Pici

Open Now

Now Closed

平時食開Pici既dinner，難得平日放假，可以同媽媽食到Pici既lunch❤️ 一坐低睇menu既時候，侍應生會遞上杯水同俾一袋切片小法包，仲有拎個碟仔倒油同黑醋，比客人點包食～ 小法包口感偏硬身，如果餐廳會焗熱俾客人食會比較好🫶🏻平日Lunch menu有3個set揀，包一杯無糖紅茶。我揀咗set B，前菜三選一，揀咗秘製肉丸。主菜三選一，揀咗胡椒芝士豬臉頰煙肉扁麵。甜品二選一，必揀Tiramisu ！！！秘製肉丸肉丸大大粒用牛肉同豬肉製成，肉味香濃。肉丸配搭蕃茄醬汁，甜甜酸酸，幾開胃。👍🏻胡椒芝士豬臉頰煙肉扁麵呢間主打手工意粉，佢哋嘅意粉一定唔會令人失望！成個意粉有勁濃郁嘅芝士味！鹹香嘅胡椒芝士同脆口嘅煙肉，同意粉一齊食，超級好味！意粉軟硬度適中，唔會太硬！💕Tiramisu 一定要食！！！❤️ 口感軟滑，濃郁咖啡味，但唔會覺得苦！食晒成個都唔會覺得膩，實在太出色😍😍😍

.我終於去左PICI初嘗人氣手工意粉🍝我冇search邊款最好食，真係隨心揀，加上我個日要食齋，見lunch menu有素意粉又唔貴就pick one out of two。今次帶左屋企人一齊去試添。我地坐底後，女店員好快就過黎問我地要唔要bottle water，又比左袋小法包我地，我先醒起係喎食西餐通常前菜都比麵包你🤣我自己麻麻地法包，我覺得啲包好硬🤣不過我地都食哂，唔好浪費食物嘛。我地都叫lunch set，下次有機會再黎先散叫😄Lunch Set (A) ($98)🔸意大利雜菜湯（素）呢個湯我覺得幾好飲，佢係將所有菜攪勻去煮，有薯仔、青豆、蘿蔔、椰菜花、羅勒菜，好香好濃好足料。🔸手卷螺旋意粉（素）第一次食呢款意粉，好有嚼口，螺旋粉比較厚實。個汁係巴馬臣芝士+忌廉，好杰身，愈食愈膩，食到一半唔想再食落去，太多芝士食到有點苦。意粉既配菜係菠菜、合桃，好多合桃，好健康呀！Lunch Set (B) ($138)🔸意大利雜菜湯（素）🔸煙三文魚忌廉汁扁麵(車厘茄、蒔蘿、蒜頭，辣椒)我本身以為係半生熟煙三文魚，原來全部已熟😆屋企人叫左呢款試，手工意粉係唔同機打，係有嚼口啲，唔厚身唔硬，係幾