甘永泰魚蛋 (Closed)

👧🏻_長洲一日遊2️⃣相信哩一間位於長洲碼頭新興街附近嘅魚蛋點上大家應該唔陌生 除左服務態度同澳牛有得揮同埋有啲貴之外 哩度嘅魚蛋真係好鬼好食！肥Glor本身唔係好鍾意食咖喱 所以prefer哩一間多過對面嗰間😌唔知大家又鍾意邊間多啲呢！·大魚蛋 $10（一串兩粒）肥Glor心目中嘅No. 1！超級大粒+爽口彈牙 魚味濃 所以唔需要加任何醬汁都好好味👍🏻·魚蛋 $20（一串六粒）哩款魚蛋真係由細食到大 但今次食我覺得有啲退步 有少少過分油膩 浸油味蓋過左魚蛋嘅魚味 一般般啦🙌🏻·蝦丸 $30（一串四粒）唔係成日有得食 今次見到佢棟起個牌即刻叫左 非常有咬口 不過主要都係食到魚味 如果蝦味再濃啲就perfect啦～*雖然今次去冇食豆卜 但我覺得冇試過嘅朋友一定要試炸豆卜 真係好鬼正！#𝙛𝙚𝙞𝙜𝙡𝙤𝙧_𝙚𝙖𝙩📍 甘永泰魚蛋 (長洲)長洲新興街106號地下

專程去長洲搵食，這間店上次去已經賣完無得試 今次一定不效過見到好多人都是買炸魚蛋和蝦膠釀豆腐卜我都跟著叫，真係勁好味!!!!!!魚蛋夠彈牙，有魚味最好味就是蝦膠釀豆腐卜超香口又脆因為即叫即炸，有紙巾包著吸油，幾細心入長洲必食!!!!

吃過海鮮後，已經有八成飽，但密密吃的旅程依然繼續。來到甘永泰，被其手打魚蛋和墨魚丸吸引著，沒有不試的理由。一位亞姐負責釀魚肉，而婆婆就負責炸物和收錢。婆婆為人親切，又極力向客人推介他們的「自家出品」，好有趣。在她落足咀頭下，我們幫襯了不少，哈哈雖然價錢倒是昂貴，但真材實料，吃得出是用心製作。炸魚蛋($10)：魚蛋是白色的那種，炸過後也沒呈金黃色，我故意不把油印上吸油紙，炸後熱辣辣，沾滿油脂的魚蛋確是香口，十分彈牙，很有嚼勁，每一粒都咬得爽口，又有魚味，手打的口感果真不同啊~豆卜魚肉($10)：這個跟平常吃到的煎釀三寶是有分別的呀豆卜經炸後外層變得酥酥脆脆，內裡則夾了魚肉，豆卜略為油膩和淡口，幸而魚肉依然彈牙，如果有醬汁伴吃就更為惹味了。我對炸魚蛋較為喜歡，而男友則中意食這個。吃過兩串炸物後，再分別買了半斤墨魚丸和魚片回家作手信(一斤$48)。墨魚丸：豬肉裹上不少墨魚粒，墨魚彈牙爽口，不韌，而醃得又夠入味。魚片：白烚或炒也適宜，咬口仍不失又爽又彈。婆婆說最好味的是墨魚丸，其次是魚蛋和魚片呢吃過魚蛋後，再起程下一站了