Video
Read full review
2023-02-23
2719 views
平常食韓式炸雞，每個人無一二百蚊都落唔到樓，但早前搭天星過尖沙咀時，晌中環天星碼頭就見到有一檔韓式炸雞專門店「CHIMAC」，二人套餐只喺賣150蚊左右咋，已經包好多嘢食，堂食外賣都可以，真喺超抵。 一邊喺廚房、落單、取餐嘅地方，另一邊喺堂食用餐區，座位唔多，一眼睇晒得12個。我見有啲人外賣，拎落下面海濱啲位度食，如果唔喺今晚稍為大風啲，我都會咁做，因為響下面，附送成個維多利亞港180度景觀，高級餐廳都未必有咁靚景呀，哈哈！ 櫃位上面就有幾個巨型電子餐牌，亦可以問店員拎個實體餐牌埋位慢慢睇，佢哋嘅炸雞有好多口味選擇，亦有分無骨、有骨，此外，仲有多款韓式主食、升級優惠等等。 另外，就喺一系列2、3、4人韓式炸雞盒套餐，包咗炸雞、小食、迷你飯、飲品，着實喺划算之選。全部炸雞都喺新鮮即做，所以，等候需時，故此，落單後有個傳呼器俾你，做好之後就會發出叫聲提你埋去拎，大概等10分鐘左右就有得食。二人特攻炸雞盒 $158我哋就揀咗個二人炸雞餐，選炸雞腿肉就$158，如果選有骨炸雞就$178，個人就覺得炸雞腿肉好似抵啲，一來定價平少少，二來雞腿肉啖啖肉，炸雞一款喺指定嘅原味，另一款就選蜂蜜焦糖味；小
一邊喺廚房、落單、取餐嘅地方，另一邊喺堂食用餐區，座位唔多，一眼睇晒得12個。我見有啲人外賣，拎落下面海濱啲位度食，如果唔喺今晚稍為大風啲，我都會咁做，因為響下面，附送成個維多利亞港180度景觀，高級餐廳都未必有咁靚景呀，哈哈！
櫃位上面就有幾個巨型電子餐牌，亦可以問店員拎個實體餐牌埋位慢慢睇，佢哋嘅炸雞有好多口味選擇，亦有分無骨、有骨，此外，仲有多款韓式主食、升級優惠等等。
另外，就喺一系列2、3、4人韓式炸雞盒套餐，包咗炸雞、小食、迷你飯、飲品，着實喺划算之選。
全部炸雞都喺新鮮即做，所以，等候需時，故此，落單後有個傳呼器俾你，做好之後就會發出叫聲提你埋去拎，大概等10分鐘左右就有得食。
二人特攻炸雞盒 $158我哋就揀咗個二人炸雞餐，選炸雞腿肉就$158，如果選有骨炸雞就$178，個人就覺得炸雞腿肉好似抵啲，一來定價平少少，二來雞腿肉啖啖肉，炸雞一款喺指定嘅原味，另一款就選蜂蜜焦糖味；小食方面，最韓風都喺炸紫菜卷同魚糕串，再加埋兩客迷你飯，飲品就簡簡單單要可口可樂，襯晒食炸雞，否則，亦可以加錢轉其他嘢食。
二人特攻炸雞盒
$158
56 views
0 likes
0 comments
因為所有嘢都喺即叫即做，加上我哋喺堂食，所以，紫菜卷拎上手熱焫焫，咬落脆口唔在講，而且，亦唔油膩，裏面捲住好多粉絲，甚具口感。如果攞走食，相信就會大打折扣。
魚糕串（4串）睇韓劇時，見啲人好鍾意晌街邊小販檔食魚糕串，仲要非常之大串，好似我哋晌街邊篤魚蛋咁。一客4串，每串篤住4塊，份量無欺場，咬落彈牙得嚟又帶點煙韌，簡單淋咗啲韓式醬油，食味唔錯。
魚糕串
42 views
0 likes
0 comments
泡菜豬肉飯多款迷你飯供選擇，款款都甚具韓風，呢個豬肉飯絕對喺值得一試，唔喺普通肉片，而喺用上五花腩，大大片，煎得香口，富油香，夾埋泡菜一齊食，味道一流，不過，啲泡菜辣勁幾強，入口包醒神。
泡菜豬肉飯
31 views
0 likes
0 comments
比較深入認識韓式粉絲，都喺睇咗韓國綜藝「尹食堂」。講番啲粉絲，佢哋嘅粉絲比較粗，有啲似米線咁，但就透明啡，裡面拌有好多料，甘筍絲、冬菇、椰菜、白芝麻……等等，粉絲煙煙韌韌且索滿汁，唔錯喔。
原味炸雞每籃炸雞都有成6件，件件都有番咁上下大細，即炸即喺即炸，入口仲喺好熨熱，但就特別甘香，外層寧舍脆口，而且，果然喺雞腿肉，加上啲雞嘅皮下脂肪少，真喺食落一啲都唔油膩，肉質更喺頗為嫩滑。
蜂蜜焦糖炸雞同樣都喺一客有6，呢款口味真喺超推薦，淋上嘅蜂蜜焦糖醬味道清甜得嚟，又滲出陣陣焦糖香，好有個性，鍾意食焦糖嘅客人真喺唔好錯過，小弟正正喺焦糖粉絲，所以特別鍾意，加上無骨嘅雞腿肉，又嫩又滑，就更加啖啖肉、啖啖滋味。
蜂蜜焦糖炸雞
127 views
0 likes
0 comments
晌落單時，仲見到有個好粉嘅牌仔，寫住「CHIMAC 女神來了」，原來喺「Isabella群姐」，更送出限量版Memo Pad一疊，非常搞嘢，好具話題性。
第一次試CHIMAC嘅出品，總括一句，就喺平靚正，而且，店員好有禮，好似我哋食完打算拎番啲餐盤俾佢哋，個哥仔不斷唔該前、唔該後。事後先知，原來佢哋仲有好多分店，有機會再去其他店試吓先。
Post
