泰太廚房

Open Now

Now Closed

今日一行六人預約咗呢間餐廳食晚飯，我哋訂咗一隻燒乳豬，七點嚟到啱啱好有得食。炭燒乳豬，有泰國師傅即場炭燒，香氣十足，皮好脆，肉好嫩，仲會幫你切走肥膏。跟住叫咗個椰香咖喱大蝦，入邊有好多隻，咖喱梗係要襯返個蒜蓉包啦，好好味生蝦刺身係用架車裝住，非常新鮮，店員話係每日下午六時出去拎貨，所以保證新鮮，新鮮話包退貨，正👍🏻仲有個燒鱔片，脆卜卜，又係即刻生炭燒，點埋個酸辣汁👍🏻正門口有得泊車，呢度環境唔錯，所以揀咗坐出邊，今日又唔係好熱。

成日經過見到呢度有泰國廚師喺度炭燒乳豬，今晚過嚟試吓呢間，都好多款泰式食品。我哋叫咗半隻炭燒乳豬，即場燒真係好好食，呢個平時要預訂，但係今日啱啱好有半隻，所以我哋要埋，皮脆肉嫩，乳豬好入味，加埋炭燒同埋辣汁，真係唔錯，招牌菜真係招牌菜。另外叫左個咖喱蟹肉麵包，不過冇影相，每一啖都係蟹肉，勁多咖喱汁，麵包又脆，好快清哂。新鮮生蝦刺身，有十隻，係新鮮既蝦，待應話朝早一轉入貨，晚上六點又一轉所以必定新鮮，我問佢死左咁點，佢話死左會比廚房煮比自己食，唔會比客人食。椰菜苗：好入味，蒜蓉炒冇乜特別白酒焗蜆，呢個一上台就好勁香酒味，蜆都新鮮，靚👍🏻埋單經理送甜品，呢度可以帶埋隔離台灣店的飲品過來，經理話無所謂

朋友介紹之下得知這店，原來比起其他餐廳更入，不過都唔算難搵星期六訂台先，因為我訂7點執到都要等一陣，等了5分鐘店員安排坐室外位置，叫野食，叫左個生蝦車，好靚好新鮮，之前order定燒烤豬半隻，皮脆肉嫩，平時食唔到的味道，非常特別惹味！個皮好食到好似食薯片咁。另外叫左個白酒焗青口，打開全是香料非常香，新鮮大蜆，另外當然還有泰國最有名的飛天通菜，惹味非常！埋單300$一位！比起出面泰國菜較貴，但質數及味道絕不能與一般泰菜相提並論！

泰太廚房年初四晚飯同三個中學同學聚一聚，有朋友搬左入大尾督介紹之下試下呢間，真係好似去左泰國咁環境好好，好早前預訂左半隻乳豬，皮脆肉嫩，即場炭燒，冬蔭功湯分到四碗剛剛好，酸辣度適中，另外叫左個咖哩包入面有好多蟹肉，好香，切左約八件，沙爹串燒燒得好香，加埋沙爹醬好惹味，柚子沙律都好好食，野食全部都比較大份，食到勁飽要打包，四個人飽住走都係200 $一個人，新年都無特別收費幾好，不過唔知係咪新年無人返工，成晚待應都好忙咁，成晚無人加過水，但服務都ok既，會再有下次