Jacky's Kitchen (Closed)

島區西餐廳臨立, 好似銅鑼灣, 大坑, 上環等地更加係多不勝數... 要突圍而出, 談可容易今晚慶祝友人升職, 也做多一點功課, 搜索有咩特式小店值得一試! 當然銅鑼灣及大坑又太貴, 上環又太遠, 但天后區就有一家<Jacky’s Kitchen>可以滿足我要求地鐵站步出都係行6分鐘左右, 步入小店即有一種復古味道, 仿如回到中世紀歐洲看過Menu, 喜見Set Dinner價錢適中, 款式也夠多, 選擇困難症的我未能即下決定, 店員就先送上餐包自製鵝肝醬配焗多士:多士焗得脆脆, 熱騰騰的, 適時天氣始涼, 立即暖在心頭; 鵝肝醬口感綿細且柔滑, 滋味鮮美香醇, 餘韻悠長, 非常迷人在左思右想底下,就我就要了以下的晚餐組合扒帶子配田園沙律:沙律的醋是自家調配的, 比一般市面上的酸度較低, 與田園沙律的清新, 合作無間; 帶子輕輕煎了外層, 但中間保留了帶子的新鮮原味, 吃起來有雙重感古法龍蝦湯:龍蝦湯非常足料, 內有龍蝦肉, 濃湯底下又來一個口感十足的力作芝士煙肉菠菜焗生蠔:相對來說係成晚較為失色的一環, 芝士未夠濃, 但煙肉很有咬口, 菠菜及生蠔也很新鮮, 四樣食物合

上個月結婚周年，冇特別去慶祝，今個月叫做得閒返d就去食餐好啦!記得之前同朋友黎呢到試過，味道同服務都好好，今次就同老公黎啦餐廳細細，只有七張枱，數數手指一共有26個位餐廳賣既係一個5 courses set dinner(價錢由$318-$448)，當然 a la carte 都有。一黎到餐廳職員就好細心講解個menu，仲會為客人安排餐前小食，但係其實個小食係一D都唔小，講緊係鵝肝醬多士，鵝肝醬既分量都好多，而且好香滑。講返個5 courses set dinner，沙律我叫左香煎鵝肝沙律，上次食過好好味，今次要再食，一黎到見到個分量，好大既一碟，塊鵝肝好大塊，煎到金黃香脆伴埋一片萍果黎食，一d都唔油膩。個沙律菜好新鮮，超清新!湯方面我叫左個蟹肉南瓜湯，南瓜味好濃，有部分南瓜仲係切到細細粒，好有咬口，另外，蟹肉都好多，而且好鮮甜。再配左個芝士煙肉菠菜焗活蠔，雖然只係得一隻，但係隻蠔好肥美，出面食既焗蠔，焗完之後多數會縮細左，但呢到完全冇呢個情況出現，個汁好香濃，就連d菠菜都好好味。主菜方面我叫左個烤紐西蘭羊扒($378)，一客有3件，個羊扒好嫩好稔，好多肉汁，超juicy，伴碟既薯波同

1222，還記得我在朗豪坊向妳說的那句話嗎？一周年紀念日，不巧撞正冬至，所謂冬大過年，晚上要各自回家做節，沒選擇下，我倆決定在這特別日子放半天假，到天后的 Jacky’s Kitchen 吃個午餐，其實沒甚驚喜，但只要身邊有妳，幹什麼也是一件樂事。餐廳環境不大，座位不多，兩邊掛滿油畫，加添了幾分格調，感覺和橙樹相近，真有點異曲同工。餐廳由 12 月 21 至 27 日提供 3-courses 聖誕節日午餐，主菜選擇不少，價錢由 $78 至 $158 不等，豐儉由人，。先來的是餐湯與蒜蓉包，妳選擇了法國洋蔥湯，將一片蒜蓉包浸在湯內，再放上乳酪，賣相正宗，洋蔥炒至軟身，只略嫌咸了少許，應該是鹽下得重手了；我的古法龍蝦湯則充滿蝦子的鮮味，龍蝦肉也算爽口，唔知點為之古法，但味道絕對滿意。跟湯的蒜蓉包一共四片，聞落幾香，但一入口就發覺皮有點韌，並不脆口，幸包心仍算軟熟。主菜方面，我點了金牌炸豬扒 ($78)，伴碟有香橙西柚沙律，十分醒胃，豬扒蘸上麵包糠後炸至金黃色，外層雖然不算鬆脆，但勝在入口沒有油膩感覺，肉質有點咬口而不偏淋，沾些沙律醬吃美味，送飯就更加稱心。我喜吃羊，幸運是你不怕那股羊羶味