LAVA Bar & Restaurant (Closed)

疫情收緊之前最後一晚黎食返餐晚餐，有派無得出街食晚飯啦！新年繼續試新餐廳，今晚地點係太子通菜街既LAVA Bar & Restaurant，好耐無黎呢區既酒吧餐廳啦。點解黎呢？因爲呢度有西班牙特色放題，不過最後同行友人話唔好，所以轉戰主餐牌。主餐牌得一張紙，有生蠔同Spanish Tapas，一共有15款。凍腸拼盤 $88 另加一凍腸拼盤有兩款片狀凍腸，一中一小，中有兩塊，細有四塊。中間仲有啲粒粒腸，我未食過，仲以為係堅果，伴有7粒檻欖。凍腸食落油脂重，又唔過鹹。芝士拼盤 $80 另加一芝士拼盤有兩款芝士，分別有三小塊同四小塊，都係硬芝士，一款帶濃濃香草味。炸魷魚配青檸辣椒 $88 另加一呢款炸魷魚配青檸辣椒係招牌之一。炸魷魚一客四件，雖然炸皮同魷魚分開左少少，不過魷魚好新鮮。調味都唔錯。馬薩拉炸雞件 $89 另加一馬薩拉炸雞件一客兩件。調味用左印度香料，好香，夠特別。炒青椒 $68 另加一炒青椒一客6件，熱辣辣上枱，一口一隻，夠新鮮，味道唔錯。紅菜頭沙律 $65 另加一 紅菜頭沙律有紅菜頭幾片，好似用啤酒浸過。新鮮沙律菜唔少，加左少少甜黑醋，好健康。上面仲加左三片柚子肉。炸薯粒配温泉

在太子通菜街附近找到一間西班牙餐廳🤩 ～ LAVA Bar & Restaurant， 小店細細間但好有氣氛🥳， 這裏的西班牙美食吸引了我。西班牙特式放題$388( 2.5 hours) ，再點兩杯飲品，Sangria$88、An Apple A Day$98。 🔴芝士凍腸拼盤🧀 ～ 芝士味道香濃， 西班牙風乾腸口感堅實， 送酒不錯。 🔴生蠔🦪 ～ 新鮮，海水味重， 質感爽口。 🔴馬薩拉炸雞件🍖 ～ 炸雞好juicy， 雞肉嫩滑。 🔴火箭菜沙律🥗 ～ 沙律菜新鮮爽脆， 酸酸地好開胃。 🔴Lava 牛腩包🫓 ～ 包皮熱辣辣又鬆軟， 加上牛腩幼嫩， 好滋味。 🔴炸魷魚配青檸辣椒🦑 ～ 炸魷魚外脆內爽滑， 配青檸汁去膩， 帶點清新感。 🔴西班牙海鮮炒飯🥘 ～ 蝦肉爽口，蜆肉甜美， 炒飯有濃香的海鮮汁伴底，正。 🔴Sangria🍷 ～ 食西班牙菜點少得Sangria， 配上這杯西班牙特飲才是完美的西班牙餐。 🔴An Apple A Day🍸 ～ 有少少薄荷味， 清涼口感， 幾有趣。 本身好喜歡吃西班牙菜， 估唔到太子通菜街都有， 下次經過附近可以再來👌🏻。

1月生日嘅我，朋友到 6 月先得閒請我食飯 🤣🤣 無乜所謂啦，志在見面傾計啫 💖訂咗星期五晚 7 點，去到先話我哋知由於星期五，如果有客等位我哋得個半至 2 小時用餐，即時灰咗，點解訂檯時唔講呢，咁我哋可以揾過第 2 間嘛！由於我放工早，午餐又食得飽，所以喺土瓜灣行去太子，行到去可以想像有幾熱，我已經出動埋手提風扇都好熱。 。 。坐底都未安頓好朋友又未到，佢就想我叫嘢 😡朋友到侍應就即刻嚟介紹食物，好似好想我哋快啲食完快啲走咁，介紹我哋食生蠔，又強調陣間有張大檯，可能會無架啦… 我哋都叫咗 4 隻，起晒肉好好味，但其實無都可以叫其他食物嘛!另外叫咗脆脆豬，原來係豬皮上面放啲西班牙火腿，其實塊豬皮無乜味 😓炸魷魚配青檸辣椒，份量小，魷魚都係無乜味，好似炸粉點泰式汁。薯仔奄列正常返啲，但我記得食過係啲薯仔切到一片片，佢好似唔係。到最後佢哋都唔需要我哋早交檯，前後坐咗 3 個鐘 😄佢哋啲餐具有啲其怪，係比隻夾同匙羹，攪到我哋無义用 🤣🤣

最近我逐漸愛上了西班牙菜，原因是Tapas可以淺嚐多吃，風格隨意，可一次過品嘗更多菜式，最適合像我這些眼闊肚窄的人，位於太子的LAVA Bar & Restaurant提供多款有創意點子的Tapas，當然又要去試一試！內裡是酒吧的格局，昏黃的燈光映照下，瀰漫著自在寫意情調，很適合三五知己來這裡摸酒杯底。店面面積不大，不過座位不會隔得太近，所以也坐得寬敞舒服。餐牌上Tapas 款式眾多，當正餐吃也足以吃到飽吧 XD紅菜頭, 火箭菜沙律配橘子芥末汁 $65全素沙律口味清新，保留蔬菜本身的營養。紅菜頭清甜爽口，完全沒有草青味，配合香橙和西柚，健康又開胃。西班牙炸薯粒配溫泉蛋, 蕃茄香椒汁 $65上枱時溫泉蛋仍是震騰騰的，用叉子輕輕劃過，裡面的蛋黃如同火山噴發般滾滾流出。蛋白就如豆花般柔嫩，當與蕃茄香椒汁混合後，使醬汁變得更香滑濃稠。金黃薯粒連着薯皮炸得外層鬆脆，肉心軟綿細密得似薯蓉，口感外脆內軟，醬汁帶有微辣香料風味，惹味得令人吃不停口，極力推介給各薯仔控！炸魷魚配青檸辣椒 $88外皮炸至鬆脆酥香，內裡的鮮魷肉質彈牙爽口不過韌。粉漿亦不會過厚，點上青檸辣椒醬，格外清新醒神。西班牙薯仔奄列 $

雖然是 bar restaurant，但環境氣氛食物水準甚高。這裏是吃西班牙菜，美味得不像一般的酒吧餐廳。唯一缺點就是份量較少，不過一份錢一份貨就是了。就是新潮版本的刈包，食材配搭得不錯。牛腩稍稍有點過鹹，但手工包吸了肉汁又好好食。賣相亦好討好，精緻得像西餐廳出品。炸魷魚就沒手工包那麼出色了，魷魚沒什麼味道，感覺不太新鮮。炸衣跟魷魚分離，有點甩皮甩骨。不過這道的賣相同樣不錯。還有一個西班牙海鮮飯沒拍照，也不錯的。