Burger Begin (Closed)

係明利買咗個家鄉狗仔粉外賣，好似唔多夠喉，皆因女友小熊頗大食(x_x)，於是打算係 Burger Begin 買多件炸雞，係門口等餐時,睇吓個 menu, D 漢堡飽又好鬼吸晴喎，心多多又買埋個日式漢堡外賣！優點：1) 老細話日式漢堡係用上唔攻鼻嘅 wasabi醬，醬汁果然唔攻鼻，而且份量極多.2) 食咗老麥幾十年，好難話唔攞老麥同佢比較，老麥D牛肉食落有渣，而且鞋口，BB 嘅牛肉嫩口又無渣，甚至有入口即溶感覺.3) 成個飽份量足，但引申另一個問題，唔知點埋手！有待改善：1) 薯條口感似老麥無特別.2) 炸雞係失望一環，平凡之餘收費亦唔平.3) 加埋薯條同飲品，成80蚊，講唔上性價比高，一份錢一份貨吧！

最近有啲原因又令我經常喺紅磡黃埔一帶出沒，呢度最吸引嘅地方莫過於各式各樣嘅美食😍。打卡店集中喺黃埔花園以至海皮一帶，而小店就林立於舊區(蕪湖街、崇潔街等)嘅大街小巷。呢日我就喺舊同事嘅推介下，幫襯咗「Burger Begin 」。如果唔熟呢區，你未必會估到小店座落呢個位置，附近係一啲好舊式嘅舖，賣漢堡包可算格格不入🤣。店舖外嘅環境就相當麻麻，立食區面向後巷，但又咁講，其實佢係專做外賣🥡，所以影響不大；放張枱都係想方便你肚餓可以即時開餐。我哋企喺度唔夠一分鐘，老闆整完手上張單就即刻出嚟同我哋詳細介紹有乜食。揸唔定主意嘅我勁煩咁每事問，但佢非常耐心解答。對話中我完全感受到佢經營小店嘅熱誠👍，佢能夠講出每款漢堡包嘅特色，以及演變過程。例如金沙鹹蛋黃醬應該要點夾入個包度，又或者點解素漢堡用大啡菇做餡，而唔係用素肉。同時，佢好清楚舖頭嘅定位，所以定價好合理！喺老闆嘅介紹下，有選擇困難症嘅我都好快揀好食乜😛。呢度除咗漢堡包，仲有熱狗同少量小食賣。如果唔食牛都唔緊要，因為佢預咗用豬或者魚取替，好貼心。日式漢堡🎌Japanese Wasabi Salsa Burger ($58)，點解要特登寫埋漢堡包

見到新開張就試吓新東西，職員主動介紹每一款漢堡用料及特色於是買咗3個漢堡+1份炸薯條，因為太好賣關係其他小食都無晒，唯有下次再試🔶炸薯條 $26 都大條粗身，同埋熱辣辣脆口另外點咗Wasabi salsa醬，金沙鹹蛋黃醬去點薯條每款醬都要加$10，我比較推薦金沙鹹蛋黃醬，不過個鹹蛋味都唔係太出，可能將來會愈整愈好Wasabi salsa醬唔辣唔攻鼻，可以放心食🔶黃金漢堡 $58鹹蛋味唔係太突出，而且漢堡無醬汁，個味好單調如果多啲鹹蛋黃醬/醬汁，令個漢堡有味會更好但個漢堡牛係新鮮好味嘅，而且好多汁🔶墨西哥漢堡 $58我推薦呢款漢堡包，因為夠味而且有少少辣辣地好惹味可以見到好多肉醬/肉碎，個啲令到個漢堡更豐富👍🏻🔶皇牌鵝肝漢堡 $108好矜貴的漢堡，但夾落漢堡中間就食唔到鵝肝嘅香味可能係唔夾，所以呢個價錢我寧願分開食，漢堡還漢堡，鵝肝還鵝肝個漢堡就甜甜地，應該有蜜糖味支裝飲品都係$12，非常抵，平民價P.S: 主要做外賣，鋪面比較細一眼睇晒，當天得一個員工，所以等出餐時間就要耐啲...要有心理準備另外鋪外有兩張小枱可以企係度食，都方便嘅！