時新快餐店 (Closed)

以往說起漢堡時，經常都有朋友提到時新漢堡，於是決定專誠來到黃埔，一嘗傳說中的時新漢堡，看看它有多好吃。這是芝士蛋漢堡飽，沙律醬。熱辣辣的包就是好吃，漢堡扒很厚。有朋友說蛋很正，的確是不錯的，拍得上媽媽的煎蛋，沙律醬很流質，令吃的時候頗麻煩，朋友說以前吃更多醬，更好吃，但會有分別嗎？反正再多的汁都會漏走，可能是因為漏走些後，還可以相對上有多點醬留在包裡。喜出望外的是，包裡雖然有不少洋蔥，但不惹歧視洋蔥的我反感。整個漢堡是真材實料的，不過其實都冇咩特別丫，就係homemade漢堡feel囉。

我覺得紅磡、黃埔一帶都幾多野食，成都好想試下時新快餐店，奈何每一次都同佢擦身而過。今次終於特登空肚黎食佢既漢堡包喇！雙層漢堡芝士蛋包 ($24)漢堡包唔算十分出色，但就係充滿港式風味 既一款漢堡包。麵包用左嘉頓漢堡包，微微烘脆，而中間既肉可以揀牛肉/豬肉，即叫即煎，小小juicy不過就好油，夾雜著芝士同蛋，而且配埋秘制既沙津醬 ，成個漢堡包真係幾惹味架！ 漢堡扒唔算超大塊，但沙律醬令到呢個包變得更好味！呢個漢堡包既size對於一個男仔黎講，可能有D細，最後朋友要食2個先飽，所以叫多左一個包～魚扒包 ($21) 呢個包賣相就相對失色好多~ 魚扒即係龍脷柳，兩邊都煎過，再加惹味既沙律醬，但始終口感冇雙層漢堡芝士蛋包咁吸引！～我地仲叫左2款小食。炸薯條 ($18) 滷水雞翼 ($19/2) 雞翼幾好食，唔算超過入口，但雞肉就好嫩滑～～餐牌 睇新聞話紅磡黎緊2，3年會重建，餐廳要搬遷，搵日經過要同朋友再去食呢個漢堡包呀！

聽講時新好似就黎要結業/搬舖，即刻叫埋家人一齊黎食多次。幫襯過呢間店嘅漢堡包好多次，冇一次令我失望。可能今日係星期六，好曬都依然有人排隊。佢嘅格局同裝修完全係間七、八十年代嘅快餐店，相當懷舊，唔係夾硬堆砌出黎嘅新興懷舊冰室feel。一行三人，叫左三個雙層芝士漢堡、一隻炸雞脾同一碟炸薯條，食到飽飽夾埋先係食左$103，好抵食。講返個漢堡包，屋企人第一次食，佢都講左句「點解個沙律醬同個包咁夾」！其實$22蚊個漢堡，當然唔係有咩靚牛肉俾你，但佢就係做到個價廉物美嘅港式漢堡！麵包鬆軟，兩塊肉加埋芝士同特製沙律汁，熱辣辣，真係好食過mc當太多！至於炸雞脾就冇咩特別，普通貨色。薯條都唔錯，係波浪粗薯，上面灑滿鹽，感覺真係好似細個去快餐店。

看openrice訪問說時新快要因重建而搬遷，嚇了一跳；再看仔細一點原來說是可能在兩三年後。心放下一點，但也勾起了我對時新漢堡包的懷念。畢竟這些傳統港式小店真是買少見少，還是趁它還健在的時候多多幫襯一下。紅磡站B出口一直沿天橋走，走到盡頭走下斜坡便是時新。招牌大，非常易見。平日晚上七時到來竟然沒有人，可能紅館沒有開大show，不然應該會坐無虛席。可惜我只是路過，沒有坐下吃，點了個外賣就走了。即叫即做，開放式廚房讓人看見師傅在鐵板上煎材料，也令整個快餐店內有陣陣油和食物香氣。最有名的手打漢堡扒依然很有肉汁，這個包有兩大塊厚厚的，足料非常，光吃肉也飽了一半。配煮得caramelized的洋蔥碎，甜甜的好惹味，也調起了牛肉的味道。🍔芝麻嘉頓漢堡包，加芝士加🍳煎荷包蛋，再配秘製沙律醬，是傳統港式漢堡的做法。這麽豐富足料，就算$24比麥當奴的特價包貴一倍也值得，再加上港式風味和全人手製的小店人情味，是令時新漢堡包這麽多年仍屹立不倒的原因。希望這個港式漢堡包傳奇不會因重建而消失，就算搬遷我也會跟著去吃的。

相信不少香港人都食過時新嘅漢堡包，特別住在紅磡的我。幾日前聽過關於時新將會搬遷嘅新聞，其實真係有些始料不及，因為時新漢堡包真係俾咗唔少回憶我哋，為咗可以重溫呢份情感嘅味道，今次就特別同朋友喺佢搬之前食最後嘅一次。時新快餐店門口外相片有著真真正正香港特色餐廳嘅味道。雖然門口唔算光鮮，但食品味道真係有保證。內裡環境亦唔算好大，約可以坐到20人左右，裝潢都比較舊式，點餐方面就係去到櫃枱同店員落單俾錢，之後煮好就去返櫃枱拎，同而家嘅快餐店集團方式一樣。食物餐牌都掛晒喺餐廳內嘅牆身，而且食物啲餐牌其實都非常之有歷史。食物種類方面主要是港式漢堡包、炸雞髀、炸薯條、同埋港式麵食。說時遲那時快食物都好快就煮好，店員會叫編號跟住就可以拎返去座位嗰度食。今次就叫咗三樣嘢主要都係港式嘅漢堡包、餐蛋麵、同埋紅豆冰。一開始就飲紅豆冰先啦，紅豆冰甜度適中而且入面嘅紅豆粒非常之飽滿軟硬適中，咁熱嘅天氣底下飲呢個紅豆冰真係消暑一流。雙層牛肉蛋芝士漢堡包配沙律汁嚟到時新食當然唔少得就係叫呢個雙層芝士蛋漢堡，漢堡全部都係餐廳自家製造之外，漢堡亦可以揀豬肉漢堡或者牛肉漢堡，而且醬汁都有幾種選擇可以睇返個人喜好決定。而我點解

之前在Poly讀part time Degree，放工便會到時新買漢堡吃。有時吃普通漢堡包，有時會吃芝士雙層漢堡。放工後，急趕過來上學，十居其九，我都會在這裹買漢堡包吃。一來，巴士就在附近下車，二來方便，三來漢堡包確實juicy、好味，又便宜！所以不同的醬汁都試過，喜歡的是茄汁及沙律醬。今天，與因友過來吃。我懷著懷念的心情，而他懷著新奇的心情，因為他未吃過。點了一個芝士雙層漢堡、一罐雪碧、一碗鮮牛肉麵。

時新係我每次經過poly都會去嘅一間港式小食店，當中我最鍾意嘅就係佢嘅牛肉漢堡。呢到嘅漢堡價錢親民又好食，與西式漢堡比起黎又別有一番香港特有嘅風味😋可以話係港式漢堡嘅代表。漢堡包有少少脆，漢堡扒係手打嘅牛肉，食落好 juicy好好味，配合埋芝士同茄汁，簡直係perfect match。

紅磡時新，出名超好食！由其是雙層芝士漢堡+秘製沙律醬，實在係一試難忘！套餐配埋薯條，炸很好脆又唔會過份油，份量可以兩個人先食得哂，我地再叫咗碟炸雞翅食！多肉脆皮，讚不絕口

-紅磡人氣王👄雙層漢堡芝士包$21-我相信唔使我介紹你哋都知道呢間嘢㗎啦，出名到呢！！但我出世到依家先第一次食，雖然我得16歲如果你信嘅話我就係16㗎啦。回返正題先，呢個雙層漢堡芝士包真係juicy 到一個形容唔到嘅點唔怪得之會排哂隊等位，係幾好食嘅滋味度:💙💙💙💙💙(5💙為滿分)

家陣屬於自由工作人既我，今日可以帶埋女兒嚟紅磡做嘢，工作完成後，便與女兒及親友去時新尋找失去了的兒時快餐店風味。喜歡這兒是因為這兒的漢堡有牛肉，豬肉之分，即使當日不方便食牛肉，都有選擇。雖然這兒的漢堡包不是最出色的，地方也較小，但比起那些漢堡包連鎖店既漢堡包，真的好吃不少，連薯條都是我們兒時在快餐店吃到的味道，至於滷水雞脾就較遜色，女兒話雞脾肉質很嚡，但我們嚟係食他們既主打"漢堡包"及舊式快餐店風味架嘛！漢堡包好味又抵食，仲想點?😂

2017.07.01 😊襯著七一放假 當然要相約一眾好友首站我們先到黃埔來了個一盅兩味身為一個吃貨 小妹的肚能撐艇 😈久聞紅磡名物港式漢堡真係要去見識見識說到漢堡包 就會想起我們最熟悉的麥記可以話伴我成長這裡的漢堡 很有香港地度色彩 🌎沒有華麗的包裝沒有什麼廣告宣傳只有大家都認同的實力 🙋吸引了不少港人 旅客都慕名而來芝士漢堡包 配豬小店的漢堡均有牛 跟豬選擇這次我就選擇了最基本的款式芝士加豬柳 配上秘制沙津醬 🍔果然沒令我失望 真的真的很吸引豬柳都是新鮮煎的 夾在溶了的芝士 🐖加上鬆軟的芝麻包及醬汁 很配合漢堡芝士蛋包 配牛友人則有另一選擇 配牛芝麻麵包夾著牛及雞蛋 🐂整個漢堡的感覺超豐富牛肉的肉汁亦能鎖著 挺juicy可惜選配了茄汁 較沙津醬較為遜色時新快餐店 💌紅磡黃埔街1A地下Mon-Sun: 11:00-21:00📍 ig: jasmine_laiyee📌 fb:Jasminewithfood📎 blog.ulifestyle: jasminewithfood

炸雞脾唔係想像之中咁好食，雞脾皮超硬！炸薯條大部分都係燶！凍檸茶超細杯，兩啖已經冇晒啦！漢堡包果個牛肉個陣味道非常奇怪啊！牛肉又細個，個包又細個，而且價錢又非常之昂貴，要多包茄汁，都要加$1

朋友講起時新快餐店好耐，咁岩係紅磡放工，經過見到冇乜人就入去試下.入邊有幾款漢堡包，都係雙層肉，單層肉，有無蛋咁，順便叫多個薯條。黎到兩啖食晒，食完都唔覺飽，不過都真係唔錯幾好味，有住家嘅感覺。間唔中食下都可以

雖然差不多每星期都會在紅磡區流連, 但卻是第一次來到探訪時新; 之前有舊同事專程在這裡為同事買早餐外賣, 個個同事也吃得舔手指, 但那已是經過十多分鐘的遞送時間後, 仍然令人讚不絕口, 可以想像如果吃到新鮮即制的, 更為饒不得咀巴吧!這裡的裝潢與消費都像停留在80年代, 平均每人都不過$30-$60, 主打的漢堡飽類就無需置疑, 驚喜的是我自己命名的魔鬼炸脾, 內嫩外脆, 原本是朋友所叫, 但吃過一口就雙眼發光, 忍不住自己再叫多隻獨食, 有見過食訐炸脾會有點乾, 但今天的這隻卻一點也不乾身, 看來師傅今天心情不錯吧! 

我同老公今日特登在將軍澳搭車過嚟，點知冇開！好心响OpenRice update 番啦🙄好失望，熱屎辣辣點知去到冇開，我見到隨後有對情侶同我們一樣摸門釘....佢地仲失望