Bellevue Bar and Grill (Closed)

剛剛的假期，去左油麻地呢間無敵靚景色既西餐廳食晚飯，當然拎返個窗邊位狂影相😆 由於都接近冬季，所以下午6點去到，其實都睇唔到日落，已經係夜景啦🌃 不過都幾有FEEL，餐廳既窗邊掛有一個波波狀既射燈，化身點點星光點綴..我地叫左2份主菜、1份前菜、餐包、甜品同2杯cocktails! - 美國特級安格斯牛柳 Grilled U.S. Prime Angus Tenerloin牛柳既肉質好軟腍，肉味濃郁，好juicy，完全係入口即溶🤤 呢度既招牌算係牛啦，所以牛扒同牛柳絕對不錯!! 然後我想講佢既薯蓉我勁鍾意食，好幼滑好creamy，應該加左奶煮，奶香味濃..- 烤虎蝦伴香草醬天使麵Grilled Tiger Prawns with Pesto Angel Hair Pasta開邊虎蝦好爽好鮮，而且都幾多肉；香草醬本身係草青色，所以撈落意粉度，會變左青色意粉～天使麵，吸收左香草醬，好入味，好香口，但又唔會太漏，幾清新！.- 蟹肉周打湯Crab Meat Chowder呢個湯幾特別😌 唔會好似龍蝦湯咁重口味，屬於清清地既湯🦀 有絲絲蟹肉，由於話明係周打湯，有用薯仔打既湯，加上忌廉，好crea

黃昏想搵間有情調嘅餐廳食西餐，openrice見到呢間裝修幾靚有落地玻璃，就嚟食燭光晚餐😋上到嚟真係冇失望，餐廳大部分位置都係窗口位，可以一路食一路睇景👍🏻餐廳食物選擇多，可以㨂set dinner,單點,甚至vegetarian menu都有😆今次兩個人就一日叫咗個main course，每個main course都會送餐包，特別一讚餐包係暖嘅！叫咗西冷安格斯牛扒五成熟，配菜幾新鮮，有炸茄子同蕃薯條😍另外亦有芥末醬可以點嚟食，不過個人覺得就咁食已經好有肉味，油脂位也好香，唯一就係煮得偏熟，食落感覺唔只五成熟，想食生啲嘅朋友要留意吓另一個mains係虎蝦青醬天使麵，裏面加咗好多芝士，醬嘅味都好出😚飲品選擇都好多，酒精同非酒精飲品都有，叫咗杯fruit punch好足料，有唔同水果最後就係試餐廳極力推介嘅心太軟，朱古力味好濃，另外伴碟唔係平時嘅雪糕，而係parfait，特別加分😛香濃朱古力漿加返柚子嘅清新，味覺上平衡返😆整體嚟講，餐廳食物水準、環境同埋服務都唔錯～好啱慶祝特別日子嚟再戰😆

虎蝦香草醬天使麵可能係第一道餸先入為主，虎蝦首先嚟到，就覺得佢最好食～同事係最肚餓吖嘛天使麵唔會太過「林」，香草醬味道又啱啱好，唔會濃，主角虎蝦肉質鮮嫩彈牙，朋友食完簡直話係「感動口腔」😂 廚師十分之細心，將虎蝦切到非常之容易折殼，用刀叉就可以簡單將肉分離。烤白鶬胸伴牛乾菌伴意大利飯對比之下，呢個最後一道上菜，就可能因為太飽嘅關係，已經覺得有啲飽飽濟濟，唔係太食得落；加上本身意大利飯幾重味。不過飯粒均勻，唔會太黐、好有香味。我相信如果肚餓食、味道會更加出。不過，客觀來講，白鶬胸本身脂肪唔夠，所以好難燒到juicy 🤔食落有啲乾身，咁就見人見知啦🤔烤美國特級安格斯肉眼伴牛油焗蘆筍薑味照燒汁Medium ～ 廚師火候都掌握得幾好，的而且確切開嘅話，見到肉質一半啡色，一半粉紅色👍🏻 雖然所講嘅薑味照燒汁嘅味道就唔係太突出，不過店員就俾咗黃芥末我哋，我同朋友都覺得黃芥末好似味道仲夾啲😂 雖然脂肪唔係超級多、肉質都唔黐牙，有豐富肉味😛燒銀鱈魚🐟當然，點講都好，香港人始終都係鍾意食日本嘅西京燒銀鱈魚😂😂 不過呢間都算處理得正常，但味道就唔係太獨特具特色。Margarita 對新手上路嘅我來講，呢杯

母親節唔知食乜好，係OpenRice見到呢間法國餐廳做緊promotion，有得訂枱仲有折仲要幾靚仲要就腳就即刻訂左張枱😍餐廳係旺角市中心頂樓，風景就唔係話好多野睇，但餐廳入面嘅裝修都算幾靚，牆身都油上充滿法國色彩既畫，算幾滿意😌Order左冇耐佢上左個餐前包，麵包都仲有餘溫，但重點係佢個香草牛油，非常之香滑，食落又唔會有平時個種牛油既油膩感，些少細節都幾surprise👍🏻先來嘅係兩款小食，第一樣就係個Nachos，些到黎個下個Nachos係熱辣辣😍食落香脆，好少可會食到熱Nachos，個醬同個芝士都幾夾不過醬既份量就少左d，食到中間同底就冇乜醬可以點，略為扣分☹️第二樣小食就叫咗個松露薯條，上到枱都幾失望因為松露嘅份量真係少得可憐，個人唔鍾意食茄汁來講真係同齋食薯條冇分別，成樣嘢食嘅設計都好有問題🤨黎到主菜嘅部份，第一樣係豬仔骨，分量唔算好多有大概八條，不過質素搭救，淨係用刀切骨肉已經分離哂，肉身都非常嫩口，調味就正常水準，正👍🏻第二樣就係香草醬天使麵，隻蝦唔會話太老都仲幾彈牙，面身都夠淋，至於個醬，香草醬陣草味都幾濃，可能有部分人會好唔鐘意不過我就幾滿意，好似真係有用草整個汁咁，鐘

講到識飲識食，其中一隻飯腳麵包班同學仔Ivan兄佢比我堅識食，仲識煮，所以，見有一家主打乾式熟成（Dry-Aged）牛扒嘅餐廳「Bellevue Bar & Grill」新開業，大家都非常有興趣一試，搵咗晚大家嘅老婆都各自有局，相約嚟「撐枱腳」，講吓飲飲食食、旅行嘢。餐廳位處油麻地「譽發廣場」23樓，離地鐵只喺一街之隔，交通非常方便。而餐廳兩面都喺落地大玻璃，對出都未有高樓遮擋，雖然只喺一般嘅樓景，但日頭嚟相信景觀開揚，就算晚上嚟，亦有種居高臨下嘅感覺。一出電梯時，餐廳門面喺大大張牆畫，畫有帶闊邊帽嘅淑女之外，旁邊仲有獅子山及香港高樓大廈嘅剪影，心想，內裡會唔會帶種俏皮嘅風格？但入到店內，都仲有幾幅同系列嘅牆畫，不過，一室幽暗嘅環境，配以精緻嘅水晶球吊燈，極富氣氛，亦睇得出晌裝修上花咗唔少功夫。此外，算喺餐廳嘅中間位，設計咗一個巨型酒吧位，加上特別光效，背後又陳列出一支又一支餐酒，喺幾搶眼。若非友人剛剛病好，否則，佢一定點番杯紅酒嚟襯番啲牛扒。但有少少可惜，晌呢處並未設有只供客人淺酌嘅吧位，或許，店主喺想客人就算嚟飲幾杯，都想佢哋坐晌餐椅上舒服啲。但講到啲餐椅，喂！真喺舒服喎，唔單單喺