BBQ Chicken Premium Chicken (Closed)

每次行親銅鑼灣經過都勁想試呢間，今日上完韓文堂難得koey姐俾我話事，我就緊係食住個勢話食呢間炸雞了又到有選擇困難症架時候了，炸雞口味方面都有幾多選擇，我地係原味同，蜂蜜脆片味掙紮左好耐，最後揀左蜂蜜脆片炸雞。Size有10件同15件俾你揀，我地2個女他當然揀左10件啦~雞件外皮炸得好鬆脆，雞肉裹面卻是非常嫩滑多汁，冇油膩感配上蜂蜜同脆片簡直係多種味覺享受~原來呢間炸雞係用橄欖油炸的，所以食炸雞都可以食得健康架。雖然話10件雞夠我地2個女仔食，但冇粒米落肚始終差D架，叫多個炸蝦花卷，點埋個醬甜甜地辣辣地，好開胃。

星期五收工就想放縱自己，慰勞自己一星期辛勤工作。一坐低拿拿林落單，侍應好快上左三個前菜，蘿蔔 ，芽菜同泡菜。酸酸地，愈食愈開胃 首先上左個蟹肉沙律，新鮮生菜同蟹肉撈埋芝麻醬一齊食，清新好食。 再叫個炸蝦花卷，熱辣辣既炸蝦卷點住韓式醬一齊食，一啖一件！ 終於到萬眾期待既柚子炸雞。剛出爐既炸雞淋滿柚子醬，炸雞外皮炸得香脆但又唔厚。咬落口冇一般炸雞既乾和鞋口，反而嫩滑多汁。點埋柚子醬食，少左油膩感，仲有柚子既清香味。食完成盤炸雞都冇熱氣既感覺。 星期五晚上有美食一掃一週既疲勞，快樂其實很簡單！