橫水渡小廚

Open Now

Now Closed

今日第一次嚟大澳, 嚟之前先做功課, 決定試呢間. 三人行叫咗蝦乾荷葉籠仔飯, 煎墨魚餅 及魚湯蝦乾雜菜煲. 總括味道不錯, 樣樣上枱熱辣辣. 之前見人comment 話店員態度差及等得耐. 我又唔覺喎, 店員有問我哋有咩需要 , 是否要開大個冷氣？ 態度幾好👍👍今日係星期日嘅中午, 上菜都好快但餐廳環境一般, 洗手間應該裝修下 😅埋單共 $500. 唔算平. 但如果有機會我都會再來. 見佢哋嘅燒鵝好似唔錯, 希望下次可以試下

今日同屋企人一家大細去咗大澳一日遊，黎到第一時間就去咗呢間橫水渡小廚食嘢。坐低睇一睇餐牌，見到招牌頁面第一頁就係咕嚕肉同埋煎墨魚餅，所以就決定叫咗呢2味小菜食了。等左大約10分鐘左右，咕嚕肉同埋煎墨魚餅都到了，我哋立即叫碗白飯送小菜黎食。咕嚕肉：咕嚕肉外皮非常脆口，酸甜味道剛剛好，肉質鮮嫩，配飯一流。煎墨魚餅：煎墨魚餅外皮都係脆脆的，入邊墨魚非常爽口，熱辣辣，非常好味。總結，呢度雖然環境比較簡陋，但呢到可以望住過海食嘢，加上小菜味道一流，值得再回頭再食。

叫左兩個餸，煎墨魚餅同埋椒鹽豆腐，兩樣餸都係偏乾身但就好香口。首先係個墨魚餅，賣相好吸引，塊塊都金黃色。食落好香，好有咬口，裡面仲好足料，真係食到一粒粒墨魚粒，正。椒鹽豆腐就偏淡，要點好多魚露先夠味。不過都係香口，兼外層脆卜卜，如果有杯啤酒就更加正。