珍意泰國菜館 (Closed)

今日陪朋友去筲箕灣處理一啲事情，之後去左筲箕灣東大街搵嘢食。由於我哋5:30pm就去搵嘢食,有好多餐廳仲未開門，於是我哋搵咗一間泰國餐廳。我哋叫咗無骨豬手，泰式炒金邊粉，大蝦冬陰公，炸蝦餅。無骨豬手鹵得好入味，而且好淋；泰式炒金邊粉酸酸地，幾開胃；冬陰公同平時飲嘅有少少唔同，好杰身，好濃，隻蝦都幾新鮮彈牙，不過飲到尾有好多辣椒籽；炸蝦餅同平時都係有少少唔同，平時食嘅會比較扁身，哩個比較厚身，但味道差不多。兩個人最後都食唔晒，需要打包。