Mee...lemongrass (Closed)

呢期成日困係屋企，今日決定去屋企附近的海南雞專門店食飯。馬鞍山被譽為美食沙漠，一啲好食嘅食店終於可以過嚟了，不用去市區先可以食到。❤沙嗲串燒（兩串雞兩串牛）$68串燒加左香茅所以都幾重香料未，燒得幾焦香，啖啖都係肉。可以來一兩串過下口癮， 作為前菜一流。 ❤馬來蜜汁厚切豬扒撈檬$72豬扒好好食，厚得黎肉質半肥瘦好軟唔會乾，外層燒到焦香。撈檬汁會另外上一枝自己落。❤無骨海南雞喇沙$84一次過可以食哂兩樣🤣海南雞幾滑，雞皮有少少油脂但唔會太肥，所以入口有d啫喱狀，做得唔錯😊個配埋佢既酸辣汁幾清新喇沙係由兩種面底（油面+米粉）組成，湯底有椰香，就禁飲個湯就知冇加味精。豆卜吸左湯好濃味❤香芒椰汁糯米飯$48芒果甜甜的，而且全部都係冇根既位。糯米飯都幾大舊會有啲飽😂但係因為佢完全唔嗇色椰漿，完全填滿左舊椰漿飯❤紅豆宇治抹茶$32好大杯，抹茶味幾濃又唔會太甜，同底層蜜紅豆混合左之後甜度剛剛好兩個人好似叫咗太多野😂，但實在太好味，食得超飽！食物質素好高，而且好足料，難怪佢越來越多分店。以後喺馬鞍山沙漠度都有一點綠洲😭😭😭

放工後去左馬鞍山搵我家姐一齊食飯，家姐話有間新餐廳係食海南雞同喇沙好好味話要帶我去食，一去到，哦~Mee…lemongrass，呢間我之前喺上水食過啦! 上次係食數量有限既波士頓龍蝦喇沙，又好味又抵食，咁今次就食海南雞啦!! 馬鞍山呢間店環境唔錯，樓底高，坐得好舒服，而且食物選擇真係好多，我地睇完menu，就決定叫一個無骨海南雞喇沙、一個Mee小食拼盤同一個芒果糯米飯。無骨海南雞喇沙，喇沙係由米粉加油麵組成，份量都幾多，配料有豆卜同半隻蛋，湯底濃郁惹味，充滿陣陣椰香，入口幾順滑，一啖接一啖，至於無骨海南雞雖然係雞胸，但肉質嫩滑，啖啖肉，份量都好多，唔錯。Mee小食拼盤，包括蝦餅 x2、串燒 (雞及牛) x2、雞翼 x2、春卷 x2 同無骨鳳爪，menu寫住每售出一客，佢地就會捐$10比基督教香港信義會社會服務部，喺食既同時又可以做善事，值得加分同支持! 呢個拼盤真係唔係講笑，份量真係好夠而且好好味，我個人最鍾意係蝦餅同春卷，蝦餅整得幾好，幾彈牙; 而春卷就熱辣辣好鬆脆，真係好味！芒果糯米飯個賣相都幾吸晴，用一隻形狀好似拖鞋咁既碟裝住，"鞋頭" 係粒粒芒果，"鞋面" 有一隻碟仔裝住濃濃既