PizzaExpress (Closed)

因為「亞洲萬里通」优惠, 惠顧主歺牌美食滿500元便可免費享用精選葡萄酒兩杯或自選菜單bruschetta前菜一客,所以特意前來一試,不過整歺飯味道一般,沙律十分難吃,只有焗麵包球略為出色,不過很大程度都是醬汁吸引,至於侍應推介的特大餃子pizza只有外型得意,內裡不是太好吃,因為配菜很多麵包,整歺飯給我的感覺就是包麵包,麵包,麵包

想食焗麵包球所以決定來呢度食lunch要1個pizza set同埋1個pasta setpasta來左先是日pasta:芝士蓄茄表通粉聽落同睇落好似好寡試下先~~又幾好食喎!嘻嘻!好fresh又有d芝士ge香味, 唔會好淡配埋個沙律都幾夾成個pasta好清新, 雖然有芝士香但唔會覺得滯好食pizza揀左松露菌薄餅拼沙律嘩!!好香呀!食落d菇味出晒來d芝士ge分量岩岩好,唔好覺得好heavy好滯雖然個pizza味道算重但再配埋個沙律好清新,真係好滿足跟住就係焗麵包球啦!!為左佢而來ga嘛好好食呀!!!!!!同nutella真係絕配!不過上次係尖沙咀食好似焗得靚d今次個麵包球有d硬,可能焗耐左...好啦, 下次再來食lunch set

話說過了年半有多的大學生捱，卻未認真嚐嚐學校附近的心水食店，尤以這個迷宮般的商場。是日，難得同學大家沒有下午堂，便一行人來到商場頂層的薄餅餐廳用膳。(談到商場其樓層設計及命名蠻特別，連UG及LG樓層也出齊，但對比起某樓盤的平台層與5樓的設計，已不算什麼)剛踏進午膳時段，餐廳內已見坐無虛席，很來的客人也只好苦等，當然也包括我們呢。約莫半小時的煎熬後，終於給安排入座，也立刻採用以意粉套餐再散叫幾個大薄餅，務求能在味道與份量方面能滿足一班飢餓的學生。焗麵包球&磨菇3選1當中的前菜，分別叫了麵包球及磨菇。亦附上牛油,香草同蕃茄醬，塗上牛油蠻依舊香口，其餘兩種雖富味道但油膩感蠻重的，但個人還日比較喜歡什麼也不點，麵包球本身味道已夠香脆。另外那磨菇也是必吃的，每一口都充滿那菇香且那汁液豐富。帕爾馬薄餅意大利乾火腿片上灑滿ricotta及Parmesan芝士，薄餅選用了薄批厚度，咬下一口香脆薄批及那豐富的配料，口感味道十分飽滿。火腿片那鹹味與那芝士香味很搭擋，與另一份帶甜的填鴨薄餅正好來個相反，另外的蕃茄醬也令味道更討好。肉醬意粉以蕃茄及肉醬來混搭意粉，簡單而紮實的配搭，意粉麵質適中，沾上蕃茄肉醬來

星期五晚，EXP和Simplylife Bakery Cafe都大排長龍，唯獨PizzaExpress 不用等位，馬上決定在此吃晚飯。兩個人選了家庭套餐中的「二人世界」餐，價錢合理，只需$328便有以下食物～水：點菜後，侍應主動問要暖水或冰水，服務尚可。焗麵包球($49)：果真是必食之選。小小的麵包球很香軟，蒜蓉牛油很滑卻沒有蒜蓉味，乾蕃茄醬沒有酸味或蕃茄味，感覺較像XO醬，而Genovese香草汁很濃郁，三種配醬總有一款能滿足你的食慾。雞肉沙律($109)：套餐可選任何一款沙律，我們選了雞肉沙律，可能因是套餐關係，沙律沒有配上烤麵包條。沙律上橙色和紅色的是烤燈籠椒，沒有辣味兼很有水份，部分雞肉切得很薄，有如火腿片，青菜、車厘茄都很新鮮，配上招牌沙律醬，其實很美味。唯獨那羊奶芝士實在超羶，連吃慣羊的蘇珊都不太接受，下次我們會留意不點有羊奶芝士的食物。埃特納薄餅($130)：套餐包一款意粉或薄餅，既然是PizzaExpress，當然要吃薄餅啦！不好辣的蘇珊竟然點了有辣紅椒和辣肉醬的薄餅，真「捉蟲」。對我來說，薄餅不算辣，很惹味和香脆，襯熱吃，味道更佳。貴族朱古力蛋糕($60)：套餐包一款

男朋友生日, 一早訂定位食dinner, 當日下晝有打來confirm booking 訂了位的關係, 完全不用等候, 被安排到 '室外位'坐, 環境頗舒服的, 只是枱和枱排得很密, 很容易聽到鄰座的對話, 空間闊一點會較好。點了二人餐, 有2 drinks, bread, salad, pizza/ pasta, dessert, 選擇頗多, 我們選了:焗麵包球賣相吸引, 麵包球很香, 煙韌, 配有3款醬料, 十分好吃 雞肉沙律份量頗大, 感覺很新鮮, 味道不錯松露菌薄餅第一次吃這麼特別的pizza, 味道出奇的好, pizza不會太乾, 有很多醬汁和芝士, 很香菌味, 本人十分喜歡cheese cake配XTC雪糕球這個一般, 芝士味不算濃, 雪糕好吃~食物的賣相和味道都很不錯,上菜速度快,服務亦不錯, 由於是星期日的關係, 訂位的時候已說明要交枱的時間, 不過當日完全沒有催趕~開心自己沒有選錯餐廳, 很滿意的一餐生日飯, 希望男朋友喜歡

係團購網站用$60買左$120消費券. 本來以為可以食lunch用,點知買左之後睇清楚先知只係晚市用. 七點去到有八成人,都算多. 原來座位十分迫夾,檯與檯之間一隻手掌距離都冇,講咩都聽到哂,仲嚴重過和民,所以男朋友坐得好唔舒服. 好在黎之前做過功課,心目中已知道點咩,大約$120那那臨用左佢,快d食完快d走. 其實食物都唔錯,服務都幾好,一大班人黎比較適合,因為食物份量都唔少.焗麵包球 - 細細個,熱辣辣,幾軟熟,都有麵包香. 醬汁係蒜蓉同香草,另有牛油. 可以,不過唔值$46!烤雞肉薄餅 - 新鮮熱辣焗出黎,餅底脆,但唔夠芝士. 茄醬有少少辣味都ok,但洋蔥亦切得太幼,焗到乾哂食唔到香味. 雞肉都唔望有咩質素. 唯一可取就真係夠熱夠脆! 所以一定要即刻食. 原來兩個人食幾個包仔同pizza已經飽哂,好彩冇再點其他野. 見隔離檯食二人餐($308)個pizza細好多. 所以唔食套餐都係要人多先可以試多幾樣野!!食飽飽睇下個甜品/飲品牌真係笑左出黎!!!! 力嬌!!!! Oh no!!! 卡卡卡卡!!

朋友生日, 因為有小朋友, 所以揀左pizza, 諗住小朋友一定岩食 小朋友一黎到, waiter好醒目咁拎左個兒童餐menu俾我地, 雖然一個小朋友餐要$78, 不過我地都無叫到, 因為呢個小朋友乜都食, 唔駛特別叫小朋友餐除左兒童餐menu, waiter仲俾左張貼紙同圖畫簿俾佢, 張貼紙仲有英文教學, 小朋友見到超開心! 如果都唔岩, pizzaexpress仲有汽球, 帶小朋友黎食真係唔怕攪佢唔掂! 講番是日晚餐, 我地四個大人叫左個家庭餐, 包一個麵包頭盤, 一個沙律, 一個意粉, 一個pizza, 四杯野飲, 兩個甜品, 四大一細應該唔夠食, 所以後尾叫多左個pizza焗麵包球: 做左功課, 見到人人讚, 所以棄蒜蓉包叫左焗麵包球, 一黎到, 小朋友好鐘意食, 醬汁有三種, 應該係牛油, 檻欖, 酸甜, 一口一個既麵包球是幾好, 但我覺得未算好好味, 大部份小朋友食左, 所以我只試到配牛油, 牛油就好像牛油麵包一般正常, 有機會再試其他汁吧 蜜糖雞肉沙律: 餐係無寫明可以叫幾貴既沙律意粉, 其實係餐牌上既都可以叫, 所以叫貴d既係抵d的 跟餐係無麵包球的, 散叫先有, 始終