Outback Steakhouse (尖沙咀中心) (Closed)

其實為左食個炸洋蔥先來，個炸洋蔥係幾好食既。好似朵花咁，不過就咁食都好好食，點埋個芝士醬就有少少咸。呢一樣菜真係少有，其他餐廳都搵唔到，最後決定來試下，竟然最滿意既只有呢樣。牛扒真係有啲失望，叫左一份7成熟西冷，一份5成熟肉眼。價錢還可以接受，我自己食肉眼，雖然個心仲係粉紅，但兩塊牛扒表面都好柴，係乾到變肉絲/肉乾，表面食落真係好似煲湯啲瘦肉咁柴，要切走個表面肉乾先好啲服務係好既，不過我覺得呢個價錢唔應該食到質素咁差既牛扒。

因為慶祝生日的關係，想搵有品質保證的据扒盡情地食果然Outback無令我失望而且我地兩個人佢俾左近窗的卡位，真係好唔錯，靜局得黎又有景睇。因為加$10的關係叫左個栗米忌廉湯，但係就無特別。跟住超好味的黑糖飽，外脆內軟，如果唔係驚食唔到其他野，真係想食多個😋再黎係必叫的炸洋蔥，超香口，所以必須要襯熱食，因為熱食個皮會較脆，凍左成個洋蔥會淋晒，無甘好食，不過，我地得2個人，洋蔥太大，最後只食到半個，另一半拎走😂跟住係香草蕃茄海鮮長通粉，比想像中大份好多，完全超出預期，因為另一間西式据扒餐廳的份量係超少的，呢度又大份又好味😊重點黎啦，是肉眼扒配豬肋骨，無諗過雙拼都可以甘大件，而且牛扒叫7成熟都唔會好靭，仍然鮮嫰多汁，不過豬肋骨就有d乾。最後，大半份豬肋骨，焗薯，半個洋蔥都要打包拎走，因為佢d野太大份，真係失晒預算

聖誕先岩岩見完，話咁快又新年，又係時候食開年飯啦！係賴生上年出席舊同事開年飯既時候，全部同事都強烈要求賴生今年帶埋屈小姐出黎見佢地(哈哈哈⋯見家長咩？）為左順應民意，賴生今年就誠邀屈小姐出席！今年既開年飯，我地定左係尖沙咀中心既Outback，賴生係天星碼頭接左屈小姐之後，行左一陣海港城就過去啦！去到既時候，已經有同事拎左位啦！仲有埋大枱Serve我地，超好坐！10個人都坐得好舒服，唔駛逼埋晒係一齊！仲有呢度服務都Ok嫁，雖然佢地有D忙，但都好快會serve到我地，而且態度非常好我地成餐飯由7點30食到10點2都冇悶場當你落左Order之後，就會有新鮮熱辣既黑糖包包黎嫁啦！係呢度既名物之一，仲要免費任加嫁！1）黑糖包包 （4.5星）- 叫左野食就免費任叫嫁！1次黎一條，增加CP值必點Item!- 味道仲好出色添！熱辣辣香噴噴！本身就微甜既，塗埋側邊隻牛油仲正！因為牛油又香D，牛油本身既味仲令黑糖包包既甜味更突出！- 外脆內軟！食慣Plain Plain雜糧包既(懶健康)屈小姐食頭一兩啖覺得過甜，但食多幾啖，尤其係食左啲主菜之後又忍唔住再叫尼食！- 重點：一定要襯熱食！凍左差好遠架！2）

想食西餐又可以坐得耐D的話，我覺得Outlook係一個幾好的選擇（起碼唔似RUBY個半鐘真係趕人走）先介紹個招牌黑糖包，香黑糖味之餘又唔甜，仲可以添加，我自己都食成個凱撒沙律，正常水準炸洋蔥（花？），個賣相好靚食落都好好味，唔會太重粉而且好脆，洋蔥愛好者一定鍾意，不過睇小佐佢的飽肚程度建議多人先叫呢個意粉唔記得佐個名，似白汁海鮮意，白汁唔漏、幾好食煙肉薯條，好漏，但如果係傾長計又叫佐無限添飲都幾禁食牛扒+豬肋骨 MIX，一貫水準，不過真心個牛好多地方好食D、豬好好食

突然心血來潮想鋸扒，第一時間諗起outback, 呢度亦都算係一個“是但”之選，每次諗唔到去邊度食，呢度都係首選。既然係即興，所以等位在所難免。差唔多每次黎食都係習慣幾個菜色選擇，牛扒＋沙律+炸洋蔥+啤酒，而今次都唔例外。正因為次次都係食差唔多既食物，所以我都算見證outback食物質素既up & down. 今次質素係有70分～1. 塊扒叫4成熟，上碟應該有起瑪7成. 而且肉質比較實，唔夠juicy2. 沙律水準保持3. 炸洋蔥水準保持4. 服務反而係今次死証，好似大部份樓面都係part-time, 完全遊緊雲咁。

同朋友慶生， 突然好想食炸洋蔥同黑糖包， 即刻提意嚟outback， 預先book左位， 所以唔洗等， order左以下食物黑糖包(free): 食左5round, 唔洗講都知好味， 外脆內暖， 仲好香黑糖味炸洋蔥: 係好鬼正， 脆卜卜包住洋蔥， 點埋個微辣醫汁， 惹味到不得了炸磨菇: 炸醬脆卜卜加埋香香磨菇味， 都唔錯喎小食併盤: 有炸雞， 芝士煙肉薯條同埋豬肋骨， 不錯， 味道正路， 係炸雞有啲乾肉眼10oz併豬助骨: 肉眼5成， 嚟到有7成熟， 肉汁有， 但如果5成會更加好安格斯steak 12oz: 剛好5成熟， 好軟熟， 又多肉汁， 配磨菇汁好好味凱撒沙律: 正常無咩特別埋單八百中， 好抵食!!跟我地台個哥哥好nice, 好好笑容， 好細心^^

朋友生日，我們一行十一大兩細到尖沙咀中心的Outback吃飯。我們點了頗多食物，由於是長枱，我們不停把一碟碟的食物傳來傳去，十分繁忙！  全份ribs，肉質軟稔，一人食一至兩條肋骨，少食多滋味！ 煙肉芝士薯條，新鮮熱辣，我吃了很多！ 凱撒沙律：可配燒雞肉或燒蝦，各點了一份。我只吃了菜，小朋友說燒蝦好味！ 點了兩份漢堡飽，落單時要求將每個飽一分為四，以方便我們分享。我嚐了芝士漢堡，芝士微熔於飽內，牛肉juicy，味道整體不錯；但麵包底部過濕，不能承托上面的餡料，吃的時候會有少許狼狽。 炸蘑菇，蘑菇大大粒，味道香濃。 炸洋蔥，一般，剩下三份一。以下食物在傳到我面前時已來不及拍照。 到這裡必食的是黑糖麵包!微熱、表皮微脆，內裡軟綿綿的麵包，配上少甜的cream，十分好味！ 雞胸肉及豬肋骨：後者全被幹掉，剩下很多雞肉。我們每人都點了飲料，很快已經飲飽食醉。由於有生日疍榚，所以沒有點甜品，唯有等下次再來試我想吃的chocolate thunder。席上有人有85折，每人平均消費在二百元以下，吃一頓愉快的晚飯，也蠻不錯呢！

同朋友補祝生日，去左outback食。第一次試澳洲菜，一d都無失望﹗叫左個大家都叫好既炸洋蔥，cheese & fries, 牛肉 etc.... 好好食呢。面包同個cheese & fries 食到大家停唔到口