新興食家

Open Now

Now Closed

大家有冇發現西環都幾多傳統點心舖頭，今日終於拜訪到新興食家。🫡Weekend中午十二點幾黎到，已經要排隊等位。唔知有幾多係幫襯咗好多年嘅街坊，又有幾多係見到蔡生或其他foodie而慕名而來嘅食客，坐滿餐廳嘅，有一半係上咗年紀嘅老人家，有一半係廿幾歲嘅後生仔，仲有零星幾位外國人，呢番景象都頗為有趣。🤣做得好嘅傳統點心，又未必會好食到嘩一聲忍唔住拍手叫絕，但係樣樣嘢都唔會搵到太多挑剔嘅位，同埋絕對係百吃不厭。我諗新興係meet到呢個standard嘅。💯流沙包、炸鮮奶好似係最出名，果然又唔會失望。🫣其實我就第一次食炸鮮奶，估唔到口感咁特別，外脆內軟，好似係春卷包住牛奶布甸咁，但又唔會好甜。😋😋令我喜出望外嘅係，呢度仲有好多酒樓都失傳咗嘅傳統點心——鵪鶉燒賣同豬潤燒賣！不過相比之下，我都係最鍾意食最common嘅豬肉燒賣，哈哈！🤭新興入面嘅嘢好似都停留咗喺上個世紀咁——裝修、嗌嘢食嘅方式、點心紙、同埋伙記。每次有新鮮出爐嘅點心，姐姐就會大聲嗌，想食嘅人應聲附和。嗱嗱嗱，大聲唔代表冇禮貌，佢哋服務態度絕對夠晒人情味。🤪🤪

疫情下二人一枱，幫襯新興真心坐得舒服咗，呢間西環名店基本上樣樣點心都唔錯，好味在於人手製作，不過在眾多點心之中，我覺得炸鮮奶同鵪鶉蛋燒賣。老老實實，炸鮮奶真係要新鮮炸出黎先至好食，試過一次叫咗一件應該炸好咗一段時間嘅，真係麻麻地，不過如果大家係星期六日公眾假期去就好少有呢D情況出現。至於鵪鶉蛋燒賣，我就食過三次，我覺得個鵪鶉蛋蛋黃唔會蒸得太實(不過當然唔會有流心啦)，不過我都覺得OK，基本上出面好少食到鵪鶉蛋燒賣(點心專門店除外)。

如果你同港大/西環/舊式茶樓有任何關係既，你無可能唔識新興由幾個舖前就開始食再見佢轉幾個舖再俾人加租加到見報，終於係依個位叫做定左咁耐實在太好伙記同師傅都仲有好多係舊人，一齊感受下舊式茶既風味同美味！佢既點心有即蒸起既，定蒸起個刻賣唔晒放喺度既，即蒸起既就梗係會好味好多啦牛肉腸，由於啱啱蒸起，腸粉皮都好腍好味既，中上既味道蝦餃，佢既size係一口個隻，入口口感唔錯，笋味濃，味道幾好相對蝦鮮味較弱，不過都ok既黎得舊茶樓就一於食下鵪鶉蛋燒賣，好多新派飲茶都無lu賣相不錯，味道正常，鵪鶉蛋細細粒又濃味，夾埋舊腍肉係好適合做燒賣既好食在佢既風味，特別有感覺另外試左個元貝金菇餃，根本上係加入左金菇既蝦餃，無咩元貝味，都唔錯既，個相對，蝦餃會更好味最後到左勞蘇食推介 —— 炸鮮奶 + 鮮蝦菜苗餃炸鮮奶都真係好少食到，大良菜式，整得相當不錯唔會好厚粉，唔會好油膩，外脆，入面一咬就係甜嘅鮮奶口感一流，味道亦都好正，係一定要試既另外鮮蝦菜苗餃，食蝦餃食多左不妨一試，有蝦餃既蝦味、筍味，加返少少菜吊下味，口感再滑啲，係其實好正既個人覺得比蝦餃有過之而無不及(新興咋)唯一唔好處就係多人，又要等又迫，無得話

每次路過新興，只要難得冇人係門口等位，就直接入座。假日要食新興，有時一位難求，搭枱都唔夠座！平日嚟街坊比較多，係區內大家嘅聚腳點，有時搬走左嘅街坊都會返嚟，飲茶吹水。係一張五人嘅小圓枱，大家逼逼夾夾，將就一下。亦都會答下爹傾吓計，有時遇着一個人嘅街坊，唔介意會叫點心一齊食share食！呢啲就係小區嘅人情味，唔係依家嘅標準或者金錢可以去比較衡量。小店嘅服務，係雙向嘅你對人有禮貌時，大家都係客客氣氣，互相尊重。基本上入得嚟食嘅街坊大家都不拘小節！食物水準，比一般連鎖酒樓做得好，亦都有出面少見嘅傳統點心。西環飲茶以新興為首選！

呢間懷舊點心舖每日零晨3點出爐,香噴噴嘅蝦餃燒賣,流沙包,金錢肚等等成棟成棟咁拎出嚟俾客人自己揀,香味充斥住成間舖頭,真係諗起都肚餓😋😋住附近嘅街坊慣左夜瞓或者早起嘅話,不妨落去食返一盅兩件醫下個肚😌啱啱出爐嘅炸鮮奶外脆內軟,外面嘅脆脆層包住入面嘅鮮奶入口即溶,真係好正👍❤ ❆零晨就有得食點心嘅地方唔係度度有,好佩服師傅咁多年都早起身整點心俾大家,食得出每件點心都係用心製造,或者呢啲就係人情味💞

今日好姊妹生日，當然要一整天好好同佢過（一年只有這一天）佢好喜歡食蝦餃燒賣，所以同佢黎這間好出名材料豐富的點心店。雖然這間座位唔舒服又要搭枱，又迫又多人，但就因為食物好，所以環境怎樣都咁多客人，可見真的用心經營用心製作我們之後因爲會再食其他野，所以叫了4樣點心，全部都是見佢出就立即叫立即取，好新鮮喔！燒賣一籠4粒，黎到已經迫切夾入碗了！好熱辣辣又香噴噴，好大粒又彈牙！蝦好爽口、豬肉又香又有口感、皮薄，配上少少辣醬，更野味！金菇餃好圓潤又飽滿又大粒，皮好滑好軟、內面蝦爽又有金菇的爽及香，口感一流，姊妹超愛綿花雞魚肚好爽又入味，質素高；雞香又滑又入味；豬肉好爽好有口感！炸鮮奶一碟3大件，好好好味！剛剛炸起，要小心辣到，外脆內軟，牛奶好滑滑哦，又香濃牛奶味，軟軟的口感好好味呀下次要多點人一齊來試試更多美食哦

炸鮮奶好新式好有創意佢啲野泥到宜到無得唔試呢個味道有啲類似泡芙 但絕對係好食過泡芙因為新鮮出爐 一啖咬落去好香口而且泥個炸鮮奶外部炸到好鬆脆而入面就好香嫩鮮甜 絕對值得嘗試不過聽講唔係日日都有得賣嫁 睇你好無運啦筆者較好運第一次泥就有得食重點係好平好抵食 15蚊三個當小食同朋友分享都夠食奶皇流沙包泥到最出名既點心 入得泥基本上都會叫因為真係好好食同特別所以泥得一定要試皮薄餡靚 絕對係新鮮出爐入面啲料好足蛋黃之餘因為係流沙所以唔會膩而外層包鬆軟又易咬重點係呢個都係好平筆者叫完一碟都忍唔住再叫17蚊三個 夠平又可以食到啲出名既點心所以一定要試 今次就分享到咁多啦