The Salted Pig (新都會廣場) (Closed)

老友話呢度出名食豬之外，個煎海鱸魚海鮮燴都好食，見到有蝦、蜆、辣肉腸、麵包粒，煎香左魚柳浸住喺海鮮湯汁之中，又真係非常好食。魚肉保持鮮嫩，而且辣肉腸咸度適中，所以麵包粒吸哂精華亦份外美味～墨西哥夾餅，鮮蝦、燈籠椒、洋蔥，Taco餅皮稍微烤焦有淡淡麵粉香味，蝦應該用辣椒、香料、洋蔥、蒜煮過，配埋牛油果醬、墨西哥莎莎醬、碎芝士、醋漬墨西哥辣椒超級惹味！自己唔識炒椰菜仔但又鍾意食，見到餐廳唔貴都會order香蒜煙肉碎椰菜仔，係我鍾意嘅熟度，保持爽脆口感，帶煙肉香。老婆話想食埋甜品，個Go Banana Sundae好大杯，有窩夫、m&m、朱古力醬、香蕉、雪糕、cream，超級豐富！

老婆話今晚想食下魚食下菜，我梗係陪佢啦，但我食漢堡囉！哈哈！呢間餐廳有齊我想要嘅野啦，仲洗煩！？喺第二間分店都食過呢個煎海鱸魚海鮮燴，好好食，呢間煮得仲好食d，唔知係咪個魚新鮮d，個湯有啲魚鮮味，裡面嘅餸料索左啲汁非常好味，鮮蝦、蜆、辣肉腸、麵包粒，樣又靚有好味！今晚想食熱野，香蒜炒時菜係我嘅，有多種菜唔同營養架，幾抵食！老婆食佢最愛嘅瘦豬豬沙律，裡面有菠菜、藜麥、西柚、菜頭、烤杏仁、柑橘汁，大盤到呢！老婆話原來食呢個佢都夠飽。安格斯牛肉芝士漢堡呀！塊肉juicy得黎唔係好滯，餡料一層層疊到好厚，仲好細心幫我切開一半，炸薯條都好香脆惹味食唔停口！下次encore切點！

好耐無放假三三知己gathering，呢間餐廳夠哂唔同食物款式又好味，算係我地聚腳點之一～要fresh一下先黎個牛油果香芒大蝦沙律，有車厘茄、甜辣沙律汁，清新中帶點惹味。大蝦非常爽口新鮮，材料仲好豐富～必點項目之一就係呢個煎海鱸魚海鮮燴，蝦、蜆、辣肉腸、麵包粒，煎香左魚柳浸住喺海鮮湯汁之中，真係非常好食。魚肉保持鮮嫩，而且辣肉腸咸度適中，所以麵包粒吸哂精華亦份外美味～估唔到連個香蒜炒時菜細細碟都咁認真，係炒鮮嫩露筍、椰菜仔、蘑菇，惹味得黎又健康，超like~蒜辣蜆油大蜆意粉同西班牙香辣蒜片蝦都好正，蒜片蝦有配上辣肉腸、多士，蝦份量多又爽口，蒜味充滿每條意粉，彈牙又香辣，仲要超多新鮮大蜆。每次黎都唔會失望而且坐得幾舒適，值得推介～