Cafe Fabulous

Open Now

Now Closed

呢期好多食肆都仲做緊外賣自取優惠，上app望吓附近餐廳，呢間買滿$100已經六折！太吸引！立即落單，轉頭就上去拎。佢個二人套餐由原本$318 ，減到變$190 ，真係太抵了。首先小食揀咗芝士雞翼，有三隻都幾肥美，加埋芝士汁喺面頭，好味呀。主菜有焗自家製芝士肉醬意粉，芝士都幾多，撈埋肉醬，味道一流！意粉都幾入味。仲有一個芝士白汁焗鴨胸意粉，都一樣有啲芝士係面頭，鴨胸都好味，相比之下我就鍾意肉醬意粉多啲。二人餐仲包兩杯飲品，要咗一杯凍熱情果紅茶和凍蘋果綠茶，好大杯又夠凍，唔錯。上到嚟先發現，呢間Cafe其實都幾大，左右兩邊唔同style，可以坐好多人，有機會再過嚟先。

旺角其實好多唔錯嘅Cafe，今日就介紹下位於登打士廣場9樓嘅Cafe Fabulous。餐廳有兩邊，一邊就2-4人枱為主，另一邊就梳化為主，互動性較高，仲可以坐多啲朋友仔。所以訂座前要留意返喇。我今次就點咗蜜糖芥末雞翼、焗自家製芝士肉醬意粉、日式咖哩炸蝦天婦羅飯。蜜糖芥末雞翼好正，蜜糖味好夠，再加埋芥末醬，非常之味。雞翼又煮得剛剛好，嫩滑之餘又有肉汁。焗自家製芝士肉醬意粉亦都好好味，肉醬好香，再加埋面頭嘅芝士，真係無得頂。肉醬份量剛剛好，食到最尾唔會只得返意粉/肉醬。日式咖哩炸蝦天婦羅飯，飯用咗珍珠米。因為係日式咖哩，所以唔會話好辣，咖哩味好甘香。天婦羅蝦雖然睇得出係買現成嘅嚟炸，但都好好食，唔會炸過龍。

兩人同行揀左Set for Two，可揀一個小食兩人share，兩個主食同兩款甜品。芝士雞翼（6隻）其實係炸雞翼，面頭淋左啲芝士醬，成碟好夠味，餐前開一開胃。焗自家製芝士肉醬意粉份量好夠！肉醬好濃，肉碎比例好多，食落有一陣肉桂葉嘅香味，睇相都知鋪面嘅芝士好多，啱晒芝士控。芝士雜菌意粉個汁好重忌廉味，麵撈埋幾款唔同既菇有啲咬口，面頭仲有好大pat黑松露醬，但係黑松露味就唔算好出。甜品就揀咗法式焦糖燉蛋同埋比利時窩夫。燉蛋都幾滑，面頭嘅焦糖脆脆地又唔會太燶，比利時窩夫上碟時熱辣辣，要係上面啲cream熔之前ko佢😎 淋面嘅朱古力醬都幾香。