蠔王 (Closed)

終於有機會帶呀媽去食蠔王💛主要係呀媽好鍾意食蠔, 所以近近地帶佢去試下, 開心下咁啫👐🏻又真係幾好食喎, 連平時食一隻起兩隻上既我都食左...三隻😂<Namibia>老闆問左我地一句食唔食蠔食幾多隻, 就幫我地揀左三款各四隻, 我地四個人食岩岩好一人一隻🦪Menu有勁多款, 我都唔識揀, 好彩有老闆😂唔記得影相, 淨係影左1️⃣第一款Namibia, 好清甜, 味道唔太濃但都食到蠔既鮮美(非專業食評, 講唔到更多了🥸)2️⃣不過我地全家一致認為最好既係第二款Fleur De Eaux, 味道再鮮甜啲, 再大粒啲, 唔識形容但個味係好食啲既(sorry, 盡左力講, 都係想推薦呢款💁🏻‍♀️)3️⃣第三款試左Kys, 雖然佢大粒過第二款, 但味道冇第二款咁好味, 亦都冇第一款咁鮮甜, 唔同既感覺啦下😉事源仲叫左好多野食, 所以有啲遺憾冇encore到Fleur De Eaux👈🏻講多次, 推薦推薦🤘🏻🤘🏻<炭燒紐西蘭肉眼扒>呢個牛好香炭燒味, 屋企人覺得個陣炭味非常正~我自己覺得炭味太濃所以食幾舊把口沖積住個陣味會有既飽滯, 另外佢牛味都好香🐂我覺得值得嗌黎share食

大埔朋友高度推介蠔王，好彩book 到枱就嚟試吓🥳因為我唔食蠔就乾脆嗌set dinner⬇️餐湯先上😙 意大利雜菜湯雖然個人鍾意再濃味啲，不過都合格有凸，醒胃之選😌今日精選係番薯忌廉湯，好有驚喜😍 同餐包好夾第一個main 係炭燒紐西蘭肉眼扒 ($168) medium rare，真係有炭燒感覺🤪 肉質方面唔算出色，不過對得住呢個價錢，配菜都幾好食再嚟燒焗羊扒($178) 7成熟，肉質鮮嫩加入味，推介🥰最後提提未食過嘅朋友仔，老闆係好豪氣，唔駛嚇親呀🤣

嚟到蠔王當然要試下啲蠔！生蠔價錢HK$45-52不等，餐牌同餐枱紙都有介紹每款蠔嘅味道同口感，十分貼心。兩款自己揀＋兩款老闆介紹－Namibia係南非蠔，大隻又creamy；其他三款都係法國蠔，Roumegous爽口有少許礦物味，Fleur des Eaux水中花入口鮮甜，最多人識嘅Gillardeau就海水味重啲，四款蠔都好滿意。另外嗌咗個set dinner，肉眼扒燒得好靚好香炭燒味，叫咗medium啱啱好，薯蓉亦都好綿滑，跟餐有餐包餐湯同咖啡／茶添。老闆好nice用餐期間會同客人傾下計，成個氣氛好casual又食得舒服，有興趣嘅記得book定位～

好友提早為我慶祝生日預先book了這家餐廳幸好朋友先book了，因為見有些客想walk in都沒位呢！點了兩份set dinner，包餐湯﹑主菜及餐茶朋友加錢要了蟹肉龍蝦濃湯主菜分別是炭燒紐西蘭肉眼扒及燒焗紐西蘭羊扒額外點了兩款蠔，每人各兩隻！甜品也是加錢，選了朱古力心太軟生蠔有多款選擇，其中一款選了我喜愛的white pearl另一款就請店主為我們介紹，是北非突尼西亞生蠔 (Tunisie)喜歡white pearl的那種鮮甜味，細嫩又滑又飽滿，海水味不會好重！至於tunisie，第一次試，蠔肉偏爽脆，蠔味相對地略略濃一點！之後奉上餐湯及餐包黑糖麵包微暖又軟熟～餐湯是蘑菇湯，香氣十足，啖啖蘑菇蓉，正！！嚐了一口朋友的蟹肉龍蝦濃湯，龍蝦味幾濃郁～～～燒焗紐西蘭羊扒一上桌就見到羊架粉嫩粉嫩的，肉質嫩滑，味道不會太羶！軟稔易咬，好味！伴碟還有一大舊薯蓉，質感細滑creamy～炭燒紐西蘭肉眼扒，賣相是經炭燒的網紋，帶略略的炭燒香雖然不太厚，但都算大塊朋友說味道都不錯～嚐了一小塊，沒有overcooked，帶點肉汁，略有牛味～都不錯啊！朱古力心太軟，加$35食都算抵去甜品店吃，已遠超這個價錢！

記得某日下午經過Oyster king，因知黃店係門面即睇下餐牌同有冇位，發覺竟然冇人？！疑惑之際見到老闆娘出來話唔好意思今日比人大大力懲罰到賣晒！提議book位好點，實在太勁了！言談之間感覺老闆娘好nice，良心小店必支持！book了平日晚上8:00。 餐廳裝潢簡約，昏暗的燈光帶點浪漫之感，牆上貼有不少文宣，鮮明的立場。 張餐紙都好型。 餐牌，餐廳主打生蠔，想食，但都係留待下次假日先，要了Set dinner D。 蘆筍忌廉湯，有淡淡的蘆筍味。 蒜蓉包。 炭燒紐西蘭肉眼扒，$148。 好大塊肉牛扒，要了5成熟，肉質軟嫩，牛肉味濃富肉汁，有炭燒的香味，薯蓉香滑，幾美味呢。 牛扒伴食的調味料。 朱古力心太軟，跟餐+$35。 甜品好緊絀，食到太好了，好觸目的甜品，講出大家心願，有心思之作，微熱的心太軟，澎湃的朱古力漿，濃郁的黑朱古力味，好味。 熱咖啡，嘆啡吹下水。 隋機送的鎖匙扣。食物好味，而且好抵食，坐得幾舒服，老闆感覺有點霸氣同時又幾隨和(見撩街坊吹水)，下次一定要來食蠔呢。