Explore Kitchen (Closed)

今日終於冇落雨，可以出去shopping，原來呢幢商場樓上係有餐廳既，行到攰攰地就上樓上搵食，見到4樓呢間餐廳唔錯，樓底超高，裝修走簡約文青風格，有一大片的落地玻璃，令到成間餐廳都好光猛，而且座位之間好闊落，我地坐係窗口位，感覺好relax，而且價錢都幾抵食，我地3點零鐘黎到，lunch set去到4:30pm，tea set就3:30pm開始，見仲有幾個字，梗係等叫tea set啦﹗Tea set份量都唔細。炸魚薯條炸魚粉漿夠薄，炸到外脆內軟，魚肉嫩滑。芝士牛肉漢堡配薯條牛肉好juicy好香，芝士味岩岩好，薯條亦都炸到脆卜卜，好食。

今日全日落住大雨,在所難免影響了當日的心情,直到晚上來到這裡食晚餐,心情竟然180度扭轉,真係估你唔到!! 餐廳位於油麻地,距離地鐵站只有幾分鐘的路程,即使好似今日落大雨都唔怕行到全身濕哂!內裡裝修簡約舒適,採用落地玻璃設計,白天採光度一定很好,晚上燈光調教得暗暗地,充滿著浪漫氣氛!最重要係無論早上或晚上,這裡都可以讓客人一邊食一邊飽覽油麻地市區街景! 令今晚的晚餐加分了不少!打開餐牌好多選擇,有二人餐亦可單點,不過我同朋友喜歡單點菜式,所以選擇了2個小食,1個沙律,1個漢堡包,1個意大利飯!<炸魚薯條> 魚柳外層無粘上好厚的粉,炸得外脆內軟,食到啖啖肉之外,又唔會好油膩,再加一點檸檬汁食起來更滋味!另外薯條炸到金黃色,切得粗身又大條,咬開薯條熱呼呼出哂煙,點唔點茄汁食都一樣咁好味!<水牛城單骨雞翼> 雞翼皮滑肉嫩,單骨方便易食,再塗上一層厚厚的醬汁,酸酸甜甜好惹味!!<卷心生菜鮮蝦蟹肉沙律> 原個切開的一大片卷心生菜,食起來十分爽脆,菜上放了3隻鮮蝦,全部都晶瑩通透,肉質鮮甜有彈性!蟹肉混在沙律內,每一口都食到啖啖蟹肉,真的好味到不能錯

話說依棟商業大廈新開以來我都未黎過，只知門口大大隻發光字562，點知原來係有好既搵食地依間餐廳好似新開唔到兩個月，見評價唔錯就試下，一試就好令我印象深刻，算係近期食過鮮有既高質西餐廳室內裝修極新，走簡約風路線，好有自然美店內面積雖然唔算好大，但都留有一部份坐位靠窗，另有一小片空間留俾客人晚上飲嘢走走或坐底傾計用，感覺似是可搞大型聚會咁前菜係例牌湯同餐包，餐包係跟法式食法點油醋食，本身亦帶點油香，很不錯小食點左單骨雞翼，雞肉嫩滑，骨肉易分離，食得極方便水牛城味道多汁酸辣甜味豐富，好味炸魚薯條新鮮滾熱辣炸好魚表面炸漿恰到好處，魚肉口感偏實，薯條則採用粗薯條，整體質素都不錯既友人點左豬鞍架，賣相一流連骨既模樣好有霸氣肉質鮮嫩，近骨既部分更為爽口口味唔會好濃，只有淡淡既炭燒味，反而突出豬既肉香依份就係我叫既安格斯肉眼扒外觀亦好討好傳出陣陣既炭燒香氣我叫左medium rare ，肉質同樣爽口，牛既油脂分佈亦不錯，肉味很濃郁只係可能用多左少少油燒，但整體仍然係水準頗高的牛扒，推薦最後叫番個甜品作結雪葩賣相很治癒很吸睛味道係好濃既水蜜桃味佢似係以整個水蜜桃挑空果肉然後放入雪葩拎去雪，果皮都可食埋架

每次去新餐廳心情總是忐忑的，不過唔去試又點會發掘到美食，今次拉埋幾個朋友一齊去食一出電梯見到個角落位好開揚，第一印象唔錯。餐廳樓底好高，燈光同裝修令人感覺好舒服，每張台都有足夠空間，好岩收工同朋友黎傾計食飯。暫時選擇唔算多，不過配搭有特色，每樣都幾吸引炸魚薯條新鮮炸起熱辣辣，炸漿唔會太厚，一絲絲魚肉食落口感好好，薯條夠脆。點菜個陣冇留意，食到咸蛋香味個下好驚喜，每粒飯都吸收哂醬汁，好味。豬鞍架烤得好嫩滑，唔會乾身，配埋酒煮蘋果蓉食幾清爽，朋友仲一直大贊伴碟嘅蒜頭好好味。蝦子落得好重手，入面仲加左蝦干，幾乎每一啖都食到蝦嘅甘香同鮮味，意粉煮嘅時間岩岩好，入口煙韌。有心經營嘅新店總是令人驚喜，每款食物味道都唔錯，唯一可惜就係餐廳飲品選擇比較少，有點浪費咁Chill嘅環境。不過餐廳岩岩開張，希望之後會有更多飲品選擇，同埋keep住食物水準，下次約朋友食飯會再選擇呢間！

油麻地越來越多新開食肆，這間Explore Kitchen正正在油麻地站隔離，主要都是食英式小食、意粉及扒，雖然食物都是比較大路，但勝在樓上餐廳，坐得舒服且環境寧靜，不怕成班大媽圍住係咁嘈。炸魚薯條：炸魚外層粉漿不厚，而且炸得鬆脆，魚肉嫩滑不會炸過火，下面裝滿了炸粗薯，香脆又不易腍。黃金芝士意大利飯：意大利飯味道偏甜，飯粒煙韌有咬口，又有淡淡的芝士香味，上面的燒蝦肉新鮮彈牙，不過份量比較少。西班牙辣肉腸蘆筍扁意粉：辣肉腸切開一絲絲，加上蘆筍一起炒在意粉內，顏色吸引，意粉質感爽口不腍，辣肉腸的微辣十分惹味。

同男朋友係FB見到呢間餐廳新開張，睇Menu覺得價錢合理，食物款式又幾岩食，所以就黎幫襯一下😛餐廳一分闊落，枱與枱之間有一定空間，唔會覺得好狹窄，坐得好舒服👍🏻另外，裝修簡單得黎帶有小小文清風格，感覺幾好。每次食西餐都幾乎會嗌炸魚薯條，而呢個炸魚薯條即叫即炸，炸魚炸得好香脆，不厚粉，魚既份量都幾多，唔似得某d餐廳，皮多過肉。而薯條係有皮薯條，好大條，偏厚實唔會林batbat，外層脆脆地，好岩我口味😋如果個醬可以濃返少少就好喇，因為有d稀。漢堡包好大份，好足料，牛肉漢堡好厚好Juicy，配埋芝士一齊食，好正！同男朋友一人一半食完都飽晒🤣牛扒嗌左7成熟，出到黎岩岩好，好大塊好厚，口感對我黎講唔錯，夠嫩同埋都好juicy，又唔會好韌，不錯，而價錢算便宜👍🏻👍🏻最後黎多個甜品，呢個梳乎厘一般般，因為太重空氣感，同埋偏甜，我比較喜歡實返少少既梳乎厘。.可能新開無乜人，環境好靜，服務都好周到，係一個聚餐傾計既好地方，有機會會再黎😛