經對「四季常餐」賣的食品內容略知一二，估計到食店出餐所需時間多極有限。所以我來到「威靈頓街」的時候，發現時間距離星期日晚餐時間下午六點，仍然有一段距離。我已經嘗試在「感靈頓街」附近地方閒逛打發時間，儘量等到接近六點正時間才正式上門光顧「四季常餐」。可惜我發現自己，可能真的來得太早，另一方面「四季常餐」食品的製作所需時間，亦比我事先預計來得更快，我發現自己還是完成

同女朋友請半日假出咗嚟中環，勁肚餓，渣渣上openrice 睇下附近有咩食先！一搵見到呢間冰室都幾好！坐低發現好多人嗌常餐，又好似幾正wo！ 茄牛通粉 加炒蛋多士炒蛋幾滑，多士我女朋友果塊幾燶凍奶茶普通無乜茶味，整體都ok!

平日中午時間 都人頭湧湧永遠都無可能係短短的午飯時間趕得到去拎位今次去大館 順路就可以去這裡食個午餐估唔到星期日都要等位但都比平日少人👬等左大約5-10 分鐘 就可以入常餐有兩款麵可以選 配 炒蛋多士🍅四季茄牛通 酸酸甜甜的蕃茄湯底 好開胃牛肉肉質有少少鞋口🍖真忌廉雞湯通配火腿超濃郁的忌廉味 但有少少咸通粉係坑紋通粉 煮得軟身少少會更好🍳炒蛋多士 我至愛😍炒蛋顏色比平時更黃 並無加任何牛奶同忌廉多士烘到好脆身 好香牛油味配埋滑滑炒蛋係一流

最近留意到一間中環茶餐廳，係藍帶廚師主理😈，開左都有一段時間。舖名一黎已經吸引到我喇 — 四季常餐，對好似我咁鐘意食茶記既人黎講都幾認同四個季節、中午晚三餐都可以食常餐依個理念🤤-常餐-蕃茄湯牛肉通 炒蛋多士 $48多士烘得好脆，仲有少少多士爐留低既坑紋，加埋牛油岩岩好😋。炒蛋炒得夠嫩唔會太老，蛋汁亦都幾多。-茄牛通用既係坑紋通粉，比較掛湯，配蕃茄湯岩岩好。牛肉算係幾冧🐮，唔會太咸。值得一講既係成個通粉層次做得幾好，最頂一層係茄蓉同牛肉、第二層係通粉，最底係蕃茄湯。用匙羹由頂畢落去，每啖都可以食到茄蓉、牛肉、通粉同埋茄湯👍🏻👍🏻-常餐-真忌廉雞湯通配火腿 炒蛋多士 $48通粉同樣係掛湯既坑紋通粉，忌廉味略嫌淡左少少。成個湯唔太濃，稠啲會比較好食啲，火腿冇咩特別，個人覺得茄牛通好食啲🐷-整體黎講價錢係中環區算係幾抵食，可以話係中環打工仔既lunch time之選，而味道都算ok，係果頭番工既可以試下⚠

四季常餐坐落中環，如果之前有睇下網上雜誌或facebook，都唔難睇過佢既介紹，藍帶廚師用高質食材煮真 · 常餐啱晒香港人，裝修簡潔但舒服，餐廳唔sell多選擇但sell細緻精品必定要先試下佢既常餐，真 · 忌廉湯通配火腿 炒蛋多士，賣相超晒班，絶對唔係圖片只供參考先食炒蛋，滑不溜口，睇顏色都知對質素有要求蛋味好濃，滑得黎唔係靠加奶個種配埋厚脆鬆化既多士，實在係正完全無得輸，忌廉湯清得黎好味，真忌廉加葱花，creamy，通粉正常味，火腿非一般三文治火腿，厚身但唔係死咸個啲高質另一個繼續試佢既港式餐點實力，阿四滑牛炒蛋飯配秘製豉油汁，上枱賣相一樣非常靚即刻試下質素，一啖食晒蛋、牛、汁、飯，正到一個點蛋汁半生熟加埋高質滑蛋，配少少葱花，牛肉好滑口感一流，秘製豉油汁錦上添花非言語所能形容，好多層次既好味，一試難忘阿四滑牛既風格同味道係非常似窩蛋牛肉蒸飯既牛肉，滑而有肉味，口感更加夾到滑蛋配埋好滑既凍奶茶，茶味亦好足，滿足中環黎講依個價錢真係唔貴，質素超班，鍾意食茶記或港式食物既係一定一定要試！第度食唔返！#仲有茄牛通同和牛燴飯都好吸引#最好唔好晏就去實在太多人

忌廉雞湯火腿通粉+炒蛋多士($48)-忌廉雞湯算係比較特別嘅湯，好少係出面嘅常餐食到忌廉雞湯，而火腿同其他唔同，係一整片嘅，而炒蛋更加係又滑又大份，多士就較普通。芝士鹹牛肉厚蛋治(餐包)($39)-呢個係大力推薦嘅菜式，雖然芝士唔算太濃厚，但鹹牛肉同蛋一齊食真係好出色，包亦唔同其他餐廳個啲咁乾身。

中環係香港金融嘅中心樞紐，而係高樓大廈林立嘅包圍之下，威靈頓街就有一間高質茶記！🤫香港人出咗名要快，所以普遍茶餐廳就會有快餐常餐之類嘅選擇！但講到快靚正三樣俱備，又冇邊幾間能夠做到🤔要做到快靚正或者平靚正，好多時係用料上邊就比較普通，做法亦都比較簡單！不過呢一間以常餐為主打嘅「四季常餐」，用料和做法都十分講究，值得一試！👍🏽根據網上嘅資料📄蛋漿用以美國、日本、祖國嘅雞蛋混成，冇加入忌廉或者鮮奶而令蛋汁更香濃嫩滑；番茄湯同雞湯都用上自家配方烹煮，誠意度遠超普通茶記😱😱😱講多無謂，睇相最實際！🤥✅叉燒滑蛋飯配秘製豉油汁：的而且確滑蛋嘅口感係比較細緻，不過我條利就冇咁犀利，唔係太識分雞蛋嘅產地🤡 反而我覺得叉燒就幾好，肥瘦適中！不過秘製豉油汁略嫌味道太甜，而且太多，搞到個飯太濕，呢個位要扣番少少分😖✅真．忌廉雞湯湯配火腿、炒蛋多士：絕對唔係金寶湯！食得出係自己調配嘅忌廉雞湯😏因為從來未食過呢一種味道😝！而且火腿都唔係平時食開個種，令到我有一種耳目一新嘅感覺！多士好香牛油味！另外一提，常餐嘅炒蛋同叉燒滑蛋嘅蛋味道係有點唔同㗎！（可能係烹調方式唔同）🆗凍檸檬茶：味道不過不失！喂大佬環保點得唔得？

餐廳屬快餐形式，午飯時間等左30分鐘，雖以炒蛋聞名，但餐牌上既款式不多，試左兩款常餐 - 炒蛋多士配真忌廉雞湯通 &  炒蛋多士配招牌四季茄牛通。兩款常餐均配有烘過既鬆脆厚多士，深黃色既炒蛋呈半熟狀態，富有濃濃既蛋香，口感滑溜。忌廉雞湯味道突出，同罐頭忌廉湯完全係兩回事，通粉使用坑紋款通粉，通粉熟度剛剛好，唔會因為浸耐左吸晒湯汁而發漲變淋。不過，四季茄牛通似蕃茄醬撈通多於湯通，味道帶酸都算開胃。整體食物質素算不錯，不過價錢偏貴，而且店鋪地方好細，較易同其他客人有踫撞，惟人多時冷氣極度不足。

今日放假同男朋友去中環大館打卡，順便去食一直都試下嘅四季！早餐的選擇都是散叫，但通粉和炒蛋都想try下，所以我們點了各一個常餐。炒蛋多士先講多士，烘得好鬆脆，加埋少少牛油，香口又唔油膩。而炒蛋方面，視覺上已經加分，係橙黃色架！入口嫩滑，重蛋味，但略嫌加得多左鹽，味道偏咸，有點扣分了。真忌廉雞湯通配火腿忌廉雞湯來説，個人覺得四季好味過旺記，味道剛巧且有一點點creamy！火腿是煙火腿，好鞋身又偏咸。四季茄牛通牛肉肉質鞋口又韌，係米唔新鮮呢？蕃茄湯好杰身，而且味道偏酸！男朋友點了的凍奶茶，堂食都用膠杯？好唔環保呢！總結：味道中規中矩，試一次無妨。

🎀熊妹夜晚等埋熊大收工就一齊食飯喇。唸住平時都好少去中環食野🥣，一於同熊大去闖一闖。📌呢排熊妹飯局多食濟左，今晚食餐簡單啲。帶熊大黎到《四季常餐》，其實即係間茶餐廳。📌夜晚9點🕘黎到，熊妹以為應該無咩人，都仲有啲常客食緊。📌作為茶記忠實擁躉的熊大，一望餐牌就知道《四季》本身應該無做晚巿的，因為一張餐牌係連住早、午同下午茶餐，另外有一張零零舍舍係晚餐餐牌應該係後加的，果然係茶記常客喎！叉燒炒蛋飯配秘製豉油汁，$56📌熊妹為熊大點的，因為熊大收工好肚餓，正餐要食飯🍚，熊妹又想試下呢個招牌叉燒炒蛋有幾架勢。炒蛋🥚堅係正喎，夠滑有蛋味，叉燒🐷份量都唔少，唔會好乾好鞋，偏瘦的，熊妹最愛沒有肥的瘦叉燒。不過撈埋豉油汁咸左少少，因為本身炒蛋同叉燒自己都有味，成個調味就多左啲喇。唔算好大一碟，飯量🍚唔算多，熊大都係岩岩好姐。四季茄牛通。炒蛋多士，$46炒蛋🍳加左鹽同胡椒粉調味，味道好重，蛋依然的滑。多士🍞烘得恰到好處，唔會過火太乾太硬，脆之餘又保留到麵包本身的軟熟，加埋炒蛋一齊食，咁平民的食物對熊妹黎講已經好滿足。熱奶茶熊妹鐘情茶記熱奶茶，因為有傳統風味。但呢杯奶茶☕️麻麻地，飲落唔熱的，難道用温茶而不

開張嗰時係威係勢，被吹捧到好勁咁但開左咁耐，每次都怕好多人排所以懶得行上嚟😂今次有朋友得閒嚟排定隊先，咁就一於行上嚟食啦朋友未夠12點嚟到，都已經要排隊，真係誇張人齊先可以入座，所以我去到既時候要等多一陣先可以入去都算幾有系統都掙扎左陣食飯定食通粉好，最後為左佢個咁出名既炒蛋就揀通粉啦未拎嘢食先上嘢飲，我飲凍檸茶，朋友就飲凍奶茶飲左第一啖......errrrrr......咁甜既再起勢篤啲檸檬，同攪勻個底啲糖漿啦再嚟!!!!ummmmm.....都係好甜，甜過汽水最後，擺到差唔多食完，等佢啲冰溶左，就啱啱好，都唔錯既朋友杯奶茶嚟講，我地兩個都覺得無乜茶味，唔太好飲然後就有炒蛋同多士炒蛋確係唔錯，夠滑又有蛋香不過就多士又唔脆又無味，就失望左啲原本以為多士已經夠失望，點知個茄牛通仲失望望落好似好多蕃茄好濃郁，點知好神奇地，係無味咖聞落同食落得陣酸酸地既味，蕃茄味就唔太出原本同朋友都仲傾緊食勝香園定食依間下次真係毫無懸念，一定係揀勝香園既蕃茄通真 · 忌廉雞湯通配火腿本身以為會係好濃郁既忌廉雞湯，仲咁強調係真一嚟就試飲個湯，ummmmm......隻味係好普通好普通既雞湯味咁，食完唔會記得

今日我哋嚟到中環試下好出名嘅炒蛋，一去到門口已經見到好多人等位，果然好出名。我哋叫咗一個火腿通粉嘅茶餐，包炒蛋多士，仲叫咗個叉燒炒蛋飯，加多兩杯凍檸茶～首先講下個火腿通粉，佢個湯好濃郁、好香，而通粉都好彈牙。火腿都幾好，但如果煎一煎會更香、更好食。而佢嘅炒蛋同多士都係心機之作，多士搽咗牛油，烘的啱啱好，有麵包嘅甜味。炒蛋，佢係我食過嘅炒蛋入面算係幾細滑，落咗牛油去炒令到佢帶出蛋香之餘仲帶牛油香氣，好食！到叉燒炒蛋飯，佢今次個炒蛋比多士個個老咗少少，但都算滑嘅！佢個叉燒正正常常，又唔可以話特別好食，嚟到都係諗住食炒蛋，所以對佢個叉燒飯都冇咩期望。

主打番茄🍅湯底嘅餐廳不少，但位處中環，地理位置優越且價格合理的番茄湯牛肉通就非四季常餐莫屬了～之前有雜誌報導過，已經名氣大增，每到工作日午餐時間就會大排長龍，而且仲要人齊方可入座🤦🏻‍♀️ 某程度上都有d苛刻，不過願者上釣啦～ 😂炒蛋幾好，有蛋香，不過如果可以稍微乾身返少少就更好啦。多士送上來嘅時候仲微熱，可能多人order，出得密，相對會新鮮熱辣。食茶記，通常都係飲返杯熱奶茶，不過lee度杯奶茶就唔掂啦。好「孩」，d茶又澀...... 冇下次。番茄通，嗰湯有別坊間其他，比較濃稠，只係因為落咗大量🍅膏。通粉夠入味。牛肉嘅份量算幾多，口感正常，並唔會醃到d肉texture變質。如果接受到嗰湯，都算係咁啦。

四季常餐 @ 中環今朝咁啱係中環…知道四季有做早餐。所以就黎試下呢度既炒蛋。不過期望越高就…😶 坐低見到早餐一係就通粉一係就炒蛋。要常餐先有齊兩樣。但常餐又要係忌廉雞湯同蕃茄湯作出決擇🤔🤔。最後見一早冇乜胃口就食D酸野好似開胃D🙂蕃茄牛肉通…上面好大pad蕃茄醬同香草…味道都可以(偏酸)。通粉都幾實淨唔會煮到鬆泡泡👍。牛肉冇乜味, 可能蕃茄醬太濃味。主角炒蛋就真係有D失望。雖然顏色好靚, 不過唔太香蛋味而且炒得唔太綿, 入面有d仲炒得老左小小添😒, 仲要鹹左小小。不過…最失望係杯凍檸檬茶, 真係冇乜茶味🙁整體冇傳聞講到咁好食…不過都算可以, 加上中環地區常餐都係賣緊$43, 算好合理同埋下次會試下個忌廉雞湯通粉…總覺得通粉配忌廉雞湯係最正😍😍

新店開張不久已十分受歡迎，11:45am到達已經到了輪候號碼14號。由於翻桌速度高，等了不到十分鐘便已入座。跟友人各點一份常餐，侍應下單時有點混亂，送餐也不是依著下單順序，但都是小問題，很快便跟進了。我點的是四季茄牛通炒蛋多士。茄牛通味道濃，牛肉份量多，惟通粉及茄湯份量較少，有點不夠喉。此餐廳以炒蛋出名，吃得出炒蛋滑口，可惜可能預早炒起，上菜時已經冷了，大大扣分。多士牛油味香，有點喜出望外。朋友點的忌廉雞湯火腿通粉，較少在普通茶餐廳見到，湯底濃郁，味道也不錯。其實整體算是不錯，只是看見每天人客甚多，或多或少有一點期待。但冷卻了的炒蛋實在令人失望，期望下次再來時能找到這餐廳大排長龍的原因。