港久新街

Open Now

Now Closed

已經好耐冇去過大排檔嘅餐廳食飯，成日都覺得比較污糟，不過見到呢間新開，裝修又幾靚就嚟試吓。叫咗幾味餸全部都幾唔錯，好驚喜，而且價錢都好抵，發現咗間好店。試咗幾個菜，最鍾意就係十大招牌嘅香酥脆皮牛肋骨同懷舊雞蛋焗魚腸😋😋😋香酥脆皮牛肋骨🍖🍖（食左一半先記得影🥲）菜如其名，真心超級脆口，外脆內軟淋😋本身都驚中間啲肉會有啲乾，但完全唔會之餘仲好有肉香。最驚喜係個汁，帶少少酸味，好得意記得要趁熱食。懷舊雞蛋焗魚腸是香港大排檔都少見的菜色，都係我第一次試😉比想像中更有特色。一啲都唔腥，仲要好鮮甜，下次必叫🙈🙈仲有啲其他菜都唔錯，辣子雞夠香口好好食，燒茄子有蒜香，冇中伏，可以有下次😂埋單有85折，計返好平，同埋有新張優惠，幾抵食👍🏻

見到依間新食店開幕又可以訂位又可以有85折、所以早兩日訂左位試試！坐底點菜、點左幾串串燒、一碟炸大腸、一碟焗魚腸、一碟花生雞腳、兩枝汽水！要讚：焗魚腸-勁足料！好食！多魚腸！花生雞腳：夠林！入味！$68大大碟汽水：好難得$12枝仲配冰底！值得一讚！串燒雞肝：燒得岩岩好！外脆內軟要改善：炸大腸：雖然一碟兩味、一邊炸一邊金沙大腸、但傳統炸果邊唔夠脆！我自己屋企氣炸都比他更脆！串燒墨丸：收得$28串、但竟然得三粒一半既墨丸！會不會太孤寒？食夠$100有一張擦擦卡！我擦到$50優惠卷同食物優惠！下次可再幫襯！埋單發生小插曲、發現多左$1000！解釋係職員錯手入錯單！希望其他食客不會再發生！最後老闆都好好、打左八折比我以示謝意、兩個人最後埋單$360幾！係抵食既！下次會再幫襯！因為可以同朋友舒舒服服傾計都無限時！