江蘇銘悅

Open Now

Now Closed

新年過後相約大學同學食晚飯，佢作為一名港漂，比起我呢啲陀地更識捐窿捐罅搵食。同時，佢哋對中菜好講究🇨🇳，知道邊啲先係接近正宗口味。呢晚我就跟佢去咗位於上環嘅「江蘇銘悅」，呢度環境似會所餐廳，設有包箱房間。餐廳所提供嘅菜式選擇繁多，有齊各種經典菜餚🥢，點心類以至山珍海味小菜等一應俱全，當中並加入新派元素。恰巧我哋都唔肚餓，所以主要嗌輕食，可以一次過試多幾味。江南麻辣口水雞($108)，🐔口水雞係冷盤，屬例牌份量。雞件都算厚肉、兼肉質滑；充份浸泡於醬汁之中。口水醬偏辣，如果麻味重啲更佳🌶。招牌灌湯小籠包($88/4件)，食上海菜一定唔少得小籠包🥟。小籠包皮薄均勻，入面裝住湯汁同鮮肉，熱辣辣食有爆漿嘅效果💦。無錫雙魚兒($118)，🐟雙魚係指白飯魚拼黃鱔，兩款魚炸起上嚟都幾巨型，望落好似炸到有啲硬🤔。不過非也，而且用咗糖醋炒乾，食落香脆。金盞牛柳粒鍋巴卷($78)，脆鍋巴整成甜筒嘅形狀🍦，入面塞滿牛柳粒同三色椒等🥩，味道唔錯，但略嫌兩者剁得比較碎，欠缺口感。孜然香辣花菜($198)，椰菜花用煲仔上🥦，保到暖之餘，亦保留到鑊氣。菜花孜然味突出、微微辣，再加埋煙肉粒，鹹香味濃🥓，但唔重口味。香蕉

同屋企人食飯通常都會選中菜，最近發現呢間專門做江蘇菜嘅中菜廳感覺好decent，食物都好講究有水準。入面環境好雅緻，職員服務都好好。除左有普通座位外，更加有好多間房，方便安排business gathering，or想有私人空間嘅gathering。個人覺得呢到嘅食物調味好好，唔會太濃太淡。🐟無錫雙魚兒 $118- 係呢到嘅招牌菜，炸得好鬆脆，配上香醋調味，酸甜度好balance，係幾滋味嘅開胃小菜。✨梅子美味醉鷄 $108- 每件雞肉都好嫩滑而且好入味，食落去慢慢滲出酒香加甜味，幾特別🐟糟溜鱈魚片 $328- 呢款係我最鍾意嘅菜式❤️，可以話係好有水準。鱈魚滑香得來肉質juicy，層層魚汁好香。- 糟溜嘅意思係用米酒整，所以魚肉內都加上了淡淡甜酒香，非常特別。😋✨嫩雞煨麵$75- 麵質好彈口，湯底雞味濃得來味道都清甜唔油膩，的確係有水準之作。除左小菜外，晚市都可以叫點心！✨招牌灌湯小籠包- 皮都算薄，入面好多湯，肉份量適中呢到仲會好細心，睇住你逐樣食，食到差唔多先逐樣上菜，真係可以慢慢細心品嚐，係家庭聚會/團年好地方☺️

國語人約我喺上環食飯，帶我嚟呢間江蘇銘悅，餐廳環境寬敞，而且仲設有VIP房。先嚟幾款前菜，無錫雙魚兒係白飯魚同鱔切成絲，條條甘香，而且再用糖醋兜過，食落條條甘香又脆卜卜。金盞牛柳粒鍋巴卷將鍋巴卷成好似甜筒咁，再釀入牛柳粒，牛柳粒每粒好似黃豆咁大，每粒都好滑又有肉味。江南麻辣口水雞味道相對偏辣，雞件嘅份量都唔少，而且仍能保持嫩滑。孜然香辣花菜就只係微辣，炒得乾身味道唔錯。嫩雞煨麵份量的骰，雞湯味濃，配合雞肉粒同菜粒確係嫩滑。最後當然要食返招牌灌湯小籠包，小籠包內有滿滿嘅上湯，趁熱食真一流。 而且小籠包手工唔錯，摺紋收口都好靚。香菜帶子過橋水餃用了新鮮，伴以芫荽真係一個幾好嘅配搭。香蕉高力豆沙同平時食開嘅口感唔同，感覺有點似麵包。入面仲有香蕉同紅豆。