76
68
20
炸蠔
3 Recommended
Level2
23
0
吉列吉列
2013-06-12 399 views
朋友說想食吉列豬, 於是生日當天就黎到銀座梅林. 一人一份吉列, 我要吉列豬, 佢要吉列蠔吉列豬剛炸完即上, 熱辣辣, 正!豬扒好厚~ 啖啖肉~ 外面包住脆脆吉列皮, 炸得好香, 唔會一咬落去成口油另外炸完的豬扒又唔會太un. 仲有少許肉汁.  菜可以不停加, 加入佢地提供的沙律汁, 令本身淡淡無味的菜變得十分香口~不過有時同左侍應講, 只想加多少少菜,佢就大大夾一堆菜俾我~ 有點浪費..~整體黎講, 水準依舊~ 可以繼續~
Read full review
朋友說想食吉列豬, 於是生日當天就黎到銀座梅林.

一人一份吉列, 我要吉列豬, 佢要吉列蠔
炸蠔
85 views
0 likes
0 comments
吉列豬扒
80 views
0 likes
0 comments
 吉列豬剛炸完即上, 熱辣辣, 正!

豬扒好厚~ 啖啖肉~ 外面包住脆脆吉列皮, 炸得好香, 唔會一咬落去成口油

另外炸完的豬扒又唔會太un. 仲有少許肉汁. 

菜可以不停加, 加入佢地提供的沙律汁, 令本身淡淡無味的菜變得十分香口~

不過有時同左侍應講, 只想加多少少菜,佢就大大夾一堆菜俾我~ 有點浪費..~

整體黎講, 水準依舊~ 可以繼續~
Other Info. : 其實當日係想幫朋友慶祝生日, 我地靜雞雞走去叫侍應上蛋糕,但佢隔左一陣先走黎話有切餅費, 仲問番我地仲食唔食........=_=" ... 上蛋糕時, 真係成個盒照拎番出黎俾我地.....真係o 左咀........
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2013-06-01
Dining Method
Dine In
Celebration
Birthday
Level4
2.2K
337
食餐勁炸豬飯
2012-05-09 51 views
新工作令人透不過氣,減壓方法就是食餐勁,跟好友們一說情況後,她們都願意陪我瘋,幾個選擇中選了到銀座梅林吃炸豬飯,一於豁出去!上次無聊逛k11 時不經意就找到這梅林,當有心去的時候卻左轉右轉也找到不到,結果還要向禮賓部求助,不過找不到這梅林的不只是我,有位操英語的女仕也向我問路,她找的也是這銀座梅林,結果最後我們都在門前再次相遇。撥開紫色布幔,內裡就是典型日式餐廳佈局,在開放式廚房外還有高椅吧枱,稍有私密感覺的小廂座,我們的卻是更深入鄰近雜物房的卡座,好處是較其他的安靜,臨近廚房出菜位也容易找到侍應,但只在你不用找侍應的時候,他們總在身邊轉來轉去,當你要找侍應時卻空無一人!!!不好處除了看不到廚師們準備炸豬情況外,就是2人又是坐這種,我們四人也是這種位置嚕。大家餓到咕嚕咕嚕先來一份豬扒三文治止餓,也好讓有點時間等候朋友。切成四件的三文治砌得好看,中間的炸豬扒炸得酥脆,看似很瘦的肉質其實仍有肉汁,加上白麵包軟棉香鬆,本來已令肚餓的我們滿意,想不到當中還有點點哇沙比的攻鼻味道,脆軟兼備的1/4份麵包,在這一刻感到非常好吃。每份定食除了主湯及熱湯外,還有小碟漬物幾款:常見黃色的醃蘿蔔、紅色的不
Read full review
這塊紫色布幔會否每天更換呢??
34 views
0 likes
0 comments
 新工作令人透不過氣,減壓方法就是食餐勁,跟好友們一說情況後,她們都願意陪我瘋,幾個選擇中選了到銀座梅林吃炸豬飯,一於豁出去!

上次無聊逛k11 時不經意就找到這梅林,當有心去的時候卻左轉右轉也找到不到,結果還要向禮賓部求助,不過找不到這梅林的不只是我,有位操英語的女仕也向我問路,她找的也是這銀座梅林,結果最後我們都在門前再次相遇。

撥開紫色布幔,內裡就是典型日式餐廳佈局,在開放式廚房外還有高椅吧枱,稍有私密感覺的小廂座,我們的卻是更深入鄰近雜物房的卡座,好處是較其他的安靜,臨近廚房出菜位也容易找到侍應,但只在你不用找侍應的時候,他們總在身邊轉來轉去,當你要找侍應時卻空無一人!!!不好處除了看不到廚師們準備炸豬情況外,就是2人又是坐這種,我們四人也是這種位置嚕。
肚餓時感到超好吃的炸豬三文治
60 views
0 likes
0 comments
 大家餓到咕嚕咕嚕先來一份豬扒三文治止餓,也好讓有點時間等候朋友。切成四件的三文治砌得好看,中間的炸豬扒炸得酥脆,看似很瘦的肉質其實仍有肉汁,加上白麵包軟棉香鬆,本來已令肚餓的我們滿意,想不到當中還有點點哇沙比的攻鼻味道,脆軟兼備的1/4份麵包,在這一刻感到非常好吃。

每份定食除了主湯及熱湯外,還有小碟漬物幾款:常見黃色的醃蘿蔔、紅色的不知名東東及只有一小段的牛蒡,幾款都酸酸脆脆的很開胃,個人覺得那小段牛蒡最好吃,只因喜歡它的高纖。

以前是普通味噌湯一碗,以筷子一拌才知材料不少,可以命名為蘿蔔肉片味噌湯。小湯碗裡有著不少紅白蘿蔔薄片,全都煲至軟化真的像老火湯的蘿蔔湯渣;好不容易夾到一小片五花小肉片,像豬油渣的尺寸,煮湯後已熟得蜷曲,喜吃湯渣的我仍覺得好吃,只是沒有豬骨可吮而已;撈呀撈湯裡還有牛蒡及魔芋,兩者不同的口感令本來沒吸引力的味噌湯變得豐富,那麼多材料煮成的湯底甜甜的蠻好飲的,總比只有豆腐粒、海帶絲的精彩。
炸蠔
28 views
0 likes
0 comments
 炸蠔五隻最快送上,以炸粉包裹的鮮蠔炸得酥脆,要小心食用才不會弄傷口腔,鮮蠔體積蠻大,蠔身飽滿多汁,蠔味十足又不腥,配著酸甜他他醬比豬扒汁更好吃。
炸豬柳
25 views
0 likes
0 comments
 另一款炸豬柳外觀跟炸蠔一模一樣,怎區分呢???只靠碟子黑和白的分別嚕。豬柳厚厚的像個肉波般,厚身的一團瘦豬肉卻有點肉汁,不太鬆化的肉質很有嚼勁,只是肉味很淡薄,要靠幾款不同醬汁提味,不然會較單調。
有肥的炸豬扒
36 views
0 likes
0 comments
 炸豬扒大大片的還有點肥肉及筋腱,肉質比豬柳更油潤也沒那麼厚實,豬扒比豬柳薄,口感上是沒那麼豐厚,但食味而言,個人覺得豬扒較對味。

幾款炸物都是同樣的酥脆可口,炸粉也緊緊的貼在食材表面沒有太過分離,炸功也蠻出色,沒有太多油份留在表面或碟子上,看不到油份就覺得沒那麼油膩了。
日式酸梅蒸豬肉
34 views
0 likes
0 comments
 全晚唯一不炸的生薑豚肉,送來時第一個感覺是像家裡蒸豬肉,想不到連味道也像,還是以酸梅蒸那種蒸餸味,啥事???豬肉片帶有一點肥筋,像無骨薄豬扒的感覺,可是名為生薑煮,但感受不到一絲薑味耶,而且肉質較軟淋,無論味道或口感都是怪怪的,而且朋友們覺得有點苦味,我認為軟淋而朋友已用"霉"來形容,水準始終不夠炸物那麼好,只怪自己想試試不炸的食物而點了這款,令幾位朋友吃了一道那麼"家常"的蒸豬肉。

套餐裡每碗米飯只有半碗,在很多食客都不太吃飯的情況下也是正確的,寧願不足夠去添飯,總比吃不完浪費食物為佳。珍珠飯煮得彈牙煙韌但沒什麼飯香,多年前在丼吉吃炸豬飯時,那碗有飯香的珍珠飯令人不能不添。
超好吃芝麻汁
19 views
0 likes
0 comments
 白飯沒有加添,椰菜絲反而添食了兩次,侍應每次幾乎將全碗椰菜加給我們也全部掃光,多吃菜是有益的嘛!!切得幼細的椰菜絲新鮮爽脆,只可惜不夠菜甜,桌子三支醬汁這時就用得上了,青芥末沙律汁味道最普通,哇沙比味道輕得如無,像一支豉油似的;豬扒汁像微鹹版甜醬,不論蘸豬扒或菜絲也很不錯,一致推介芝麻汁最好吃,那濃香芝麻味真的最惹味,濃稠的將肉類或菜絲緊緊的包裹起來,最後豬扒汁及芝麻汁也被四人組吃得瓶底朝天,下一輪客人一定要更換才有醬汁可吃。

不停加添的麥茶還是玄米茶熱熱的更能解油膩,只可惜沒有如丼吉般送片甜西瓜,不但令味蕾清新一下,更能清熱氣唷! 　

這家梅林時間把握得很緊,知客小姐告知以入座時間計1小時30分 ,早到的話就相對提早離座!結果還是等到訂枱時間才入座,不用未到九時就要我們離開,幸好那天天雨關係人客比較少,沒人等候下就算時間到了也沒有要我們離座,熱茶還不時加添,賺到了!
Other Info. : 這家炸豬飯並沒有如其他吉列店般,客人需自助地磨芝麻,玩樂感覺就少了很多!
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
1 Recommended
    Post
    DETAILED RATING
    Taste
    Decor
    Service
    Hygiene
    Value
    Dining Method
    Dine In
    Recommended Dishes
    超好吃芝麻汁
    這塊紫色布幔會否每天更換呢??
    肚餓時感到超好吃的炸豬三文治
    炸蠔
    有肥的炸豬扒
    • 梅林豬扒三文治
    Level4
    213
    1
    外面crisp入面juicy既吉列豬扒
    2010-06-07 10 views
    一講起吉列豬扒, 我就會諗起我朋友一句形容詞. 佢話佢真係好想食到外面crisp入面juicy既吉列豬扒. 一年之前曾經同佢去幫襯當時好hit既丼. 雖然佢哋既豬扒真係好crisp, 但係我哋去食嗰日就食唔到juicy. 後來我都無再點過呢味餸喇. 今日有朋友提議話想食吉列豬扒, 話我知係尖沙咀k11. 當時佢話我知去 "梅林" 我都無咩印象, 心諗係openrice都未見過都應該都只係填飽肚之作. 不過未去過k11, 所以我都決定去試下.睇番食評見到好多人都話要等位. 星期日晚晚上9時, 唔駛等位, 店內都只有幾枱食客. 雖然佢個裝潢係好high end, 好日本. 但係擔心食品質素既問題依然都充斥住我既腦海入面. 行入舖頭, 係一陣此起彼落既日文"歡迎光臨"聲中我同朋友被引領到一個卡位. 每一個卡位門上面都會有一塊擋門巾. 其實當我哋坐底既時候, 呢塊巾並唔會起到任何保護私隠既作用. 但確實為舖頭既裝潢有加分既作用. 坐底即刻有人送上熱茶, 再睇下餐廳內部既環境真係好闊落, 每一台食客之間都有相當大既空間. 比起好多密密麻麻擺滿晒枱既舗頭, 係呢到食都食得開心d. 心裏面之前有既擔
    Read full review
    一講起吉列豬扒, 我就會諗起我朋友一句形容詞. 佢話佢真係好想食到外面crisp入面juicy既吉列豬扒. 一年之前曾經同佢去幫襯當時好hit既丼. 雖然佢哋既豬扒真係好crisp, 但係我哋去食嗰日就食唔到juicy. 後來我都無再點過呢味餸喇. 今日有朋友提議話想食吉列豬扒, 話我知係尖沙咀k11. 當時佢話我知去 "梅林" 我都無咩印象, 心諗係openrice都未見過都應該都只係填飽肚之作. 不過未去過k11, 所以我都決定去試下.

    睇番食評見到好多人都話要等位. 星期日晚晚上9時, 唔駛等位, 店內都只有幾枱食客. 雖然佢個裝潢係好high end, 好日本. 但係擔心食品質素既問題依然都充斥住我既腦海入面. 行入舖頭, 係一陣此起彼落既日文"歡迎光臨"聲中我同朋友被引領到一個卡位. 每一個卡位門上面都會有一塊擋門巾. 其實當我哋坐底既時候, 呢塊巾並唔會起到任何保護私隠既作用. 但確實為舖頭既裝潢有加分既作用. 坐底即刻有人送上熱茶, 再睇下餐廳內部既環境真係好闊落, 每一台食客之間都有相當大既空間. 比起好多密密麻麻擺滿晒枱既舗頭, 係呢到食都食得開心d. 心裏面之前有既擔憂即時減半.

    朋友一早做晒功課, 已經諗定晒食咩. 我亦都樂於做等食嗰個. 最後我哋兩個人叫左2個小食, 一個定食:

    蟹味噌豆腐($32): 凍食既前菜. 炎炎夏日第一道食呢道菜真係有一種清涼既感覺. 醬汁既味道剛好, 唔會太濃. 豆腐好滑. 不過我食唔到有豆味.

    炸蠔($64)兩隻: 第一個吉列既餸. 一上枱就見到d旁邊嗰d脆脆係好"細緻" 因為真係好清楚見到佢哋一條條咁. 墊住嗰兩隻炸蠔嗰張隔油紙係我哋影完相夾起嗰隻炸脆既時候都唔係好多油. 放入口既時候... 好脆呀個炸醬, 薄身, 所以唔會有多餘既油份. 但係又足夠完整地包住入面嗰隻蠔. 咬開入面嗰隻蠔仲有水的呀~~~ 好好味呀! 我平時食炸野都會dum左部份炸醬等自己唔好咁內疚. 但今日我真係食晒. 一來無油淋淋既感覺, 所以當時唔會覺得內疚. 二來, 真係好好食.

    吉列豬扒定食($138): 定食包括湯, 酸菜, 椰菜沙律 & 飯. 試過吉列蠔之後, 對吉列豬扒有好大既期望, 枱邊有三種唔冋既醬汁可以用黎搭配, 但係第一舊我想試下佢既原汁原味. 挾起舊豬扒, 同炸蠔一樣, 包住佢嗰層炸醬好薄, 但係咬落去既時候就好脆, 唔油, 雖然咁香口, 但係豬扒本身既水份仲係到, 真係正宗既外面crisp入面juicy. 分別試過佢嗰三個醬汁, 我覺得芝麻沙律醬同佢最夾. 如果淨係用佢個汁黎送飯都食到一碗呀!

    食完呢間, 同番一年前既丼相比, 可以用平靚正黎形容.
    蟹味噌豆腐
    27 views
    0 likes
    0 comments
    炸蠔
    23 views
    0 likes
    0 comments
    梅林豬扒定食
    28 views
    0 likes
    0 comments
    (The above review is the personal opinion of a user which does not represent OpenRice's point of view.)
    • Recommend
      Recommended
    • Report
    Post
    DETAILED RATING
    Taste
    Decor
    Service
    Hygiene
    Value
    Spending Per Head
    $139 (Dinner)
    Recommended Dishes
    蟹味噌豆腐
    炸蠔
    梅林豬扒定食
    • 吉列豬扒定食