La Serene Caffè

Open Now

Now Closed

近些年來，我不止一次的來過這間 Cafe 用餐，每年信用卡公司都會送出這間餐廳的生日優惠晚餐，今年也不例外。這是一間小型的樓上 Cafe，位於 Sogo 11/F 一間專賣日本雜誌、書籍、漫畫之書店的一側，自動扶梯和升降電梯都可以到達，不用電話預約訂枱，可以 Walk in 。免費的優惠晚餐供壽星一人享用，規定同行者所選的菜式，價錢必須在 HK$ 200 或以上。實際上晚餐 menu 上的主菜並沒有 HK$ 200 以下的，配飯配意粉配餐包配餐湯，都要另外加錢。價錢方面，就這個港島區的黃金地段來說，也算是合理。壽星在指定的幾款免費菜式當中，選了［煎西班牙黑毛豬肉眼配燒汁］+［忌廉湯］+ 餐包 + 奶茶。主菜的份量很小，只占盤子中間的不足三分之一位，黑毛豬肉眼吃口有點鞋，配點菜和一個小薯仔，淋上燒汁，整體感覺一般般。餐湯可以喝出濃郁的菇菌味。餐包是行貨，吃不出什麼特別。奶茶是由客人自己沖泡兼加奶加糖的，可以玩下解點悶😏。同伴選了晚餐 menu 上的［煎鰽魚柳配菜］HK$ 218 另收加一。干煎鰽魚柳，淡淡的，吃口有點腥，下面的配菜和一個小薯仔同前面的主菜一樣配搭，無新意可言。另選意粉加

持有呢張信用卡已經好多年，每年8月都收到張卡食飯有優惠，不過因為懶又夾唔啱時間過海，今年先第一次享用呢份「禮物」6PM去到銅鑼灣SOGO 已經坐滿一半，都幾受歡迎噃~問職員可否安排窗邊位置，佢都有溫馨提示「個位後面係廚房唔知介唔介意呢？」好有禮貌﹗主餐牌只要同行朋友食滿200蚊，持卡壽星就有套餐一份，有湯有飲品，主菜2選1：煎西班牙黑毛豬肉眼配燒汁/煎挪威三文魚柳配鮮茄汁意粉，我揀咗前者，老公就嗌咗份西班牙燒乳豬配蘋果蓉燒汁。餐湯及餐包上餐速度頗快。忌廉湯水準普通，餐包夠熱辣辣﹗兩份主菜都相當驚喜，特別係西班牙燒乳豬，雖然係油咗啲，但相當入味，皮脆而唔會太乾，好食﹗勾起喺澳門食葡國餐嘅回憶﹗蘋果蓉燒汁BALANCE油膩感，超正﹗西班牙燒乳豬5星推介﹗西班牙黑毛豬厚切而唔會鞋口，份量唔多兩細塊但食唔停口，好在有大PAT大薯蓉喺底，如果唔係男士食應該會唔夠飽。西班牙黑毛豬好食但份量少咗啲落地玻璃望住對街希慎，傾住計等時間好快過，由天光食到天黑相當盡興，下年要記得ENCORE先得﹗