珍意泰國菜館 (Closed)

游完水好攰，唔想諗食乜嘢，叫咗個$290嘅二人餐，頭盤炸蝦餅，味道一般，炸到好多油。跟住有三揀一嘅湯，佢寫住係邊爐海鮮粉絲，聽個名覺得好正咪嗌囉，呢味餸到嘅時候令到我個人完全冇晒胃口，完全想像唔到係一煲菜瘦肉粉絲加埋一啲海鮮碎嘅嘢😿唔可以叫難食，因為佢係冇咩味道。好健康。炒通菜應該係正常掛，辣辣地，但啲菜好似老老地咁，食兩食唔想再食。跟住配一個炒飯，好似叫招牌滷肉炒飯，冇咩特色可言，飯硬硬地，冇咩特別味道。餐廳另外都冇乜配套，唔會再嚟食嘢。食咗呢一個湯之後就唔想再影相啦。飲品都係一般。

適逢本人生日,最近每年都會與家人出外尋找地道的美食,,這次即日預先打電話預約3位,老闆亦相當客氣地預留位置(雖然不用預約應該都會有位)。媽媽和妹妹超級喜愛泰國菜,本人亦不抗拒,所以就選擇這間黃色的泰國菜餐廳。如圖片上所說,基本上我給予這家泰國餐廳的評價很高,4.5/5分,主要原因有下:1. 價錢宜人,大約150元/人2. 全部都是即叫即做,而且十分新鮮及好味3. 泰國的大部分菜式都有,沒想到有泰北的豬手,只是這次無緣品嚐4. 上菜速度不慢,,吃完一碟剛好下一碟就到5. 題外話,訂座時老闆問我有沒有長者,以便不安排到2樓,一個很細心的安排總結：這是一家值得推薦的泰國餐廳,老闆很用心去經營,希望下次可以再試。

呢間可以話由藍田食到黎筲箕灣既泰國菜館，一開始係藍田結業後都搵唔到間又抵又好食既泰國餐館，終於係朋友口中得知，佢係早幾年開返😋😍。雖然九龍城泰國餐廳多的是，但相比起佢呢間既服務、食物質素同環境，呢間可以話非常合格，由你打電話去訂座既態度至到入座都非常有禮，最起碼唔會限時限刻趕人走呀！今次我都約咗幾個朋友去食，因為可以食多D唔同既餸菜。而家出街食一餐飯除咗食物質素，服務態度真係另一個好重要既考慮因素。CP值超高，值得推薦👍👍

今日陪朋友去筲箕灣處理一啲事情，之後去左筲箕灣東大街搵嘢食。由於我哋5:30pm就去搵嘢食,有好多餐廳仲未開門，於是我哋搵咗一間泰國餐廳。我哋叫咗無骨豬手，泰式炒金邊粉，大蝦冬陰公，炸蝦餅。無骨豬手鹵得好入味，而且好淋；泰式炒金邊粉酸酸地，幾開胃；冬陰公同平時飲嘅有少少唔同，好杰身，好濃，隻蝦都幾新鮮彈牙，不過飲到尾有好多辣椒籽；炸蝦餅同平時都係有少少唔同，平時食嘅會比較扁身，哩個比較厚身，但味道差不多。兩個人最後都食唔晒，需要打包。

爸媽試完海南雞飯午餐後覺得不錯，所以晚上再同我一齊嚟晚餐。毫無懸念就叫了無骨豬手，芭提雅燒雞，我至愛嘅蝦餅，飛天通菜💓 豬手邪惡但確係必食之選，油而不膩，配上酸菜更正，淡化了油膩感更滋味😋 建議可以比多啲酸菜，因為豬手未食曬酸菜就食曬喇，想再加啲要收$20就貴咗啲喇👉🏻👈🏻 食豬手點可以無飯配呢？所以叫咗個油飯， 微香唔油，送豬手一流🤭 芭提雅燒雞用咗特別嘅香料醃製，味道唔錯，但要等30-45分鐘就有啲奈，雞脾ok但雞胸就燒得有啲乾😐 通菜喜出望外的帶辣味，啱曬我口味！🌶 食飽飽再加埋芒果糯米飯，芒果夠香甜，糯米飯嘅椰汁帶微咸，夠地道，唔錯👍🏻😋 美中不足係我地張枱好近廚房，比較熱，而且椅子較細，又無地方擺手袋，手袋放椅子就無咗半張椅坐.... 坐得較辛苦😥

今日係行山日☀️，由鰂魚涌行去大潭，之後見有巴士出番筲箕灣，梗係要入東大街搵食啦😍！✨東大街d 食店都轉得幾快，原來舊果間泰國菜已經轉左手，呢度有好多唔辣既選擇，啱晒我。本身都想食海南雞 or 豬脾飯，不過5點半前先有🙄。夜晚要叫一份份，兩個人又食唔到咁多肉，所以最後叫左個二人餐。✨椰汁冰：叫左少冰～真係無比多，非常好。濃濃既椰奶味，飲落好香～絕對無溝稀，正👍🏻✨珍多冰： 呢個唔係椰汁味，反而係似椰青味～d 珍多好多顏色，又唔同形狀，有d 腍身，有d 咬落爽口，都幾得意。不過d 珍多令到杯野有點香精味，我都係鍾意清純d 既椰汁冰多d😳✨泰式椰汁雞湯： 呢個湯之前起泰國一試難忘，不過起香港都係搵唔番果個味。✨個湯都幾足料，雞肉大大舊，食落唔會鞋同埋都入到下味。最好食係秀珍菇，索晒湯既味道。不過個人覺得個湯味道偏酸，椰汁味唔夠香，雖然menu話唔辣，但都有少炒辣，不過我接受到～飲落都幾開胃。✨泰式炒雜菜： 呢個雖然無咩泰式風味，不過加左蒜蓉炒，感覺幾清新之餘又唔會覺得好dry。雜菜有西蘭花，椰菜花，椰菜，秀珍菇，草菇，紅蘿白，芥蘭～真係好少食咁多菜，係好食既～✨泰式鮮蝦炒金邊粉： 就咁食個茄

藍田時已食開，知道東大街再開，又係公司附近，緊要約埋一大班同事去食餐勁。一行15人叫左雞好滑，豬紅都係重點。記得以前藍田好似無單叫，現在可單叫追加，正！又係必食，仲見到蝦肉的！非常淋滑，又係啲配菜都好正，lunch要再嚟食！花甲鮮甜，汁夠味，但自已鐘意咖喱蟹個汁多D個汁無敵，叫左6個蒜蓉包點汁食哩果真係不得了，我啲同事平時可以食完lunch再打包幾個走TEA TIME食。今次就一嚟叫4個⋯⋯仲有冬蔭功，蟹肉炒飯同炒泰式金邊粉唔記得影野飲龍眼冰好味，有斑蘭葉味夠正宗。同事話紫貝天葵都正，但我怕酸⋯⋯15個人食完4個芒果糯米飯，竟然有7個人話要外賣比屋企人，店員仲要特登確認一次，真係癲雞同湯粉係比以前藍田仲好食，仲想試泰式豬頸肉，生菜包

對於我這個去泰國旅行就如返鄉下的人來說在香港搵間食得滿意的泰菜館不易坊間大多數是食裝修多於食物價位高亦不等如美味的餐廳珍意是一個驚喜一間家庭式經營的心機泰國菜館有昔日珍味盞珍姐做顧問菜式味道保持水準海南雞勁滑炸蝦餅美味非常咸肉炒椰菜苗有驚喜，咸肉果然是招牌明爐冬蔭公湯夠鮮雞肉串燒恰到好處芒果糯米飯更是絕頂好味，返左鄉下一樣感恩遇上難得的一家有誠意做菜的餐廳湯粉要五點半前先有供應下次要中午過來試埋先聽講珍姐間中會客串整湯粉期待!期待!