新香園 (堅記)

Open Now

Now Closed

假期決定去深水埗掃街首站去左新香園份蛋牛治聽左好多年好出名但食物始終覺得要親身試吓呢！2pm 到係門口有人排隊了但轉枱同大家都食得快所以好快就有位門口餐牌一眼睇晒有咩食兩人點左蛋牛治烘底 $24沙嗲牛肉通 $27南乳豬手 （半份）$35可樂 $11————————-🐮🥪蛋牛治烘底$24最特別嘅位係佢係用新鮮嘅牛肉，蛋整得比較熟，如果追求滑嘅效果就未必啱啦，入面有小小花生醬嘅香味懷疑落咗🐮🥄沙嗲牛肉通 $27以今時今日個價錢嚟計真係無可挑剔，牛肉份量都唔少，但冇咩沙嗲花生味，個湯直程冇咩味，最特別嘅地方係佢會落蔥😂🐷✋🏻南乳豬手（半份）$35好軟腍，味道不錯，3嚿，但以價錢同份量對比返一碗粉麵豬手就比較貴了，見南乳豬手粉麵入邊有兩舊豬手$28下次就未必再嚟了，座位亦都比較逼夾，如果大份少少應該都會坐得唔係咁舒服，如果外區人真係想試嘅話會推薦外賣蛋牛治🫶🏻

吃野一定要吃好的，否則對不住自己，這間主打蛋牛治出名的，除了好吃，而且價平，你去M記都要這價樓上，何況人家用新鮮牛肉即點即做，單這點巳完勝雪藏，而且用料足，就算牛價升都不偷工減料，老招牌最值錢，之前加盟店做不下去因成本貴兼質量未可保持，我亦曾光顧九龍灣及荔枝角加盟店，可惜它們損手離場，有做飲食朋友應知道這樣制造成本不低，而且它只賣20多，外面租鋪計埋成本起碼要賣30樓上，証明老闆初心服務街坊。當然舊店環境差了點，可以去附近新店吃，價錢都只貴1塊，你知否新店地段月鋪租都近6位數，現只加1塊賣好野給你，收親情價還想如何？當然飲品可能較貴要彌補燈油開支，其實其他食品亦都不錯，因此給予好評

深水埗出名多街坊小食🤓其中新香園蛋牛治係🐻嘅至愛之一❤️佢嘅蛋牛治夠膽講一句係全港數一數二最好食💯當然就要介紹俾大家啦🥴🌟蛋牛治（烘底）💰$21（烘底+$1）麵包烘得啱啱好，保持到麵包本身嘅軟綿同時帶點香酥😚內裡係混合煎香嘅雞蛋🍳 & 碎牛肉🐂與一般茶記不同，呢度嘅蛋牛治係用新鮮牛肉打碎而成，唔係用罐頭鹹牛肉雞蛋煎得剛剛好，外邊焦脆，內裏軟滑✅一口咬落去，充滿著蛋汁、牛肉味🥰脆香嘅多士，配上濕潤軟綿嘅蛋牛好食到唔識形容🤤咁多年黎新香園嘅蛋牛治依然保持到高水準👍🏻大家有時行過都可以買一份當小食記得加一蚊要埋烘底😜包你食到舔舔脷😋————————————————————————

同相片說明一樣，西多士𥚃面無花生醬，食咗十幾年第一次見到，後來執枱提醒吓小二亞哥，佢話要花生醬要加$1，仲要落單前提出喎。。。。。$1唔係問題，問題係你無話知原來我揾咗你著數20年嘛.........佢真係當我新黎，我應該由2000年去高登copy碟開始幫襯到今日，也是緣盡的一日。。。。。。。最後一句 ”大不如前”

其實呢間鋪食過幾次都真係唔記得，每次必點蛋牛治，久唔久食下，唔會厭。.二十四小時經營，唔同時段都去食過，味道都係一如既往的好。.馳名蛋牛治 (烘底) HKD | 22呢個可揀烘底or no, 烘底加一蚊。烘底會比較脆 亦比較熱氣少少。蛋牛餡好香，牛肉切粒 同蛋融為一齊 ，超好味。.雲吞河粉好食到真係唔話得～ 雲吞入邊有成隻蝦 而且好新鮮大隻呀！.豬潤粉腸粥朋友食呢個 見佢入邊好多料 而且豬潤同粉腸都係好大舊 相襯之下 粥反而少d咁～.呢兩碗加d辣椒🌶️ 超級好味😋

冒雨去食蛋牛治烘底全店最好食若麵包新鮮，不需要烘底巳經好好食沙爹牛肉麵，牛肉香滑但份量略小奶茶的茶味不夠香濃鮮牛肉生麵，牛肉很多筋可能店舖太好生意，食物水準已下降。

星期 六的早上, 由於被安排了工作.  決定回公司前來一頓好的早餐.   之前每晚回家路上都會經過這不起眼的老店, 想不到原來內有乾坤.  趁周末不算趕的空檔,  試試食店 門面那白底紅字的"馳名蛋牛治".一坐下便點了一份蛋牛治烘底加熱奶茶, 不消5分鐘食物便已上齊, 有著另一家蛋牛治聞名的速度 , 卻沒有被催促的聲音.這份蛋牛治跟以前吃過的, 有很大不同.  以往都是一層咸牛肉一層蛋, 都是那罐頭式的咸牛肉味道, 但這份蛋牛治, 看上去是雞蛋與牛肉的完美結合., 咬下時, 還吃得出紮實的牛肉粒, 有少許沙爹牛肉的感覺,  是以往傳統蛋牛治沒有的味覺.   至於烘底與否, 完全是個人選擇, 但應不影響整份三文治的分數.奶茶的味道還可, 略嫌較為稀薄, 如再濃滑點更好.愛上舊區老店的格局, 那是一份來自生活, 貼地的討好, 未來在深水埗的日子, 要再多加發掘

今次係我第一次嚟新香園😆因爲朋友恥笑我嚟過咁多次深水埗竟然無食過🙈所以佢就帶咗我嚟食蛋牛治，我就懷著期待嘅心情去迎接我嘅蛋牛治～本身去嘅時候有成6,7個人係門口等緊😦我地就大約過多20分鐘再返去，返到去大約等咗5分鐘就入到去了。🚶🏻‍♀️🚶🏻‍♂️🔸烘底蛋牛治🔸（$22）叫咗3分鐘都無就好快嚟到😂👍🏻嚟到嘅時候熱辣辣😚 麵包烘得啱啱好，面頭脆卜卜但唔會好燶～ 牛肉唔會嚡，而個人覺得蛋多啲就好了🤤雖然唔係話好味到飛起，但我覺得一件看似簡單嘅蛋牛治可以做到咁，都幾有水準，值得一試👍🏻😊

適逢我真係好餓叫多左個雲吞麵,結論:請睇標題即叫即整,上檯速度極有效率熱辣辣既蛋牛治烘底既,口感真係無得彈,免治牛肉加蛋令到烘底食落唔會好乾口,十分滋味,而且非常足料。價錢方面都好親民,食到飽又好食都係$40幾蚊。提提大家,怕迫就唔好去食而且設有最低消費,每人最底消費至少HKD$20 (唔洗擔心好容易就過$20啦)新香園整體評分9.0 /10推介: 蛋牛治烘底(五分滿)老虎回頭率：🐯🐯🐯🐯🐯

原本想食腸粉，但太遲黎啦，人地已經收左鋪頭啦！臨時搵下周邊仲有咩好野食仲開緊門先，就搵到依一間啦。外面仲有幾張枱仔同埋煮生滾粥果廚房都係外面囉。見到咁夜都有好多人黎食佢，應該唔差掛！不過，老店衛生環境都會比較簡陋，不要太高要求。我地叫既全部都係牛，分別有「蛋牛治烘底」，「牛腩面」，「生牛肉撈麵」。招牌「蛋牛治烘底」當然好足料，滿滿的。「牛腩面」CP值超高，入味又便宜呀！超推介！「生牛肉撈麵」都好好食！很多人都點粥食，下次再試下先！！

最鍾意搵平嘅餐廳食野今次今次又搵到一間正嘅茶餐廳就系呢間位於深水埗桂林街嘅新香園上網睇咗好多關於烘底蛋牛治既推介黎到我緊系要試一試呢個蛋牛治真係超想讚呢一間餐廳佢哋嘅蛋牛治係超多牛肉，姐系食物足料呢樣應該是在深水埗食嘢嘅好處，極度邪惡嘅牛肉蛋多士，一定一定要烘底，牛肉蛋入口口感超juicy另外再叫多碗牛肉豬潤麵，不過呢度嘅牛肉豬膶公仔麵就麻麻哋，總係覺得差少少野，不過始終牛肉麵都唔係呢度嘅特色, 最好食應該都係個蛋牛治

The egg and beef sandwich was amaaaazing! I don't know how they do it, but the egg seemed like a scrambled egg and a fried egg at the same time 😱 It was like a scrambled egg because of the beef bits that were mixed into the egg, but it was like a fried egg because of the runny egg yolk. The sandwich was so juicy, I almost dirtied my shirt while eating 😂😅 The bread was slightly toasted, so the outside was crunchy, but the inside was soft 😍 I really liked the beef because it was cut into small pie

放假既一日 男朋友話好想食蛋牛治 我地就山長水遠黎到深水埗既呢間新香園食個早餐Menu南乳豬手麵 ($24)豬手睇落都幾吸引 色澤唔錯 但係食落就覺得唔夠入味 無想像中咁好食 不過值得讚既係d豬手整得好乾淨 有肉地煮得又夠腍個麵底鹼水味就比較重馳名蛋牛治 烘底 ($22)麵包烘到金黃色 唔會太脆又唔會淋 質感同口感都岩岩好中間個層蛋牛好足料 雖然無做到流心既感覺 但係個煎蛋煎到好有水準 牛肉分佈好平均 食落啖啖都係肉凍奶茶 ($17)黎得呢度揾食其實都要預左個環境係差d 迫迫地幾個人係張細圓枱 然後前後左右都係食客 張枱又無乜抹過 好多水漬食物殘渣 衛生真係差少少 不過好食就唔好諗咁多了 繼續係深水埗掃小食

放假想出下省城🥢，黎到深水埗既新香園，念念不忘佢既蛋牛治🥪🥪黎到門口都預咗要排隊，還好10分鐘左右有得坐👏舖頭係傳統茶記，大圓枱幾張，估佢坐到30幾人，但就坐迫少少，大家都係搵食啫，坐迫少少犯法牙？一枱三伙人，夾埋有四份蛋牛治😝😝打開偷窺🧐下個饀，厚厚既一層免治牛煎蛋🥚，咬落去牛肉平均分佈，每啖都體現到呢個蛋牛平衡👍👍重點係拱埋底個脆口包住啲蛋牛，越簡單既嘢食，越見心機💪💪豬手麵係另一明星，湯底正常🍜，麵少少淋，豬手炆到超淋，一咬就化開👍 佢個辣椒醬🌶️🌶️辣係慢慢滲出黎，係冬日下竟然可以食到標汗有少少新驚喜係杯熱啡☕☕ 香滑已經唔足夠形容，咖啡既苦澀完全無，但奶滑存在，咖啡醒神香味，係全無雜訊下傳到去喉嚨😮😮深水埗真係多正嘢，希望佢長做長有，水準保持👍

星期五的一天來到深水埗食好西，來到好多人都讚既蛋牛治。叫了肥肥的西多士& 烘低的蛋牛治。朋友亦叫了杯奶茶，她說奶茶真的很滑，滑過她雙手wo😂 我們是中午時段去的，蛋牛治真的不錯，有牛味，好有鑊氣，感覺這就是香港的味道，加上烘底多一番的脆口。 西多士厚度適中，是正的，加上濃濃的糖漿減肥症可以暫拋腦後。