TAP - The Ale Project

Open Now

Now Closed

近幾年好鐘意飲手工啤，因為有好多口味可以揀，同埋往往會有唔同嘅驚喜😍最近有朋友推介呢間起旺角嘅酒吧，主打手工啤on the tap，有唔同嘅本地同埋進口手工啤，趁住星期六黎chill下🍻一坐低見到bartender位置，就知道朋友好推介，無黎錯地方，因為好多個啤酒嘅tap，上面有好有心思用手寫好colourful 嘅on the tap menu，總共有19個選擇，基本上見到每個名都好特別，都好想嗌😋睇返menu會有更詳細嘅介紹，原來total有10種本地釀製嘅手工啤，7種進口啤同2種好少有嘅wine and cider on tap，聽店員講呢19個選擇都係會成日變，有啲期間限定嘅感覺！我地第一輪叫咗一杯4號 Young Master Teahouse: Peach Ceylon IPA（右邊個杯），係一杯充滿蜜桃紅茶香味加上少少IPA嘅苦味，有一種好fusion嘅感覺，無諗過茶同IPA可以mix埋一齊；因為本身好鐘意飲Apple cider🍎，所以我地吖咗一杯19號嘅Old Rosie Cloudy Cider（左邊果杯），係英式傳統同未經過濾嘅cider，顏色望落好似cloudy

近排鍾意左飲craft beer，今日嚟到九龍區第一間精釀酒吧TAP - The Ale Project。酒吧一共設有18個啤酒龍頭，其中酸啤佔有3個啤酒龍頭，今日我就係衝着酸啤而嚟😍- Izakaya in Berlin 酸度中等，偏向柑橘。估唔到聞到麻辣火鍋嘅味道，其中山椒味非常突出，- Jumbo Sour No.12Jumbo Sour比起上杯更輕盈，酸度更低，酒體呈迷人既金黃色。- 炸卡津雞翼配腐乳醬－共有六隻雞翼，雞翼炸到好脆，肉質仍然嫩滑，灑上少少卡津粉所以味道有少少辣。腐乳醬可謂畫龍點睛，味道唔算太濃味，我同朋友都接受到個腐乳味。- 炸粟米粟米本身唔算太甜，不過上面有好多椒鹽，夠曬惹味。- 椒鹽浦boy法包外脆內軟，上面係彈牙酥脆既啤酒醬炸蝦，加上涼拌捲心菜同辣椒蛋黃醬，又飽肚又美味😋- 白布磨菇意本身對呢個意粉無咩期望，賣相更加麻麻，不過味道搭救，口感creamy之外滲透少少松露味道，磨菇都用左幾款，平凡之中帶點不平凡🤩以上兩杯酸啤都好正，食物賣相麻麻，但味道搭救，而且服務幾好，餐廳職員有問必答👍🏻

The Ale Project ，我地通常稱佢為「旺角TAP」，可以話係好多本地啤酒頭嘅「入坑」之地，多年嚟都係鍾意飲手工啤酒嘅朋友經常會去嘅地方， 但佢除左手工啤出色，食物質素都非常OK先嚟返杯啤先，今次揀左嚟自紐西蘭 Behemoth 酒廠嘅 Juice Springsteen NEIPA，呢杯可能係我飲過佢地嘅酒入面 我最鍾意，超 hoppy ，果然要抽 The Boss 嘅水都要整返啲 Bossy 啲嘅酒。小食就揀左炸粟米， 佢加左少少 Cajun 令佢更加惹味～ 唯獨係用叉其實有啲難拮， 最後都係用手算近年嚟親我都一定會食佢地嘅smash burger ， 兩層芝士加兩層牛肉， 熟度做得好好， 個包都好挺身， 唔會腍晒， 雖然係一樣相對地簡單嘅野， 但係真係令人一再回味～ 另外再叫多左個 南部辣雞 Nashville Hot Chicken， 上到枱正式係睇佢隻色就知佢咩料啦，如果食得辣嘅朋友要試下， 佢都幾辣， 炸雞都keep到好脆，爽呀～ 佢嘅餐牌久唔久都會轉下， 期待佢下次又有啲咩新嘅野食～