餓居

Open Now

Now Closed

琴晚同朋友係附近行街想食日本嘢，咁啱見到呢間餐廳，裝修係日式木屋風，睇落幾溫馨，價錢睇落都相宜，未食過就試吓～入到去店員安排咗坐tatami，空間都算闊，坐得都舒服。我同朋友叫咗啲嘢食share。⭐️夢王飛驒和牛漢堡扒丼（推介）和牛漢堡扒牛味濃，juicy好好食，配住夢王蛋同紫菜送飯幾夾。⭐️炸蝦膠冬菇（推介）呢款炸物小食驚艷到我，係今次晚餐我最鍾意，覺得最好食嘅一款，炸粉唔會太厚，蝦膠同冬菇好夾，唔會話覺得邊一樣份量太多搶咗另一樣嘢食嘅味道，好好食！⭐️清酒煮蜆平時都鍾意周圍食清酒煮蜆，比較偏好清酒味濃啲、高湯味少啲嘅做法，覺得呢度嘅清酒煮蜆可以再濃啲酒味～呢個如果下次嚟未必就會再叫。⭐️香印乳酸梳打香印提子味好出，平衡感幾好，唔會太甜又唔會唔夠味，食完炸物/濃味嘢飲幾fresh。整體嚟講，覺得呢度嘅炸物小食最出色，其次係個丼，會想再試埋其他特色炸物，有好多款都好特別，都有試咗少少同行朋友有叫到嘅日本迷你黃金奄列都好食。如果下次咁啱再經過附近，可以再試吓！

今晚同好耐無見既朋友聚會談心，便選了大家工作地點中間的呢間居酒屋。鋪頭座位唔會好多，每枱之間既距離剛剛好，大概係聽到熱鬧氣氛但聽唔到談話內容果種。見到格離枱有帶狗狗，不過唔肯定係唔係pet friendly環境日式爆漿芝心竹輪正常竹輪既味道燒完多左份香味。炸蝦膠冬菇呢個幾特別，咬落去果下既油膩感比冬菇入面既汁中和番。香辣單骨雞翼香脆同埋有少少麻辣既麻。鰹魚汁豚肉鍋-小盛天氣凍食鍋物真係好正，而且細細鍋少人享用唔會太多。鰹魚湯清甜，整體唔錯。荔枝牛/豚肉卷串（2串）豚肉卷，荔枝燒完好香甜好好食。鰻魚粒撈飯熱辣辣黎到果時幾好食，味道偏清淡，凍左之後比較乾身飯粒黏埋。紅豆綢魚燒外層偏脆幾香口。日本汽水呢間居酒屋食物中規中矩，環境舒服，座位闊落，唔會同其他枱太近有少少私人空間既感覺。職員都友善細心，自助落單飲品錯手落多左都有confirm番我地，整體都可以。

🌸櫻花樹下+榻榻咪用餐，享受日本居酒屋🏮環境佈置勁有feel，烏居⛩️、日本屏風、日式燈籠🏮估唔到香港都可以偽造吓日本氣氛🥰👧🏻成日都話去日本，但我哋未安排到時間去😅唯有嚟呢度感受住先🤪福岡冷烏龍麵 $98冷烏冬，配上橙色夢王蛋、紫菜、大量蔥 & 大量飛魚子🤤🤤🤤配搭非常特別，夏天恩物👍🏻👧🏻好鐘意食👍🏻山椒墨魚咀 $38香脆惹味😋 送酒一流😋👍🏻一口炸豆腐 $38外脆內軟，四面都炸到金黃色👍🏻一啖放入口👍🏻邊食邊傾偈都好方便啲☺️👍🏻炸蝦膠冬菇 $42 🤩必食推介👍🏻勁好食🤤估唔到蝦膠+冬菇係好match, 而且唔會炸到好乾，冬菇仲好juicy 🤤 炸芝麻雞軟骨 $45脆卜卜，送酒佳品😋👍🏻 燒水果卷物盛合配豚 $88 🤩必食推介👍🏻薄薄嘅豚肉配上秘製嘅醬汁，一啖豚肉一啖水果，超級清新嘅組合👍🏻迷你雲呢拿泡芙 $21俾👧🏻食哂，即係代表好食🤣原味波子汽水 $14童年回憶返晒嚟☺️👧🏻第一次見識咩係波子汽水木村完熟水蜜桃汽水$27呢間居酒屋真係好啱打卡 + 飲住清酒傾偈☺️搵日同老公再嚟，唔帶👧🏻🤣

有冇試過去居酒屋會有櫻花樹陪你一齊用餐呢🌸餓居就可以喇😲店舖中間擺放咗一棵直插天花板嘅仿真櫻花樹😍除此之外，仲設有榻榻米座位、日式燈籠牆、小型鳥居等嘅日式打卡佈置⛩️好似去咗日本一樣🤭؄同朋友叫咗好幾樣炸物過吓口癮🍤樣樣都炸得酥脆，最重要係食落唔會好油，比較乾身🤓🪐 炸芝麻雞軟骨🪐 章魚小丸子🪐 一口炸豆腐🪐 炸蝦膠冬菇最特別應該係炸蝦膠冬菇🍄‍🟫平時都比較少食炸冬菇，見到佢有蝦膠就即管試下🫢外層酥脆，內裡保持住鮮嫩多汁嘅口感，而且蝦膠彈牙爽口，呢個配搭非常有創意👍🏼§🪐 玉子の大滿足超厚身玉子燒面頭鋪滿好多蟹籽同埋沙律醬😍超足料！蛋身滑溜，散發濃郁蛋香，味道帶一點甜🥚份量適合兩個人食用！§🪐 DIY雲朵夢王飯有得玩又有得食嘅雲朵夢王飯🥚首先將蛋白同蛋黃分開，然後用打蛋器將黃白打到杰身🥣由於用手動打蛋器真係唔知打到幾時，所以適當時候可以問店員拎電動打蛋器增加速度🤣將杰身嘅蛋白同蛋黃放上白飯就完成🫶🏼第一次制作，所以有少少失誤，不過咁先係DIY嘛🤪打完嘅蛋白口感好滑，真係好似雲朵一樣，如果可以加多少少配料增加個飯嘅味道就更好😌§🪐 迷你雲呢拿泡芙🪐 宇治抹茶芝士蛋糕§🪐 魔女布丁 - 開心

太子有間特色居酒屋可以在櫻花樹下用餐？！餓居的環境非常好氣氛，有如置身日本🇯🇵店內超多打卡位，因此成為近期人氣熱店.ᐟ平日晚上預約全滿，記得提前預約♡⧐ 土田 Tsuchida Craft 12 HK$325 ⧏居酒屋好氣氛，怎能不點Sake嘆一嘆呢？這款土田 Tsuchida Craft 12口感清爽輕盈🍶非常易入口，很適合不太能喝的女生飲♡⧐ 山椒墨魚咀 HK$38 ⧏⧐ 一口炸豆腐 HK$38 ⧏⧐ 炸蝦膠冬菇 HK$42 ⧏我們亦點了一些炸物作為佐酒小食～價錢相宜而且味道不錯，十分惹味♡和朋友喝著酒聊天，再配上炸物簡直一流ദ്ദി ·͜·⧐ 玉子の大滿足 HK$98 ⧏玉子賣相精美，超厚超夠份量ᵎ ᵎ ᵎ配以大量蟹籽和沙律醬，味道甜甜的非常好吃～食完果然如菜式名稱一樣大滿足♡⧐ DIY雲朵夢王飯 HK$38 ⧏很有特色的雲朵飯，因為可以參與製作.ᐟ選用日本夢王蛋，由客人發勻蛋白形成雲朵般的模樣🥚最後將蛋黃盛上去便完成，好吃又好玩～⧐ 冷蕎麥麵 HK$48 ⧏炎炎夏日最適合就是吃冷蕎麥麵.ᐟ冰涼的沾汁非常消暑，非常抵食ദ്ദി ·͜·簡簡單單已能吃到蕎麥麵本身最美味的味道～