吉列牛忌廉烏冬專門店 (彌敦道)

Open Now

Now Closed

盼望咗好耐終於去到食，雖然地方唔係好遠但係都拖咗好耐先去食，環境好寬敞😍而且窗口位係對住落地大玻璃，望住街景，下午茶嘅時間過去係冇乜人坐耐啲都得。當然要叫佢哋嘅招牌吉列牛🐂，口感外脆內嫩，炸得都唔錯，但係略嫌冇乜牛味。另外嘅咖喱烏冬都係招牌，有好淡嘅咖喱味，而且最上層係cream，都幾得意🥰

一直以嚟，見好多人去呢間食烏冬，雖然烏冬同忌廉嘅配搭好奇怪但都好想拓展吓味蕾嘅極限，今次卒之嚟到食呢碗烏冬嘅忌廉超級厚，心諗cream多吉少，一定好膩，但原來佢啲忌廉係好輕身好綿同底下嘅咖喱混埋一齊，令其質感更juicy，加上烏冬又綿又彈牙，唔怪咁多人嚟朝聖另外一個招牌—吉列牛，一上盤已炸到外脆內生，放上滾燙中嘅鐵板只需不多時，就熟得啱啱好，點上醬汁品嚐，牛味好出，肉質甜嫩定食仲有味噌湯、白飯、豆腐同沙律，相當豐富呢幾樣嘢用嚟送牛，簡直係一流有個蛋卷講到係秘製咁，唔試會籮籮孿，外面加些飯素，內裡有拉絲芝士，係幾驚喜年糕亦係不得之了，加咗薯仔，質感更煙韌，同裡面嘅芝士融為一體，同外面塊脆脆紫菜形成對比熱情果茶用嚟解膩其實係幾好，而且擺得好IGable紫薯Latte個忌廉同烏冬如出一轍，輕純得嚟又同入面嘅成份非常融洽

聞名已久的忌廉烏冬，然而我係想食好耐不過都無機會食到，今次終於搵到機會食！位於17樓既餐廳，人流非常多，一出升降機就見到好多人，好熱鬧！仲見到好多報導有關吉烈牛同忌廉烏冬！係升降機門口仲張貼左幾張門神海報，非常過癮有特式！咖哩忌廉烏冬（雞肉）$78一上枱已經心心眼😍咖哩烏冬既面頭好夠忌廉，滿滿既白色，好治癒～咖哩味非常特別，唔會太辣，咖哩味香而烏冬非常入味好吃，煙韌得黎彈牙，口感十足，配上攪拌均勻既忌廉，唔會好甜，烏冬變得好滑身，好得意過癮既口感，比到好大驚喜我！另外仲叫左炸芝士薯仔年糕$38年糕非常軟熟，一夾就已經感覺到軟軟既質感，外層炸粉夠薄，一咬入面既忌廉芝士爆出黎，勁滿足！一定要趁熱食！配上外層既脆卜卜既紫菜同七味粉（？）非常滋味！Kobekyu 滋味單骨雞翼$65我最中意食單骨雞翼，因為食得非常方便，肉多骨少！呢款單骨雞翼上面佈滿左燒烤味既調味粉，非常均勻！食落肉質鮮嫩，仲有食緊shake shake 薯條既感覺，今次係shake shake 雞翼！今餐所有食物都非常滿意，下次必定會試埋另一個辣味忌廉烏冬！

上星期二晚收工之後，有事要到旺角。因為呢排天氣開始凍，想食啲暖笠笠既野，就唸起咖哩烏冬，隨機一搵，醒起附近有呢間近期好出名既韓國餐廳。餐廳食吉列牛同咖哩忌廉烏冬為主。因為一個人黎食，只可以食一款。吉列牛都多地方可以食列，就叫左咖哩忌廉牛肉烏冬再加炸芝士薯仔年糕做小食。咖哩同烏冬都咖哩都唔係好濃個種，雖然兩種味道聽講好似有點奇怪，但攪埋一齊食原來好夾！！忌廉好滑，加埋咖哩味鹹鹹地，再加上烏冬，味道岩岩好，冬天食好溫暖。牛肉反而就無咩特別，有少少韌，但個汁真係好正，好特別，未食過都可以一試。因為覺得剩食烏冬有少少悶，唔夠滿足，再叫多左個小食。炸芝士年糕，個皮好薄好脆，一咬開啲芝士爆晒出黎，但稍嫌芝士味比較淡，如果芝士味濃返少少就一流。食完咖哩忌廉烏冬加上一舊炸芝士年糕，已經好飽。整體呢講，餐廳價格唔算貴，質素都唔錯，推介冬天食咖哩忌廉烏冬，食完包你暖返晒

有朋友星期五吃過晚餐，誠意推薦。她說星期五的晚上人極多，大部分是年青人。故此我選了星期日的中午，不用等位，幸運分配到窗口位，在大片玻璃、充滿陽光的照射下用膳，心情大好吉列牛定食+咖喱忌廉烏冬（小辣）+2 汽水 $246，可補差額加其他飲品。吉列牛定食，試過一次日式的吉列牛，今次嚐韓式，韓牛的味道不及日式牛的香，但以吉列方式更匹配，在石板上每邊稍微燒一下令牛更出色。咖喱忌廉烏冬，有一層忌廉在面，第一次吃，有新鮮感。初頭以為會是很杰很濃的忌廉，原來是很稀身呈泡沫狀。咖喱烏冬夾起來出煙，也傳來香味，吸引的一個烏冬，內有牛肉和一些蔬菜，不會只得賣相，味道也很好，讚！炸芝士薯仔年糕 $38，紫菜香，入口有少許油，溶掉了的芝士，味道好。枝豆$32，有些鹽在枝豆表面，更好吃。吃了濃味的咖喱烏冬和燒吉列牛，有枝豆清一清味蕾，減了一些油膩感。