Video
Read full review
2010-05-14
64 views
朋友生日, 因為有小朋友, 所以揀左pizza, 諗住小朋友一定岩食 小朋友一黎到, waiter好醒目咁拎左個兒童餐menu俾我地, 雖然一個小朋友餐要$78, 不過我地都無叫到, 因為呢個小朋友乜都食, 唔駛特別叫小朋友餐除左兒童餐menu, waiter仲俾左張貼紙同圖畫簿俾佢, 張貼紙仲有英文教學, 小朋友見到超開心! 如果都唔岩, pizzaexpress仲有汽球, 帶小朋友黎食真係唔怕攪佢唔掂! 講番是日晚餐, 我地四個大人叫左個家庭餐, 包一個麵包頭盤, 一個沙律, 一個意粉, 一個pizza, 四杯野飲, 兩個甜品, 四大一細應該唔夠食, 所以後尾叫多左個pizza焗麵包球: 做左功課, 見到人人讚, 所以棄蒜蓉包叫左焗麵包球, 一黎到, 小朋友好鐘意食, 醬汁有三種, 應該係牛油, 檻欖, 酸甜, 一口一個既麵包球是幾好, 但我覺得未算好好味, 大部份小朋友食左, 所以我只試到配牛油, 牛油就好像牛油麵包一般正常, 有機會再試其他汁吧 蜜糖雞肉沙律: 餐係無寫明可以叫幾貴既沙律意粉, 其實係餐牌上既都可以叫, 所以叫貴d既係抵d的 跟餐係無麵包球的, 散叫先有, 始終
小朋友一黎到, waiter好醒目咁拎左個兒童餐menu俾我地, 雖然一個小朋友餐要$78, 不過我地都無叫到, 因為呢個小朋友乜都食, 唔駛特別叫小朋友餐
除左兒童餐menu, waiter仲俾左張貼紙同圖畫簿俾佢, 張貼紙仲有英文教學, 小朋友見到超開心! 如果都唔岩, pizzaexpress仲有汽球, 帶小朋友黎食真係唔怕攪佢唔掂!
講番是日晚餐, 我地四個大人叫左個家庭餐, 包一個麵包頭盤, 一個沙律, 一個意粉, 一個pizza, 四杯野飲, 兩個甜品, 四大一細應該唔夠食, 所以後尾叫多左個pizza
焗麵包球: 做左功課, 見到人人讚, 所以棄蒜蓉包叫左焗麵包球, 一黎到, 小朋友好鐘意食, 醬汁有三種, 應該係牛油, 檻欖, 酸甜, 一口一個既麵包球是幾好, 但我覺得未算好好味, 大部份小朋友食左, 所以我只試到配牛油, 牛油就好像牛油麵包一般正常, 有機會再試其他汁吧
蜜糖雞肉沙律: 餐係無寫明可以叫幾貴既沙律意粉, 其實係餐牌上既都可以叫, 所以叫貴d既係抵d的
跟餐係無麵包球的, 散叫先有, 始終係沙律, 雞肉比較少, 是"鞋"的雞肉, 蜜糖唔係煮雞的, 只是沙律的汁, 配料仲有茄子, 沙律菜會是有味菜, 所以如果唔受得的話呢個沙律應該食唔到, 個汁幾好味, 加上少少杏仁片之類, 我覺得幾好
茄汁海鮮意粉: 幾多海鮮, 有蝦, 青口, 魷魚等, 反而意粉好快食晒, 食到最後只得海鮮, 可見餸既份量, 海鮮幾新鮮, 蝦 & 青口不霉, 好味
parma pizza: 因為去完歐洲, 所以叫呢味用parma ham既pizza懷念一下, 喜歡佢既薄餅底+原size ham, 薄薄既餅底但啖啖肉, 很好味
芝士是另一殺著, 用左兩隻芝士 (一隻普通芝士, 一隻水牛之士) 既pizza, 好配合parma ham既咸味, 推介
輕盈煙三文魚pizza: 追加的pizza, 另有一款唔輕盈的, 對過menu, 唔輕盈既最大分別應該係多左一樣芝士, 而輕盈的則加左露荀
黎左之後, 相信輕盈仲多左一樣, 就係多左沙律係中間, 而中間放沙律圓位是cut左的
煙三文魚好味, 但無parma ham咁配芝士, 露荀同相差很遠, 而且焗完乾到唔係好認得係露荀, 輕盈反而令到此pizza不倫不類
貴族朱古力: 用杯裝住雪糕, 朱古力蛋糕同脆條, 朱古力蛋糕幾好味, 雪糕無甚特別, 感覺好似缺少甚麼似的, 幾樣野擦不出火花
芭樂菲果撻: 受menu吸引而叫的, 餅底係焗撻, 上面則有香蕉, 杏仁片, 配焦糖同酒, 最後再加忌廉芝士係面
因為焗既關係, 所以香蕉有少少燶, 反而香味重左, 餅底好脆, 比pizza餅底更好味, 焦糖同酒焗後更香, 全個配合起黎非常好味, 讚!
其實我地有小朋友都幾嘈下, 難得waiter們service都幾好, 又送汽球又送貼紙, 抵讚
如果食厭左pizza hut既朋友, 或者想試下其他除左"至尊"呢d食慣晒既pizza, pizzaexpress可能滿足到你
Post
