Backyard (Closed)

平日坐巴士返工放工經常經過，但食飯就第一次。今日慶祝我和朋友三日，所以黎左食Brunch。除左主菜，沙律、水果、甜品和小食都係自助，始終重點放係主菜，所以自助既食物只有小量款式。我主要食沙律和菜，菜ok 既，唔算好新鮮，但可接受。沙律有三款而且就快無哂佢會即刻換盤新既，都算乾淨衛生。另外還有即製窩夫，熱辣辣，不過我無試。主菜點左班尼迪蛋、豬鞍，炸魚薯條。其實三款都好味，但因為之前已經食左兩碟沙律，唔夠肚餓，所以令我食唔出主菜既味道，下次唔好咁貪心，食完主菜先食其他野。班尼迪蛋：個包係黑色，可能係墨汁包，個蛋生熟剛剛好，而荷蘭醬酸度適中，中和返雞蛋既飽滯感。豬鞍肉好淋，配菜都好味。（試左少少）炸魚薯條既炸魚好脆口。（試左少少）整體都ok，不過可能佢2:30pm 開始下午茶時間，所以不斷催我地埋單和交臺。