時新快餐店 (Closed)

沒想到真係咁好食喎...個飽雖然係細個, 但勝在可食兩款試下不同口味...超讚!!!!!魚柳大塊到跌左出黎, 又有魚味又淋滑, 完全沒有"梅"既感覺雞肶都唔錯, 但好多地方都可食到; 我覺少左D 鹽差少少, 唔合我口味沙律醬太好味了, 加埋牛肉蛋同芝士... 太完美了...真係想一食再食呀!!!!

時新出名既係雙層漢堡包, 就咁望落去就已經見到份量好巨型, 夾住好多豐富既材料。雖然等了好耐先有位, 但仍然覺得時新既魚柳包好好味。鬆軟既麵包夾住香煎魚柳, 好食。裡面仲有好多沙律醬汁。略嫌沙律醬汁有點稀, 但呢個魚扒包食落有別於用 tartar sauce 既魚柳包。 一黎唔係炸魚柳, 無咁熱氣, 仲帶有少少中式既味道。喺呢間小小店舖都食到佢自己既特色。

如果要選一種兒時最愛的食物，炸雞脾一定是其中之一。小時候最愛與家人到屋邨的快餐店吃炸雞脾紅豆冰作下午茶。時至今天，雖然人長大了，吃過好吃的食物多了，連鎖快餐店的炸雞脾也已經變成了豉油雞脾，小型的快餐店也買少見少，但那些年的回憶仍然不會忘記。今天下午要到紅磡觀賞電影的首映場，說起紅磡第一時間便想起這裏的漢堡包與炸雞脾。反正上午上課後距離下午的首映場有數小時的空閒時間，便預早一點時間來吃個漢堡包炸雞脾作午餐歇歇腳也不錯。回想一下，最少也有三年沒來過，餐牌上的價錢當然是加了些少，但仍然是超值的水平。漢堡要了最貴餡料最多的雙層芝士蛋包，也只不過是十八元，兩片厚身的漢堡扒再加上芝士及蛋把漢堡撐得又高又大。咬開漢堡扒肉汁隨之續少續少滲出來，仍然保持juicy的水準。芝士被熱辣辣的漢堡熱得半溶狀態粘在漢堡扒與包中間，還有相當合襯的醬汁，材料簡單卻相當美味。炸雞脾最怕吃到一些像柴皮一樣又乾又鞋口的，這個則相當得我歡心，單看金黃色的外表已經心知水準不會太低，外皮鬆脆帶油份，輕易的把一整片雞皮撕開。內裏肉質柔嫩，火喉控制得宜。吃到軟骨的位置更是我的最愛，半軟半硬的口感被一點脂肪所包著，吃起來充滿雞的香味。

時新，時新此店名意思是時常變新，每一刻都要革新，是嗎? 但諷刺的是他家賣的漢堡包，多年來味道不變，包還是這副樣子我想，所謂新是店子的基本建設，這店歷史悠久，一桌一椅要好好保存要是很不容易的事但依我所見，店內快餐店格局仍十分懷舊，甫入店，就如回到六十年代，我爸我媽成長的年代到時新快餐店，當然會先做資料搜集，在食評網一直處於榜首，好評如貫 所以預料會出現等位，排隊的情況，然而，我拿準時間，當天無須排隊其實大概是平日的兩至三點，人比較少，坐得比較悠閒一入到店，右邊是收銀處位置，老闆娘坐在這裏，每一位食客點餐都必須先到收銀處買票點了當然是招牌菜-雙層芝士蛋漢堡(地鐵站廣告,老闆是拿這個的嘛)加炸雞脾一隻，如果要漢堡包冇講要咩汁，就係秘製沙律醬然後就是找位子，老實說，椅子有點殘舊，念在來這裡是為食物和懷舊，沒有很介懷因為始終是快餐店，什麼都是自己來，票上標了號碼，取餐處旁有電子牌，見到自己號碼就去取餐lu，跟美心，大快活，大家樂沒兩樣，食慣便餐的我沒感新奇了反而我坐在廚房對出的位子，剛好看到老闆和他的員工在煎漢堡扒，荷包蛋，炒飯，身水身汗，十分勞碌等約3分鐘，新鮮即製的漢堡包上桌了，一放下餐盤，

終於有機會一試久聞的馳名傳統快餐店, 結果都沒有失望微溫的麵包, 內裡的主角洋蔥牛肉超美味, 被少許融化了的芝士蓋著, 加上秘製沙律汁, 配合得很好, 不太大個的漢堡包, 份量很好, 令人可以再品嚐另外的薯條!炸得香脆, 有少許鹽, 這種切法的薯條才是傳統, 真的很好!超入味的雞脾, 不是隨便翻炸的味道, 皮脆肉不乾, 很難得, 讚!

我同BB一直都聽說 時新快餐店既漢堡包好好食 所以慕名而來我地分別叫左個 雞脾, 雙層芝士蛋漢堡, 雙層芝士漢堡 同 薯條首先講個炸雞脾 咬一啖即刻勾起童年時食過既雞脾 因為夠哂熱 D肉又夠嫩口 又無"厚粉" 依家已經搵唔到咁好食既雞脾 一個字"正"因為太好食既關係 獨食哂一隻脾 攪到BB自己又去賣多一隻tim 至於雙層芝士蛋漢堡 雙層芝士漢堡 睇落去好似細份左喎D 一咬落去D肉汁即刻流哂出黎 加上半溶芝士 口感一流食員個包 原來食落都幾飽而薯條呢... 就真係不值一提...只係微暖仲要食食吓 連少少微暖都無埋 所以下次一定唔會再叫啦!!!

初次到訪時新的時候 抱著的是絕對朝聖的心態因為好評多不勝數 又長駐榜首認為那該會個能發掘許多神聖事物的地方而現在偶爾找理工朋友作個伴去吃個午膳它給我的感覺就變得愈來愈親民了這天的目標原不是時新 而是旁邊的聯記可惜出師不利 恰巧遇上聯記中秋休假為求方便 不假思索地走進時新了友人是第一次吃時新看她興奮的樣子 跟那時候的自己是倒模因為都已經各自吃過了午飯所以只各點一個包初次到訪 點漢堡幾乎成了必然的事自己則要了一個魚扒包包是一貫的即叫即做 熱呼呼魚扒其實是第一次嘗試果然 魚扒不是麥當當的炸魚柳是煎香了的一條龍脷柳受家人影響的關係 從小就無魚不歡現在除了家常飯外 吃個人氣小食也嚐得到完完整整的魚肉多感人啊軟熟的包 滑魚肉再配上開胃沙律醬才十元加一 理所當然勝過加價又加價的麥式魚柳友人意猶未盡 追加炸雞脾一隻剛炸起 皮脆肉嫩 看友人吃得很是滋味雖然雞油在閃亮..但這正是港式小吃的吸引之處 不是嗎撇除舊式快餐店既定的環境與衛生情況抵食度與味道絕對值一個笑同類型的餐店已買少見少為自己多留一個共同回憶也好吧

星期六~假期也有了心理準備知道人很多,但到了小小的快餐店門外,想不到人多得連門也關不上,排隊的有堂食也有外賣,像一眾連所快餐店一樣,在你有"興趣"的食客旁邊等位~快餐店內有點兒狹窄,可能來了十多個學生的關係吧,他們幾張桌橫越地交談,各人也沒有食物在桌上,原來聽到正在排隊買的也要等上35分鐘才有漢堡出爐><還在等位子的我就立即叫男友排隊買食物喇,哈~看過openrice也知道,這店出名的除了漢堡,一定要點"炸薯條"和"炸雞脾".......每人再加一個"雙層芝士漢堡蛋包",有了位子再等上20分鐘,我的薯條及雞脾出爐喇~薯條依然舊式快餐店的外形,雖然只是微溫,卻出奇地香脆,原本剛病好的我明明說著不吃太多薯條,結果一條一條停不了地吃下去~哈~炸雞脾的外形看不出太特別,一啖咬上了,肥嘟嘟的雞皮也變得薄薄一塊,沒有肥膩感加上香脆極了,原來內裡有濃郁的味道,雞脾應該一早作了醃味吧,連男友也要追加Encore多一隻呢~再等上了15分鐘,我們的包包終於上桌了,包的外層烘得熱熱辣辣,漢堡扒是即煎的充滿肉汁和洋蔥好juicy,而蛋沒有煎得太乾,加上半溶的芝士和自家沙律汁~多年沒吃牛肉的我也

每次同老婆去親紅磡都食去食時新, 每次都大排長龍,好多人, 但每次都會食,原因只有一個,真係好好食 我覺得好多餐廳都只係開頭時般好食, 但當開始受歡迎, 多人追捧時, 質素就會開始下降, 但時新就keep到, 每次去食都咁好味, 是次同老婆食左雙層芝士蛋漢堡, 炸雞脾, 薯條, 魚扒包, 本人食左個雙層芝士蛋漢堡配秘制沙律汁, 簡直一食鐘情, 塊漢堡扒相當juicy, 好好味, 而老婆就試左個魚扒包, 都好好味, 係原塊龍利柳, 唔似普通快餐店用果d冇味既so called魚柳, 值得一試, 個雞脾同薯條就唔洗講啦,一個字----- 「正」

師傅都有好一段時間冇同好友食家"乜都放入窿"食飯喇, 難得早幾日好友食家"乜都放入窿"相約師傅食飯, 師傅當然舉腳贊成, 於是就諗下去邊度食好! 諗左好耐最後決定同好友食家"乜都放入窿"黎紅磡食下野, 而首選嘅當然係呢間人氣食店, 加上好友食家"乜都放入窿"又未試過, 所以即刻出擊! 去到門口勁多人, 差d逼唔到入到; 行到埋去即刻柯打左個芝士漢堡蛋漢堡同埋炸雞脾, 同好友食家"乜都放入窿"兩份分, 不過堂食肯定冇行, 唯有選擇行街!落完單等左好耐先有得食, 先講下個芝士漢堡蛋漢堡, 個包軟軟熟熟, 而漢堡係自製的, 厚身鬆軟, 夠香夠吸引, 而蛋汁又夠配埋半溶芝士, 勁香勁好味, 好正呀; 炸雞脾好大隻, 炸得香香脆, 雞肉又唔乾身, 滑口非常, 連好友食家"乜都放入窿"都讚不絕口!總括黎講食物質素真係出晒位, 而地方就係細d逼d, 環境一般, 不過價錢超值, 咁樣食法都係廿幾蚊, 絕對抵食; 如果有機會師傅一定會再黎, 不過好希望下次唔好咁多人, 可以唔使等咁耐啦, 笑臉一定要比啦!

前往紅磡取東西，其實唔係經常來這裡，見一場來到，便和老公仔來到時新吃個下午茶！這次係我來這裡的第二次，雖然係來第二次，但已經愛上了這裡的食物。真好味！這次的order是：雙層漢堡芝士蛋熱奶茶炸薯條炸雞肶茶餐：牛扒蛋麵+熱咖啡Yummy Yummy Yummy!!!!!!尤其係薄牛扒，相對巿面上的連鎖快餐店，這牛扒肯定是掂過他們（我的愚見），牛扒是沒有一咬即爛（梅）的感覺，有肉味，正呀！湯底唔太salty。如到這裡附近，一定會再來品嚐！

期待以久的時新終於在上星期日去了可能在這看得太多它的好評了總覺得自己對它的期望有點過高=3=他們的漢堡很新鮮是沒錯,材料也毫不吝嗇漢堡扒肉汁非常豐富,吃完滿手肉汁好不狼狽!不過我還是覺得m記的漢堡扒雖然是乾了點但較有肉味,表姐說吃漢堡包不是吃牛排,肉味不重那就一定是當然的啊!她也說得有道理啊!再來炸雞脾一到手的時候就聞到陣陣香味,即使將要爆肚都不得不一試吃一口!!雞脾表面炸得乾身,裡面卻藏著不小肉汁,肉也算嫩滑,味道剛好不過咸,不過吃的時候可真要份外小心,不然真的會被裡面的雞汁燙到幸好他們還是很貼心的幫我們準備了刀叉,不用我們下手去吃有機會的話還是會再來吃的!

星期六, 同朋友仔在佐敦上左去黃埔的小巴, 途徑呢頭, 落車去食下炸雞脾先熱辣辣的炸脾, 皮炸得脆, 朋友仔最欣賞. 炸香腸又係新鮮炸起, 都幾ok. 我再要了雙層芝士漢堡. 包來到, 芝士都已經溶緊, 十分港式的漢堡, 好有舊時中學食快餐的風味. 漢堡扒有好多大大粒洋蔥碎, 鬆鬆的, 雖然冇咩彈性, 但又不是壓到扁扁的柴皮牛肉餅. 雙層肉+爆汁, 吃得有點狼狽. 忘了講明要咩醬, 結果來了沙律醬, 比較冇咁喜歡. 我想茄醬會夾些吧. 或者黑椒汁+漢堡扒都應該是不錯的選擇. 十二蚊, 有包, 有2件脹卜卜肉, 有芝士, 有汁, 熱辣辣 + 本土風味, 我睇唔到點解要拿來同mos burger/ triple O 去比. 雖然係幾好, 不過老實講, 為此冒名而來就冇咩必要. 山長水遠來到, 大家要求就唔止係咁lu.之後同cheap兄講開, 佢話我太貪心, 普通芝士漢堡的肉同包比例剛剛好, 現在則肉太多了. 但係, 唔貪心, 唔食到成口滿滿的就唔係我啦 =p