Backyard (Closed)

倒數前夕黎到荃灣心諗住食西餐，經過見到環境都似唔錯就諗住試下由於時間太早，餐廳唔係好多人，坐得好舒服服務員態度都好好，成日主動加水，主動落ORDER餐前既麵包幾好食好鬆軟我地2個人叫左炸魚薯條，黑松露牛肝菌意大利飯同埋豬手 每樣既分量都好多，最後都食唔哂炸魚外脆內軟，分量多食唔哂，冇雪魚味豬手好大份，D肉好入味，好好食仲有個黑松露牛肝菌意大利飯， 好濃好好味，仲有2塊好大塊既姑Overall 都好滿意，值得黎試!

話說本來約咗朋友晚飯去食中東菜, 點知間嘢執咗!醒起坐車成日見o既大廈翻修完就訂位去試吓!入到去見環境舒適配合柔和音樂, 剛好我地4個人又有卡位坐。大家二話不說就叫嘢食。首先講Fish & Chips 值得一試一籃有幾件魚柳!魚柳夠厚身又脆又唔油,  薯條炸得香口。魚柳比起倫敦食過o既唔會油, 係唔夠人地大件, 反而鐘意佢呢間夠乾身唔會油淋淋!再黎叫咗個 香菇辣肉腸薄餅, 個名唔太記得 佢係薄批但都夠4個人食! 初時以為佢唔多饀, 但原來足料, 香菇芝士同肉都分配均勻。我地仲食咗兩個 Risoto, 分別係, 黑松露香草 同三文魚子帶子,唔記得影相!兩客飯都足料,啲飯唔會太淋唔會太creamy 適合喜歡較清淡o既朋友! 松露都鋪兩塊喺面好香, 帶子嗰個都有兩件唔係求其俾件細隻。總結呢間整體服務同食物質素唔錯, 環境舒適, 啱哂三五知己、兩人聚餐。想靜靜地同朋友食飯傾計o既可考慮呢間。

平日坐巴士返工放工經常經過，但食飯就第一次。今日慶祝我和朋友三日，所以黎左食Brunch。除左主菜，沙律、水果、甜品和小食都係自助，始終重點放係主菜，所以自助既食物只有小量款式。我主要食沙律和菜，菜ok 既，唔算好新鮮，但可接受。沙律有三款而且就快無哂佢會即刻換盤新既，都算乾淨衛生。另外還有即製窩夫，熱辣辣，不過我無試。主菜點左班尼迪蛋、豬鞍，炸魚薯條。其實三款都好味，但因為之前已經食左兩碟沙律，唔夠肚餓，所以令我食唔出主菜既味道，下次唔好咁貪心，食完主菜先食其他野。班尼迪蛋：個包係黑色，可能係墨汁包，個蛋生熟剛剛好，而荷蘭醬酸度適中，中和返雞蛋既飽滯感。豬鞍肉好淋，配菜都好味。（試左少少）炸魚薯條既炸魚好脆口。（試左少少）整體都ok，不過可能佢2:30pm 開始下午茶時間，所以不斷催我地埋單和交臺。

每次係呢度落巴士都見到呢間餐廳，今次決定搵埋個鐘意食野既朋友一齊黎試下呢間西餐！呢度環景舒服開陽~坐住係度等我個遲到既朋友都唔會嬲...話說我地仲未落單，職員已經放低左一藍麵包比我地～有幾款麵包係入面，真係每一款都好食架！不過大食妹就最鐘意食有芝麻味隻麵包，好軟熟，好香芝麻味~炸魚薯條食西餐又點少得炸魚薯條呢d熱氣野~哇～個魚柳好厚肉而且炸得岩岩好，皮脆入面係淋架!!個薯條炸到好脆好香口好好食，我同朋友都一齊覺得似以前哈迪詩既薯條！推介！！！四式芝士薄餅鐘意食芝士既朋友必嗌呢個！佢入面真係食到每一啖都係芝士，加上餅底好薄，就更加特顯到個芝士味！佢唔會太濃味，不過食到尾就有少少漏..鴨肝醬野菌闊條麵配香濃忌廉汁呢個麵入口好重忌廉汁同鴨肝既味。絕對岩哂重口味既朋友仔...

朋友在荃灣的新辦公室開幕今天就特地來參觀一番晚餐就來了這家型格小店先送來新鮮麵包附上欖油黑醋佐食今日餐湯是豆湯湯頭口感濃厚豆味也濃我們點了炸魚薯條作前菜炸薯條超級美味酥脆之餘薯味也濃郁但炸魚魚肉較硬身朋友點了黑松露牛肝菌意大利飯黑松露飄香上面的兩塊portobello mushroom菇味濃郁意大利飯也軟硬得宜我試了他們的煙肉雞卷雞卷中間有奶油味道出色極像在英國吃到的Chicken Kiev配菜烤過也很可口賣相也有心機值得一讚和朋友愉快地渡過了一個晚上

今晚又去8咪半覓食，貪附近人流唔多，今次發現隱世的西餐，環境舒適又寧靜，服務仲好好。以灰/白色裝潢配淺木系座位，仲有植物裝飾，荃灣區既綠洲。環境舒適，餐具及四周都頗新，好整潔乾淨。先上餐前的麵包，有三款，分別是較硬身又煙韌的小餐包、鬆軟帶有黑芝麻味的包及脆麵包條。點油醋食味道幾開胃又夠飽肚。炸魚薯條 $88，份量幾多，有三塊炸魚，薯條更有香料味粉，食落好惹味，唔使茄汁已經好美味。炸魚的脆衣夠薄夠酥香，而且凍左都仲脆口。魚肉質感幾結實又有彈性，最重要唔會腥，味道不會太咸，配他他醬更滋味。燴牛仔膝配松露汁 $198，好可愛地用鑊仔裝盤，有三大件牛膝肉，仲有中間的牛骨髓，但松露汁唔太突出。附上小匙方便食牛骨髓，我地放上烘脆多士片上伴食，牛骨髓好濃牛味，滑溜油潤又甘香，與多士一軟一脆質感也很多。牛膝肉煮得好鬆化柔軟，一絲絲肉好淋又入味。伴旁邊的肉汁味道更濃郁，最底有幼滑的薯蓉，食完整碟都已經好飽，好抵食。鴨肝醬野菌濶條麵配香濃忌廉汁 $148一上枱好香，有濃濃忌廉味，令個麵好順滑，濶條麵更吸到好多醬汁，鴨肝醬比鵝肝味淡，所以唔會太濃重，但有甘香的肝味，野菌也用很多，同樣吸到好多醬汁，簡單材料味