Via Tokyo (Closed)

第一次黎到尖沙咀既分店 為既就係試下衣間先有既沙冰 銅鑼灣分店係仲未有架見到有櫻花味既沙冰好想試 不過最後都係試左焙茶口味附送兩粒白玉上面果層"泡泡"好靚 成個沙冰都係入口即溶 唔會好飽而最底下會有小量既紅豆 同白玉一齊食就最好喇 不過個人認為偏甜 而且唔算好特別 應該唔會再食 都係食返雪糕比較好(要食快少少 因為食到最後好多冰都溶哂)食完之後覺得未滿足 就點左一個皇室奶茶雪糕 用杯裝要加兩蚊 可以慢慢嘆 溶左都唔驚好重茶味好正食幾多次都係咁好食 雪糕先係最正既 不論係焙茶抹茶芝麻定係奶茶都係咁好味 下次我都係嗌雪糕算喇 真係好正

平日人多到爆既鋪頭,今次終於肯比番少少耐性等位食啦!焙茶沙冰雖然上面啲焙茶成pat野咁,個賣相睇落一啲都唔靚不過食落又係另一回事,焙茶味好濃,連埋啲冰一齊食好爽係架,係要天氣凍食凍野先有feel不過最估唔到既係沙冰入面竟然暗藏紅豆!!!紅豆係幾腍既,亦幾特別,食食下沙冰有啲豆咬下咁

 以後唔使一定要過海先食到Via Tokyo啦，係九龍人嘅一大喜訊尖沙咀新店喺金馬倫道，地點就腳，舖位亦比總店大，同埋唔使自己排隊落order，唔收加一仲有人serve你添。抹茶cheesecake 質感相當幼滑軟綿每啖入口都有慢慢溶化的感覺，先嚐到抹茶的甘香，其後乃芝士的餘香，兩者味道平衡有序底部亦用上海綿蛋糕，令整件蛋糕更融為一體。焙茶雪糕依然出色！茶味香純濃厚，無乜苦澀味尼個芭菲仲有好多配料㗎，有焙茶餅乾同蛋糕、白玉、蕨餅、焙茶同抹茶啫喱、脆米、奶油、紅豆等，層次感同口感十足不過整體感覺有點甜膩，可能因為紅豆同奶油並存嘅關係吧。蛋糕卷軟綿綿，啲焙茶cream口感細滑，味道仲好濃郁而且唔會太甜膩，真係可以一次過連續食幾件！上面嘅焙茶espuma，睇落質感好似好沉重咁，其實剛剛相反，超輕盈如泡沫，而且焙茶味亦夠香刨冰幼細如綿，仲加咗syrup同底部有紅豆㗎。如果可以再多啲焙茶espuma 就更好啦！相信鍾意焙茶嘅都會有同我一樣嘅諗法。