陸羽茶室

Open Now

Now Closed

以前細細個睇過套謝君豪飾演嘅電影叫《南海十三郎》裡面有一幕幾感人就係坐係陸羽重遇唐滌生一直都想揾機會睇吓現實中宜家嘅香港嘅陸羽係咪真係好似電影入面咁 有個痰罐係枱底 咁耐歷史嘅茶樓係咪仲咁古色古香保存住舊香港風味今次係5月19號星期三平日嚟 本身想前幾日book位都但話平日walk-in食就得5洗卜 陸羽有3層 我哋就被direct去地下嗰層 3個人2點15分左右到 好好彩有卡位坐 都有70%full 一入嚟就已經有陣懷舊嘅味道第一次用茶盎飲茶 第一杯茶由伙記沖 唔似傳聞所講 實際上態度同服務都好好點心紙都有種懷舊嘅感覺 用花碼寫嘅數目字 杏汁白肺湯 $270/例一煲分量可以夠3個人每人飲两碗左右 好重嘅杏仁味 好多豬肺 必叫筍尖鮮蝦餃 $54/籠釀豬潤燒賣 $60/籠蛋煎蟹肉角 $54/3件煎粉果連湯 $84/3件鮮牛肉燒賣 $60/籠白汁石斑筒 $84/籠蛋黃麻蓉包 $54/籠呢個都係必叫 估唔到世界上有咁好味嘅麻蓉連平時對麻蓉冇乜感覺嘅我都覺得好好味

陸羽既大名相信好多人都聽過，但應該唔係個個都黎過, 但總覺得係要一試的 ! 除左點心之外, 餐牌上仲有好多炒粉面飯叫的, 價錢比想像中冇咁貴 ! 好有歷史味道既掛鐘見好多人都叫楊州炒飯, 我地當然都叫返個黎試下啦~ 飯, 總算炒得粒粒分明, 蝦, 好明顯係用上新鮮既蝦 ! 對我黎講, 都算咸味恰好, 唯一係, 我覺得唔夠獲氣, 不過不失吧肉絲炒面 - 面係脆身既, i like it ! 反而呢個仲香口, 仲出色, 味道岩岩好, 仲有9黃係面, 令到成個炒面都好香 !懷舊點心 - 豬膶燒賣, 好traditional ! 好大粒 !! 朋友話幾好食 點心~ 其實都係咁啦, 好多蝦lor, 唔覺得有咩咁special 呢個比較特別, 唔係好多地方都食到, 係煎粉果連湯, 好鐘意呢個食法, 但HK好小有呢個叫仲要係點心都叫到, 可惜呢到個粉果皮太厚....影響左口感同味道麻蓉包, 又係買小見小...好小地方有得叫啦, 不過呢到個整法係好似大包咁...仲要真係比較乾身, 又有真芝麻係入面, 我就真係一般般... 

假日又想食得好啲，又想飲好湯，走去陸羽。平日要上到三樓先有位，令日幾好彩，二樓有位啦。環境好有中國傳統茶居feel。服務比平日好咗好多啦，可能係假日，熟客唔多。食品中式茶盅，普洱茶濃，幾好。煎粉果連湯 ($60) ~ 呢啲先至係"煎"，其他大部份都係炸。上湯味鮮，粉果煎得香脆(今日已經差咗小小)。正杏汁白肺湯 ~ 杏汁味濃，豬肺"稔"，加咗陳皮/紅棗，鮮/甜/正。牛肉燒賣 ($38) ~ 牛肉咬口，都鮮味，不過，今次的"牛肉燒賣"比"添好運"差小小。豬潤燒賣 ($38) ~ 豬潤鮮而不腥，其味亦滲入燒賣肉內，正。糯米雞 ($80) ~ 餡料多而正，沒有濃濃嘅汁，肉絲刀章好，味道好。紫蘿火鴨批 ($42) (唔記得映相) ~ 小小辣(因為子薑)，鴨味濃，批酥且香，好。玫瑰香酥角 ($35) ~ 玫瑰其實係"棗蓉"，酥皮香，入口酥化，正。蛋黃麻蓉包 ($35) ~ 係白芝麻蓉(我所喜愛)。係就係貴咗啲，不過"物有所值"。