新記雞粥 (鴻禧大廈)

Open Now

Now Closed

天氣涼涼地想食粥，係旺角見到呢間由元朗發圍既雞粥店，決定黎試一試！✨貴妃雞粥緊係要試下呢到既雞粥。貴妃雞用左藥材同花雕黎整，所以食落有淡淡既藥材味同酒香，肉質嫩滑。而粥煮得非常綿密，加上雞油變得好香口！✨魷魚鬚離遠已經聞到超香！外層炸衣唔算厚，但炸得十分香脆。魷魚鬚每條都好粗，夠彈牙，而且有事先醃過既微微鹹味，以及魷魚本身既甜味。點上喼汁非常解膩開胃～✨脆皮乳鴿乳鴿本身已經滷得好入味，而外層炸得好香好脆，食既時候會滲出微甜香氣，鴿肉嫩而不乾，咬落口有充斥住肉汁。✨炸兩炸兩即叫即整，用左新鮮炸起既油炸鬼，同熱辣辣既腸粉，所以外滑內脆。腸粉皮夠薄，點少少豉油都好夠味。不過一定要趁熱食，如果唔係就好快冧哂啦

星期六等老婆收工自己出左旺角， 因為自己太早食早餐所以去到3點幾就有啲餓，行咗幾條街， 因為近住登打士街馬會嗰條街以前食過貴夾唔抵，所以都冇乜點喺嗰度食，不過呢間雞粥想試好耐， 見佢下午茶都唔係好貴真係嚇一嚇，我就入咗去啦， 問一問個職員星期六有冇下午茶， 佢話有之後去放過水就坐低 ，喺某一個食評個度講過，我係好鍾意食出前一定嘅，咁我就叫咗個下午茶餐就轉出前一丁，凍咖啡， 本身都有諗過試雞粥但係粥呢家嘢真係有啲驚唔好食， 睇咗一陣個餐牌，太耐冇食炸兩，佢個炸兩都係20蚊， 咁加加埋埋都好似係五十幾蚊， 而家求其喺一度地方食個餐都50幾60蚊喇所以我就嗌埋， 嚟到個出前一丁煮得岩岩好， 唯一唔好係佢唔記得咗畀包味粉我，之後問佢拎返自己落， 出前一丁呢， 我覺得就唔可以配沙爹牛肉或者五香肉丁，唔知點解配襯個面都唔好食，所以我通常食出前一丁都係配一啲清清地嘅嘢，多士好食腸仔正常，跟住試埋佢個炸兩，當你曾經食過一啲蒸嘅炸兩之後基本上普普通通一個正常嘅炸兩已經覺得好好食，不過佢呢個炸兩都好食因為佢嗰個皮好滑，炸兩仲有少少脆，但唔係好夠豉油，正常人可能唔食咁多豉油但係我鍾意就落多啲，食完都係五十幾

都有一段時間沒有來這裡食粥了，今天突然想起這裡雞粥的味道，而且也是時候清清腸胃，所以便跟友人來這裡。餐廳店內也有不少人，但是見到買外賣的人比平時多很多，相信也是疫情的緣故。餐牌上除了有粥品，也有小菜！貴妃雞粥，粥底有香濃的雞味而且好綿，粥內有多件雞件，雞肉嫩滑又夠入味!蠔仔貴妃雞粥，這款粥味道以蠔仔味為多，粥有加入薑絲，你辟去蠔仔的腥味。蠔仔和雞件份量都幾多，蠔仔脹卜卜，雞件也是很嫩滑。整體來說味道帶有海鮮的鮮味，幾特別!炸兩，每次食粥都會點炸兩，這裡的油炸鬼很脆口，又不會很油膩，配上甜豉油和甜醬，令味道更豐富!煎蝦米腸，有稍稍煎過，有點脆口，蝦米份量都算幾多，帶有蝦的鮮甜味，配上麻醬和甜醬混埋一起，味道更惹味!豉油皇炒麵，平時好少吃炒麵的我，這裡的炒麵真的吸引到我吃!雖然只有芽菜和蔥粒，帶炒麵有鑊氣又夠豉油味，配上辣醬一齊食更加刺激味蕾!間唔中食下粥真的不錯，而且這裡的粥夠鮮味，值得再來!

今日唔知點解好想食下粥，朋友介紹我來這間位於好景商場附近的粥店，她說這裡的雞粥好吃!餐廳就像茶餐廳的格局，餐牌上有很多不同款式的食物，除了有粥品也有小菜等菜式。貴妃雞粥，粥底好綿，好香雞味，粥入面有不少雞件，雞肉嫩滑，而且一碗份量都有很多，唔怪得之咁多人點黎食!魚腩粥，粥底味道夠雞粥清，但好香魚肉的味道!魚腩都有3-4件在粥入面，唔會太多骨，魚肉都幾滑!蜆介鯪魚球，冇諗過一碟有6粒，而且粒粒都好大，外面炸得金黃，內裡鯪魚肉彈牙，十分惹味!再配上蜆介醬另有一番風味!豉油皇炒麵，好耐冇食過啦，因為平時通常會選擇炒米粉!這裡的炒麵炒得乾身，幾香口，個人覺得有少少咸，但是加了一些辣醬後十分惹味!香煎蝦米腸，朋友一向都好喜歡食煎腸粉，最喜歡加入很多花生醬和甜醬，這裡的煎腸粉煎得有點脆口，很香蝦米味，而且煎得乾身!香脆炸兩腸粉，食粥品通常都會點炸兩食，這裡的油炸鬼唔會好多油，而且幾脆口，腸粉口感順滑!這裡的食物款款份量都算很多，而且價錢不算太貴，味道亦不錯，有機會會再黎!

是日陪朋友試妝, 試親妝冇2個鐘都走唔甩, 要食飽D!當晚落住雨, 就O係試妝樓下就見到呢間餐廳,睇睇menu, 以為得雞粥?! 實際俾想像更多, 所以就試下喇!野食真係好多選擇, 前菜, 粥粉麵飯都有, 岩哂口味!海蜇手撕雞醒胃前菜, 帶有少少甜味, 好開胃~招牌貴妃雞粥+蠔仔話明招牌, 梗係要試. 當我以為雞粥通常都係比較油同都係係味精粥底, 但食落就知道唔一樣了~雞肉啖啖肉, 而且有D咸香, 碗粥亦一D都唔油!雞肉加埋D粒粒新鮮蠔仔, 成碗粥好鮮味, 正呀!炸兩食粥少不了配炸兩, 油炸鬼食落脆口, 唔會好油鮮蝦腸呢度既腸粉皮薄晶瑩剔透, 而且蝦仁大粒彈牙! 帶子肉片炒麵一上枱就聞到好香! 夠哂鑊氣!帶子肉嫩, 亦有好多肉片, 好足料!而且夾雜住D爽口芽菜, 好食!

係旺角行行下見到呢間新記雞粥，原來係元朗老字號嘅分店呀！九龍區都食到新記，仲要係方便就腳嘅旺角！真係諗都唔駛諗就入去霸位喇！一行4人，一入到去已經人頭湧湧，店員安排左我地坐好舒服的卡位！坐位上的餐紙已印了餐廳的招牌菜，有選擇困難的朋友仔就唔駛擔心喇粥係店的主打，所以生滾粥的種類有很多，還可以自由配搭呢！睇得出餐廳為滿足客人的細心！生滾貴妃雞粥只看粥的顏色已感覺到好濃的雞味果真不是只有賣相雞入口嫩滑粥底有濃濃的雞味而且很綿招牌雞粥真的非吃不可！炸兩油炸鬼十分脆口要襯熱吃炸鯪魚球一看賣相已嚇呆了鯪魚球像乒乓球大粒實在太足料吧鯪魚球外脆內軟配蜆介汁來吃十分惹味酥炸魷魚鬚魷魚鬚大大條炸粉份量恰好，不會太多鹹度適中很易吃上癮脆皮乳鴿比平常一般吃的乳鴿大隻不會炸得太乾皮脆，肉仍有肉汁Juicy!!XO醬叉燒炒蛋飯XO醬好多，足夠撈整碟飯滑蛋配大大舊叉燒抵食！腐乳炒通菜大大碟夠鑊氣腐乳不會辣小朋友都岩吃餐牌種類實在太多，下次要再試埋其他生滾粥同試下小炒先得