Video
Read full review
2021-02-11
457 views
最近有啲原因又令我經常喺紅磡黃埔一帶出沒，呢度最吸引嘅地方莫過於各式各樣嘅美食😍。打卡店集中喺黃埔花園以至海皮一帶，而小店就林立於舊區(蕪湖街、崇潔街等)嘅大街小巷。呢日我就喺舊同事嘅推介下，幫襯咗「Burger Begin 」。如果唔熟呢區，你未必會估到小店座落呢個位置，附近係一啲好舊式嘅舖，賣漢堡包可算格格不入🤣。店舖外嘅環境就相當麻麻，立食區面向後巷，但又咁講，其實佢係專做外賣🥡，所以影響不大；放張枱都係想方便你肚餓可以即時開餐。我哋企喺度唔夠一分鐘，老闆整完手上張單就即刻出嚟同我哋詳細介紹有乜食。揸唔定主意嘅我勁煩咁每事問，但佢非常耐心解答。對話中我完全感受到佢經營小店嘅熱誠👍，佢能夠講出每款漢堡包嘅特色，以及演變過程。例如金沙鹹蛋黃醬應該要點夾入個包度，又或者點解素漢堡用大啡菇做餡，而唔係用素肉。同時，佢好清楚舖頭嘅定位，所以定價好合理！喺老闆嘅介紹下，有選擇困難症嘅我都好快揀好食乜😛。呢度除咗漢堡包，仲有熱狗同少量小食賣。如果唔食牛都唔緊要，因為佢預咗用豬或者魚取替，好貼心。日式漢堡🎌Japanese Wasabi Salsa Burger ($58)，點解要特登寫埋漢堡包
最近有啲原因又令我經常喺紅磡黃埔一帶出沒，呢度最吸引嘅地方莫過於各式各樣嘅美食😍。打卡店集中喺黃埔花園以至海皮一帶，而小店就林立於舊區(蕪湖街、崇潔街等)嘅大街小巷。呢日我就喺舊同事嘅推介下，幫襯咗「Burger Begin 」。
如果唔熟呢區，你未必會估到小店座落呢個位置，附近係一啲好舊式嘅舖，賣漢堡包可算格格不入🤣。店舖外嘅環境就相當麻麻，立食區面向後巷，但又咁講，其實佢係專做外賣🥡，所以影響不大；放張枱都係想方便你肚餓可以即時開餐。
我哋企喺度唔夠一分鐘，老闆整完手上張單就即刻出嚟同我哋詳細介紹有乜食。揸唔定主意嘅我勁煩咁每事問，但佢非常耐心解答。對話中我完全感受到佢經營小店嘅熱誠👍，佢能夠講出每款漢堡包嘅特色，以及演變過程。例如金沙鹹蛋黃醬應該要點夾入個包度，又或者點解素漢堡用大啡菇做餡，而唔係用素肉。同時，佢好清楚舖頭嘅定位，所以定價好合理！
喺老闆嘅介紹下，有選擇困難症嘅我都好快揀好食乜😛。呢度除咗漢堡包，仲有熱狗同少量小食賣。如果唔食牛都唔緊要，因為佢預咗用豬或者魚取替，好貼心。
日式漢堡
$58
10 views
0 likes
0 comments
漢堡包🍔嘅組織由上至下數起：麵包、$30追加嘅鵝肝、山葵沙沙、車打芝士🧀、安格斯牛肉漢堡扒、沙律醬、自家酸青瓜🥒、紫洋蔥、生菜同麵包，各款配料同醬料配合埋一齊毫無唯和感。鵝肝煎得好香，加上有輕輕壓扁，咁就唔會一啖食哂就無。🐮漢堡扒厚薄適中，牛味濃郁兼多汁，而且肉質唔鬆散。麵包層無特別燒至脆身，但放入咁多料亦無令佢過濕、變海綿，成個包夾埋絕對稱得上係好出色😋！
芝士辣肉醬熱狗($36)，🌭以長超過20cm嘅熱狗而言，佢真係賣得平，仲要實物出到嚟比圖片更爆餡。辣肉醬無預期咁辣🌶、咁濃味，可能要平衡客人一般接受到嘅辣度。個人認為熱狗仲有啲方面可改善，例如麵包適宜燒脆以提升口感，同埋中間條腸應該換上脆皮腸會好好多！不過熱狗如漢堡包一樣有加入洋蔥同生菜等，所以食落整體味道都唔算單調。
炸雞配秘製辣沙律汁
$38
4 views
0 likes
0 comments
我哋升級咗一份套餐(+$15)，包炸薯條同罐裝汽水，份量一啲都唔少。🍟薯條粗身，熱辣辣炸起，佢仲加咗啲味粉添，另配茄汁。餐廳只賣罐裝或支裝飲品🥤，無自家製出品，但其實咁先係醒目，因為主力炮製擅長嘅嘢好過分心做幾樣。
總括嚟講，小店嘅漢堡包出品好高質，用料花心思，製作唔馬虎🤤。老闆話好多人會專登揸車嚟買，我食完相信係真。食物味道好之外，佢作為一間外賣店亦稱得上好專業，點解咁講？因為食物即叫即整，但出餐速度都好快🙏🏻，買外賣最驚要企喺度等好耐。我相信咁有效率嘅背後，全因事前做足準備功夫。另外，外賣容器亦將食物包得好妥當，喺街食都唔怕食到周圍係😁。小店值得支持💪！
Post
