Orange Elephant Thai Restaurant (博文街) (Moved) New Location

前排疫情肆虐，政府又要停晚市，令到出去食飯慾望大大減低，依家終於開返晚市啦，就搵咗一間泰國菜，聽講佢哋一蚊就食到烏頭，就馬上嚟試下講到泰國嘢點少得生蝦同豬頸肉啲蝦大大食又好鮮甜，同埋佢哋用shot杯上好特別。另外仲有配綠色一個綠色既汁，酸酸甜甜好開胃豬頸肉份量都幾大，而且唔會太乾或者太燶，唔錯唔錯通菜就差少少火侯，但係味道都唔錯魚肉好滑好嫩，味道反而無咁濃味，不過我覺得正正因為咁先更加食得出鮮味 。隔離仲有湯可以fill 唔怕食到乾堂最重要係一蚊換購價就食到，邊度搵！

今日同個朋友去左奥運行街，突然好想食泰國野 上網揾下附近有啲咩好食嘅泰國嘢就比我發現到呢間一入門口就見到有呢個每日優惠價嘅牌只要係到食嘢就可以用1蚊優惠價點以上嘅食品 菜式每日都唔同總有一款啱你心水今日嘅優惠菜式係炒通菜份量同質素絕對冇將貨就價，通菜炒得好香好爽口,個種辣香味好正炭燒豬頸肉燒得好香份量亦都好足，佢個邊位燒到有小小crispy, 好有口感而且好好食必點海鮮炒飯好香蛋香味，材料都好足，啲蝦大大隻好有咬口嘢飲好凍好解渴好好飲椰汁好香

餐廳位置方便，由奧運站行過去都係5分鐘左右！今次一行5人，18:30pm開餐，一去到門口就見到$1換購嘅海報！今日星期四，所以我地可以用$1換購黃咖哩雞！餐廳環境都算大，坐嘅位置都幾闊落泰國菜黎講佢嘅價錢中價，以呢個環境，我覺得算好合理！

椰青($38)，先黎個椰青潤一潤喉先，實際我太口渴，一野已經飲左一半，椰肉又好味，好鐘意刮埋黎食。咖喱海鮮脆包盅($142)，故明思意個包真係非常脆，點咖喱汁真係一流，個汁加左椰汁更加香濃。炭燒豬頸肉($82)，火喉燒得唔錯，豬頸肉燒至外面有少少焦香，外層有少少微脆，肉夠爽口。泰式炸蝦餅($1)，原價$69，但餐廳每日都會推出$1優惠，一星期7日，就有7種菜式係1蚊，當日我係星期一，蝦餅就係哩日優惠，炸得外脆彈牙。

之前其實都有係九龍城食過呢間泰國菜，仲記得佢每日有唔同既一蚊菜式，所以今日黎到大角咀又同女友同埋媽咪一齊食佢啦。酸辣無骨鳳爪，雖然係一蚊但都份量充足，酸酸辣辣係好開胃，個汁好惹味。炭燒豬頸肉影唔到下面個層，其實份量好大，唔會切到碎濕濕仲有表面既炭燒味好香。鹹肉椰菜苗椰菜好似好大條，鹹肉如果再脆口啲就更好。燒側魚真係我其中一個最愛既泰菜，呢到燒側魚入面好多汁，比起平時係九龍城其他泰菜館都更加大條，可能係咁令佢入面保持到咁多汁嫩滑，非常推薦比喜歡魚既朋友。我個人其實好怕食泰式炒飯，可能唔鍾意佢地好鍾意加酸味去炒（菠蘿或茄汁）但呢個椰汁海鮮飯就唔同，上面有好多海鮮，加上椰漿同埋入面每汁飯都有椰汁，好入味同鮮甜。最後仲有個小食係炸蝦餅，感受到係佢地手製同即炸，每塊都好片，好彈牙同有蝦味。總結我覺得orange elephant係一間水準好高，每樣餸都高質又多汁（因為今日叫個啲餸都好juicy😂），員工服務態度好好，仲有各類水果冰（叫左芒果同青檸冰）可以叫埋走甜👍🏻女朋友叫既椰青都好新鮮，佢仲食晒啲椰肉✌🏻有機會黎開大角咀又想食泰菜，我會誠意推薦呢到。