Outdark (飛達商業中心)

Open Now

Now Closed

同朋友聚舊，大家心思思都想食炸雞，人多好辦事；點咗雙拼炸雞、海鮮煎餅、炸醬麵、烤牛肉炒粉絲、DIY rice ball雙拼炸雞揀咗甜辣味同香蒜蜜糖味，甜辣味世一！醬汁多，痴滿喺炸雞上面好惹味；除咗炸雞，仲會有炸薯Chips Trio伴碟，有齊薯格、薯條、薯塊，炸薯全部都有調味，淨食都已經好好食，係好抵食嘅一份炸雞！烤牛肉炒粉絲 牛肉份量多而且好入味，每人都分到幾啖食～海鮮煎餅呢個係自己私心點嘅，一直都好掛住韓國食到足料嘅海鮮煎餅，呢到嘅海鮮煎餅都好唔錯，煎得脆身而且好足料。炸醬麵 成日睇韓劇、綜藝節目見韓國人食得咁滋味，終於試咗！呢款咸咸甜甜之餘再加啲微辣，好好食喎！DIY rice ball 可以俾客人自己DIY將所有食材mix埋，再將佢整成一個個波，好玩又好食 呢餐大家好滿意，抵食之餘仲有韓仔職員添，哈哈。

韓國菜🇰🇷永遠都咁有興趣吃，精緻又好味，但要找到正宗嘅韓國餐廳都唔容易呀。最近好友去過OutDark旺角分店，食完讃口不絕，那我就係依間餐廳吃一吃特式嘅韓國菜啦🍴餐廳環境很好，覺得特別適合情侶去，門口佈置咗愛情鎖，睇韓劇時見過，入到餐廳裏感覺好浪漫，天花板掛上滿天星星，再加上柔和嘅燈光同韓歌，覺得自己好似係韓國🇰🇷一樣，極享受！餐牌上面有多款特式嘅韓國菜，包括有骨/無骨炸雞、芝士鍋、炒年糕、韓式煎餅、街頭炒粉絲、魚糕湯、紫菜飯捲、湯麵、小食、特飲等，種類都幾多。海鮮煎餅     $138薄薄一層煎餅，餅邊煎得香脆，咬落去鬆軟，內裡蘊含多款材料，有蝦、八爪魚、蜆肉、魷魚、京蔥等，鮮味十足，口感非常豐富，沾上自家製醬汁，味道更有層次感。烤牛肉炒粉絲     $103韓國製造嘅粉絲特別煙韌，爽滑彈牙，材料豐富包括有牛肉、蜆肉、八爪魚、蝦、金菇、雲耳、青紅椒等，鮮甜滋味嘅海鮮和蔬菜與粉絲好配，醬汁濃郁，但味道不會過鹹，調味啱啱好，太惹味啦！炸蝦飯捲     $88去韓國必食嘅紫菜捲，依度紫菜捲可以揀炭豚、炸蝦、Egg Kimbap，仲有新出嘅烤牛肉口味。我選擇炸蝦，餡料好多，有鮮甜蝦肉、濃香蛋

Outdark一直係韓國餐廳D first choice，分量同味道一直都好OK。不過，今次去到Outdark，價錢都加咗唔少，其實都正常嘅，今時今日出街食嘢一D都唔平。今次餐廳主題係櫻花主題，天頂掛住好多櫻花，好靚。Outdark Yogurt (Strawberry)，士多啤梨味好濃，同yogurt好夾，飲落唔會好甜，可以解膩。烤牛肉炒粉絲，烤牛肉一向係Outdark強項，牛肉烤得好香口，同埋份量都好多，牛肉食落好鮮甜。其他配菜都好豐富，仲有木耳，蘑菇等, 粉絲炒得好惹味，每一啖粉絲都包埋醬汁，好好味。辣炒豬肉鐵板，哩份鐵板勁豐富，有鳳梨，泡菜，紫菜飯，同埋半圈芝士粟米，中間辣炒豬肉仲有洋蔥和芽菜。豬肉用韓式辣醬一齊炒，食落好夠味道，好似去咗韓國食嘢。FD最鐘意食芝士粟米，仲撈埋紫菜飯一齊食，成份芝士粟米都比佢食曬。哩份鐵板真係超大，2個女仔食完真係超飽肚TIM。Outdark質素一直都keep得好好，以後會再encore！

位於二樓，中午去食冇乜人。睇到呢到D食評，大部分都係讚食物，彈服務，果然不出所料。去到餐廳門口，有圍欄圍住左個入口，入口有幾個𡃁妹，好似好為難咁討論左一陣，先問我地幾位放我地入去。等我仲以為佢咁爆棚，原來入面坐左10枱人都冇，仲有2/3係空位，完全唔知為難緊d咩。之後，落完單之後，我地話要2杯水，侍應哦完就算，5分鐘都冇反應。此時，有另外兩位客人入坐，居然馬上有水，我地提一提想要水，卻被無視。不過食物方面係唔錯。烤牛肉炒粉絲，HKD 98。細細份，粉絲唔多，不過有牛肉、洋蔥、木耳、菇、青椒，都幾多材料，而且洋蔥唔會好硬都幾好食。香蒜蜜糖炸雞，HKD 178。冇諗到有咁多伴菜，有薯餅、薯條、薯格。炸雞方面，係無骨炸雞，其實香蒜蜜糖味唔算好重，反而係另一種講唔出既秘製味。另外，有3款汁可以點，不過炸雞原本味道都唔錯，唔點汁都好食。值得一讚係我食咁多舊，好似都冇胸肉，唔會乾/鞋/死實實，所以好食。埋單加一後HKD 325左右。

每次睇韓劇，見到d主角食炸雞，就會挑起我想食炸雞既癮。雙拼炸雞 $192我地叫左個甜辣拼香蒜蜜糖🍯，一上枱，份量好足，佢仲有薯格同扭紋粗形薯條。炸雞都嫩滑，醬料都多，基本每一啖肉都食到醬料既味道。最重要就係無骨，岩哂我呢d懶人唔駛吐骨。甜辣就唔算好辣，配合番香港人既口味。烤牛肉炒粉絲 $98佢個粉絲好爽口，而且上枱時d粉絲唔會變成一餅野咁。牛肉份量都唔少，配埋韓國麻油，好香，但又唔會好油膩既感覺。Blue Lemon Ade & Grapefruit Ade $34杯Blue Lemon感覺就係一杯檸檬🍋梳打，上枱係藍色，好靚。Grapefruit就係一杯西柚梳打，都可以，唔算太甜。前菜（酸蘿蔔、醬油、醬汁）佢幾貼心，上枱既前菜碟會有你炸雞點既醬汁，等你食炸雞時，唔夠醬汁時可以點。一邊食炸雞一邊食酸蘿蔔，可以解下熱氣既感覺同消滯，而且同韓國一樣，可以Encore前菜。佢張擦擦卡🔴🔺🟥設計配合番近排個套熱門韓劇🦑，每人一張，睇下自己擦中咩優惠。我地就中左兩杯免費飲品，下次黎食可以用。

疫情下真係好耐冇去過旅行喇，連最愛既韓國都差唔多兩年冇去到， 為左一解相思之苦，今次就係旺角搵到間好有韓國風味既餐廳，好近地鐵站，超方便嫁！😌Outdark唔止店內環境有韓國feel，食物都整得好地道嫁！係韓粉真係要黎試下！😆😋海鮮炒年糕 $328炒年糕係韓國街傳戶曉既地道小食，口味會偏辣，Outdark好貼心咁改良左適合香港人口味既辣椒醬，可以揀normal辣或很辣，真係岩晒我呢啲唔太食得辣既人！😍一上菜，大大隻既魷魚真係好eye catching!打卡一流！ 仲有店員好貼心咁幫我地剪成細細舊先食，岩晒各位lady啦！炸粉夠薄，炸到卜卜脆！但入面既魷魚就仲係好彈牙爽口！係咁濃既醬汁味入面都食到魷魚既鮮甜～好正呀！😋😋海鮮唔止得一樣， 仲有蜆，細細隻但鮮味十足，都唔錯嫁！🤓最重要既年糕，夠晒煙韌，我就中意加埋啲溶左既水牛車打芝士黎食，好香既芝士味加埋煙韌既口感，冇得輸啦！😛😛旁邊仲有啲泡菜、菠蘿片、紫菜飯，食完都真係幾飽！😌😋烤牛肉炒粉絲 $98呢碟牛肉比我預計既更好食！ 牛肉切得薄，但完全唔會韌，而且加埋啲麻油味好香，可以襯托到牛肉味出黎，正呀！粉絲都好高質，係粗粉絲咬落好有口感又彈

日式嘢嘅黃店香港就多喇，韓國嘢嘅話數嚟數去都係嗰幾間，喺旺角同尖沙咀嘅outdark就又正宗又高質又好feel😝😋 串串魚糕湯 $198😋 烤牛肉炒粉絲 $98😋 炸蝦飯捲 $88😋 Mango Ade $34😋 Blueberry Smoothie $45呢次我哋嘅選擇簡直係清淡唔熱氣之選，無叫佢哋最出名嘅炸雞同炒雞之類嘅菜式。以前去韓國旅行食得多燒肉炸雞都會想有一兩餐食清淡啲，所以真係好掛住個魚糕湯🥲 呢度有所以我哋就嗌咗啦，串串魚糕湯除咗魚糕之外都仲有好多料，有粉絲、年糕、金菇、白蘿蔔、獅子狗、鵪鶉蛋等等， 當清清地打個小邊爐都幾過癮～烤牛肉炒粉絲應該係三味之中比較濃味嘅菜式，開頭睇落覺得有啲細碟，同埋好似無乜牛咁，但原來藏咗喺底，食吓食吓都覺得幾多😆 牛肉好多塊，好大塊同好入味，又係食到停唔到口！韓式飯捲又係韓國菜必食之選！就係鍾意韓式飯捲入面好多唔同料嘅感覺，有黃瓜、青瓜、甘荀、蛋同炸蝦，好多味道撞埋一齊真心正😗