小火焰韓式咖啡廳 (觀點中心) (Closed)

依間餐廳其實好耐之前已經嚟過，果陣已經覺得佢起官塘嚟講係屬於性價比較高嘅餐廳。官塘本身少韓式餐廳，性價比高嘅就更加少。今次同朋友再嚟，發現原來餐牌已經轉咗，加咗唔少新菜式。餐廳嘅人比我以前嚟果陣多咗好多，睇嚟佢起官塘愈嚟愈出名la。食物嘅款式都幾多，有沙律、炸雞、韓式拉麵、飯麵類嘅野食，連甜品都有好多款簡。我同朋友驚叫套餐會食唔曬，所以最後簡咗兩個主菜加一個小食。野菜炒粉絲($68)粉絲嘅份量多到嚇親我地，佢唔只係粉絲嘅份量多，連配料嘅份量都好多。配料有椰菜、翠玉瓜、冬菇、雞脾菇、秀珍菇……仲有d唔知叫咩名嘅菇😹所以食落味道同口感都好豐富。拉絲芝士香燒雞翼伴泡菜炒飯($78)依個完全係打卡必叫嘅野食，芝士嘅份量極多，可以瘋狂拉絲。炒飯唔會太辣，雞翼有四隻，加咗類似燒汁嘅醬煮，整體嚟講唔錯。炸雞Combo($68)叫果陣以為得炸雞同薯條，嚟到先知仲有炸年糕。炸雞嘅醬都幾辣，好有韓式嘅感覺。薯條預先撈咗蜜糖味嘅粉，好好食。年糕亦唔會炸到好硬，keep到煙韌嘅感覺。