小火焰韓式咖啡廳 (觀點中心) (Closed)

今日黎到觀塘食呢間韓國菜 小火焰韓式咖啡廳～ 好近apm 一出行5分鐘左右就到啦～ 入到去好快就坐低左 店員就比左個QR code我哋落單啦 方便易用 仲圖文並茂添～ 咁我哋好快就諗好食咩啦 落單之後等左一陣啲野食就到嚕～ 滷豬手菜餅 $88唔想成日食海鮮餅泡菜餅就可以試下呢個 係豬手菜餅 滷豬手入味厚身好足料 加埋菜同泡菜 真係不錯👍🏻 辣炒豬肉蓋飯 $98呢個係用左豬五花 翠玉瓜 紫菜飯 再加埋韓式辣醬撈埋一齊食😍 韓式辣醬另上 讚啦👍🏻 可以因應自己食唔食得辣而落幾多～ 豬五花都有唔少 好味呀😋 炸雞Combo $88 呢個炸雞Combo真係大推🤩 一次過滿足晒三個願望 有芝士薯條 酸甜炸雞 炸雞軟骨 先講芝士薯條 除咗表面淋咗啲芝士醬之外 佢每一條薯條都有芝士粉係表面 啖啖都有芝士味😌跟住到酸甜炸雞 有三大舊 冇骨啖啖肉 酸甜醬好味😋 想試吓炸雞又唔想食咁多就可以叫呢個👍🏻炸雞軟骨 炸得乾脆香口 食落又唔會滿口油膩嘅感覺😌 整體來講 呢間小火焰韓式咖啡廳 環境舒適 食物質素唔錯 店員服務態度好 下次會再嚟試其他韓式菜😋

今日同朋友喺觀塘行行下街想食韓國嘢，於是就搵左呢間喺觀點中心嘅小火焰餐廳～好好彩1830去唔洗等位～7點基本上已經滿座一入到去餐廳都闊落，裝修都有韓國feel🇰🇷我哋叫左3款嘢食，值得一讚係上菜速度真係好快，等左大約15分鐘已經上齊晒，啲嘢食仲要熱辣辣😆！拉絲芝士BB豬肋骨伴泡菜炒飯 $108拉絲芝士同泡菜炒飯係完美配搭！每一啖既滿足又好邪惡😈 豬肋骨亦都好入味，一啲都唔柴😸 重點係份量好多，同朋友share就最啱炸雞combo $88 入面有雞軟骨、甜辣炸雞、同埋芝士薯條🍟甜辣炸雞好嫩滑，配合埋甜辣醬好開胃～雞軟骨同芝士薯條熱辣辣好好味😋 呢款真係好抵食，聚會必叫！炸紫菜卷 $48 首先個炸紫菜卷炸得好香又好酥脆，而入面包住左啲韓式粉絲，食落一啲都唔會覺得油膩，仲想一啖接一啖食😎呢個小食都己有驚喜！食完同朋友已經好飽，未試到佢嘅甜品🍮下次一於再試呢間平價又抵食嘅韓國小火焰餐廳😋😋

呢間韓國菜餐廳既午市晚市menu都試過，質素一直都幾穩定，所以某日係觀塘煩惱緊食咩好既時候，就即刻諗起呢度😋當日食左：🧀卡邦尼年糕($98+10%)呢個年糕份量好大，入面有煙肉同蘑菇，仲有一隻溫泉蛋係上面，由於屋企人唔食生蛋，所以就只係撈左落一邊🤣年糕好軟糯，所以唔會食到牙骹好攰。醬汁非常creamy，撈埋溫泉蛋變得更好食，而且仲勁拉絲😍好好食，食左大半兜都唔覺得膩🐥炸雞Combo($88+10%)←必點!💯入面有芝士薯條、甜辣炸雞塊同炸雞軟骨。每次嚟都一定會叫呢個set，因為真係好抵食！薯條除左上面有芝士醬，每一條都有芝士粉，食落甜甜地但好有芝士味，而且每條都好脆，炸得啱啱好👏🏻甜辣炸雞既醬汁好好食，唔會太辣但好惹味，炸雞就算沾滿醬汁都依然好脆👍🏻炸雞軟骨份量好多，每粒都好香口，唔會太硬，忍唔住一口接一口係咁食🤤🍫糯米糍3.6牛乳雪花冰($78+10%)最後梗係要食返個甜品啦🍧雪糕球既朱古力味極濃，雪花冰底好綿，牛奶味都幾出，配埋朱古力粉同杏仁片好夾。個人最鐘意就係個糯米糍，皮好煙韌，入面既朱古力cream輕盈得嚟朱古力味好出，成個甜品都好好食，食完好滿足💖

喺APM睇完奧運就搵吓附近有咩餐廳醫肚🤪 最後揀咗就近觀點中心嘅小火焰，好好彩平日7點唔使等位👏🏻餐廳環境真係幾韓國 feel ~見炸雞Combo ($78) 有薯條有雞又有雞軟骨咁抵就覺得一定要食🤣 薯條芝士味好濃，雞嘅甜辣味都好出，完全係衝擊味蕾👍蟹黃炒淮山麵($88) 個汁好rich，唔少蟹肉蟹籽翠玉瓜幾足料，兩個人share 都好飽🤤最後加個熱氣之選小食😂 炸紫菜卷($38)幾特別，餡料居然係類似粉絲估佢唔到😳飽到食唔到甜品，唯有下次再嚟過🤪

觀點中心近行人天橋呢度原來有間餐廳，而且仲要幾受歡迎，價錢又親民。🍴 拉絲芝士BB豬肋骨伴泡菜炒飯 ($98) ⭐️⭐️⭐️⭐️成功做到拉絲效果，豬肋骨本身都用左燒烤醬整成，食落甜甜地好到位。雖然肉唔係話好多，但配埋芝士同埋啲泡菜炒飯，食完都會好飽肚。🍴 炸雞Combo ($78) ⭐️⭐️⭐️⭐️甜辣炸雞同埋雞軟骨，炸得啱啱好，雞肉唔會整到好乾，正啊！幼身嘅薯條配上好多好多嘅芝士粉，簡直係最佳配搭。賣相望落去已經非常之吸引，份量非常之合適兩個人share，真係啱啱好！.............................. 小火焰韓式咖啡廳 (觀點中心)地址📍: 觀塘觀塘道410號觀點中心1樓1號舖總評分: 8.2/10 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️衛生🧹: ⭐️⭐️⭐️⭐️抵食💰: ⭐️⭐️⭐️⭐️💫

🙌🏻  香港買少見少既雪花冰🥺最好食當然係配黃豆粉.今次尼一間小火焰無尖沙咀既韓國餐廳咁到位.有少少港式韓國菜既影子.但係觀塘區想食韓國菜時算係一個親民選擇.款式多.服務態度都好好.炸雞同醬油蝦同行友人都話CP值高2款既炸雞有半份同全份.適合心大心細咩味都想試下既朋友仔.一次過試2款味都唔過份😃另外炸紫菜卷都幾值得encore 但感覺同燒肉Combo有同一個問題.就係D醬汁配搭唔夾😅而燒肉本身無醃制.所以係無味.希望尼方面可以改善下🤓--➿ 炸紫菜卷 HKD $38➿ 韓式煎雜菜蝦餅 HKD 78➿ 炸雞Combo HKD$78➿ 韓式甜辣年糕炸雞(半份) HKD 98➿ 蜂蜜提子脆米炸雞(半份) HKD 98➿ 燒肉 Combo HKD 168➿ 草莓3.6牛乳雪花冰 HKD 78➿ 醬油蝦配糖心蛋手握紫菜飯👩‍🍳  整體味道: 6/10 💸  性價比: 7/10 📸  打卡指數: 6/10 🤤  環境服務: 8/10 🤔  推薦指數: 7/10

search下觀塘有咩食 見倒呢間個menu幾吸引一於去試試~!個menu勁厚 超多選擇 揀左一陣先決定倒🙈燒魷魚水冷麵 $68d魷魚好大條 有微微既燒烤味配料好足 好多蘿蔔絲同青瓜絲仲有幾條雪梨絲 同半隻蛋仲好夠凍 行到熱熱地食 超級正👍🏼炸雞combo $68有炸雞軟骨 甜辣炸雞同芝士薯條三樣全部都好好味尤其係薯條幼身薯條 好夠脆 加埋芝士醬 食到停唔倒口糯米糍3.6牛乳雪花冰 $58糯米糍味道麻麻地🙈不過d牛乳雪花冰好好味 份量仲好大添!全部嘢好夠份量又好味價錢都唔貴 好抵食!

熔岩芝士炸雞麵包🧀🐔🍞 ($148)依個係每枱必叫嘅餐廳招牌菜，有一大個農夫包入邊裝住熱辣辣嘅芝士忌廉醬🧀😍。隔離仲有幾大夠脆卜卜嘅原味炸雞🐣，沙律菜🥗同粟米片。將炸雞點入芝士醬入面，即刻可以做到拉絲效果🤤，醬嘅份量多到點晒全部炸雞都仲有好多剩。炸雞同芝士真係好夾！我哋好快就食晒全部炸雞，食晒啲雞之後，再切開個農夫包食沾滿芝士嘅麵包🧀🥖，同樣地，麵包同芝士都係perfect match😎！炸雞combo ($68)因為朋友想食薯條🍟，所以我哋就叫咗依個有炸雞薯條嘅小食combo。佢入邊有芝士醬幼身薯條，甜辣炸雞同炸雞軟骨。以一個小食嘅份量嚟講佢真係超級大份！薯條好有薯仔味🥔，又熱又脆，甜辣炸雞都幾辣架🌶😂，但係又好惹味，炸雞軟骨調味好夠，又係食唔停口。芝士海鮮泡菜煎餅🧀🐙 ($68)煎餅上面有超多超多海鮮！！🐙🦑🦐除咗章魚，蜆肉，仲有好多芝士，泡菜係上面，配料好豐富😍。煎餅熱辣辣新鮮煎起，粉漿薄身，唔會太厚，外脆內軟，加埋咁多配料一齊食，口感豐富，係CP值爆燈嘅必食之選！！👍🏻👍🏻熱烤杏仁咖啡☕️ ($32)今日唔想飲凍野，就叫咗杯熱烤杏仁咖啡，飲咖啡會送一塊自家制曲奇🍪。咖啡上面有杏仁

小火焰 觀塘今日收工同咗個喺觀塘返工嘅朋友食晚餐。佢推介咗呢間食韓國嘢嘅餐廳，佢已經食過幾次，話又抵又好味。🌋 溶岩芝士炸雞包 （$148）朋友話每次黎食都一定會叫呢個芝士炸雞包，有超多炸雞、Nacho、沙律、芝士農夫包。將炸雞放入芝士拉出黎條芝士絲超級長🤤 超邪惡，炸雞好好味，不過加太多芝士會有啲蓋過咗陣雞味，所以建議唔加芝士食一舊試吓個炸雞味先，咁就有兩款口味🤤🐥 炸雞combo （$68）炸雞combo真係好抵食！有炸雞、雞軟骨、芝士薯條。炸雞都幾辣，雞軟骨都好好味，薯條就係似m記嘅，不過份量咁多，$68真係超值！🦑 芝士海鮮菜餅 （$68）海鮮菜餅上面有八爪魚、蝦、蠔仔、菠菜、芝士、粟米等等。海鮮份量非常多，正🤗🍪 曲奇沙冰 （$46）沙冰勁大杯！我嚇親！女仔真係嗌一杯兩份share ok咖啦🤣（唔係肥死）呢杯係我見過最大嘅沙冰，上面有一條曲奇條同一塊oreo，仲要只係四十幾蚊，好正！沙冰係朱古力曲奇味，我最愛❤️☕️ 熱烤杏仁咖啡 （$32）朋友飲嘅杏仁咖啡仲送咗塊曲奇🤤

聽女朋友講呢間餐廳好出名，一於同佢試下。🍗炸雞combo $68全餐最好味！有香脆嘅炸雞軟骨、炸雞同薯條。雞軟骨唔係平時嗰啲來貨，每粒都香脆可口，調味適中。炸雞口感依然香脆，雞肉好多汁，辣醬嘅辣度都幾高，非常惹味。🐮雪香牛骨湯鍋 $128本身想叫八爪魚鍋，但當晚冇八爪魚，所以叫咗呢個。牛仔骨比較難咬，而且湯底冇咩平時牛骨湯嘅甜味。但呢個鍋有好多蔬菜同埋粉絲，夠晒健康同飽肚。🧀芝士海鮮菜餅 $68海鮮份量比想像中多，有好多爽口嘅墨魚仔。佢比起平時嘅韓式煎餅薄，所以口感都更加香脆。🥭芒果窩夫 $68呢度嘅甜品賣相精美，睇得又食得。窩夫好香脆，配上雪糕同埋芒果肉，十分之夾。☕紫薯latte $34迷人嘅紫色好適合打卡，而且味道都唔錯。女朋友平時唔係好鍾意食韓國嘢，但係呢餐都食得津津有味。見到佢食得開心，我都好開心呀。

高人氣韓式咖啡餐廳💕-餐廳於2016年3月底進駐觀塘，已經吸引唔少港人，網上佢既評分都幾高咖！依間其實我都食過兩次了🤣價錢中等合理亦迎合到港人口味！而且上菜速度好快！-1️⃣韓式甜辣年糕炸雞(一份8件)$168⭐️⭐️⭐️⭐️之前食過一次之後一直在回味，所以再叫左！年糕好搞笑地係用好幼既年糕😂炸雞每件size都偏大，兩次都有兩隻比平時大小小既雞翼😂😂炸得好脆，粉也不會過厚，肉質保持嫩滑有肉汁🥰甜辣醬今次就有點偏酸，甜番啲就perfect ！/2️⃣炸雞combo $68⭐️⭐️⭐️依個都幾抵食，有三樣野: 雞軟骨、甜辣炸雞4件仔、芝士薯條。雞軟骨份量勁多，食唔晒完全😂炸得岩岩好同香脆，不過就小左啲調味，稍為有點淡。芝士薯條好食😋芝士醬濃味，唔夠喉！/3️⃣拉絲芝士BB豬肋骨伴泡菜炒飯(可轉白飯)$88⭐️⭐️⭐️⭐️芝士落得好多，真係有拉絲效果😍 飯係泡菜炒飯，泡菜多到食每淡都會有🤣所以飯會偏酸，豬肋骨都充滿芝士味，肉質腍得黎又爽🤣不錯👍🏻-環境：8/10服務：8/10好味指數：9/10回頭率：9/10

依間餐廳其實好耐之前已經嚟過，果陣已經覺得佢起官塘嚟講係屬於性價比較高嘅餐廳。官塘本身少韓式餐廳，性價比高嘅就更加少。今次同朋友再嚟，發現原來餐牌已經轉咗，加咗唔少新菜式。餐廳嘅人比我以前嚟果陣多咗好多，睇嚟佢起官塘愈嚟愈出名la。食物嘅款式都幾多，有沙律、炸雞、韓式拉麵、飯麵類嘅野食，連甜品都有好多款簡。我同朋友驚叫套餐會食唔曬，所以最後簡咗兩個主菜加一個小食。野菜炒粉絲($68)粉絲嘅份量多到嚇親我地，佢唔只係粉絲嘅份量多，連配料嘅份量都好多。配料有椰菜、翠玉瓜、冬菇、雞脾菇、秀珍菇……仲有d唔知叫咩名嘅菇😹所以食落味道同口感都好豐富。拉絲芝士香燒雞翼伴泡菜炒飯($78)依個完全係打卡必叫嘅野食，芝士嘅份量極多，可以瘋狂拉絲。炒飯唔會太辣，雞翼有四隻，加咗類似燒汁嘅醬煮，整體嚟講唔錯。炸雞Combo($68)叫果陣以為得炸雞同薯條，嚟到先知仲有炸年糕。炸雞嘅醬都幾辣，好有韓式嘅感覺。薯條預先撈咗蜜糖味嘅粉，好好食。年糕亦唔會炸到好硬，keep到煙韌嘅感覺。