Explore Kitchen (Closed)

探索西餐@旺角好快就上咗餐湯同麵包，我食咗左邊嗰個麵包球，好軟熟。成個麵包都蘸滿咗芝麻，食嘅時候充滿芝麻香氣～南瓜濃湯同麵包一樣都係贈送嘅，南瓜味道好香甜，口感幾 creamy，好好飲！其實呢道裝修幾簡潔俐落，mainly 係木材嘅檯櫈，牆身掛咗啲綠色植物，感覺幾清新。不過我哋坐喺 window seat，望出去有種居高臨下嘅感覺，好似有兩種不同風格咁。扁意粉掛滿蝦籽，有鹹香，而且食到細碎嘅蝦籽粒～魚子醬嘅份量亦不少，顆粒較大啲，同細細粒嘅蝦籽相映成趣，令個意粉好有口感。長形嘅炭燒牛肩胛翼板肉係五成熟，保持翻牛扒嘅幼嫩肉質，切開重係好粉嫩 同朋友 share 嚟食，十安士嘅份量好足夠，佢切得好精緻每一件都好厚身，炭燒得好有水準。日本王林蘋果雪葩賣相好可愛，將冰凍嘅雪葩擺入日本王林蘋果道再雪，碟邊嘅彩色果醬都好 colorful。雪葩可以直接連埋王林蘋果一齊食，朋友鍾意食日本水果所以都幾滿意呢個甜品 呢道啲 cocktail 個名都好夢幻，呢杯叫世外桃源，感覺好似形容梗呢間西餐廳，哈哈！

旺角六點半收工和同事搵野食，逛下逛下見到有橦新大廈幾靚，望一望有間西餐廳係4樓，打算上去望望。上到去發現原來新開張，話做緊優惠85折，望一望，人唔算多，枱唔會迫，個景幾好，時間又差唔多，所以就決定試下。望一望個菜單，試下個牛肩肉。等左一陣就有野食，味道不錯，賣相正常，一個人食既十安仕，我胃口細食唔哂，可能俾個飽塞住左另外朋友俾左少少佢個份比目魚我試，煎得好香口，肉質滑。唔錯。之後見到隔離台點左個斧頭扒，大大份好似好吸引，應該2，3個人食都夠。總括來講，位置方便，係海底撈斜對面;上落有2部升降機，樓層少，唔洗等好耐;食物質素，份量正常; 價錢合理;環境企理，樓底高，空間感都正d，又望到彌敦道。幾好幾好