La Serene Caffè

Open Now

Now Closed

工作做到好煩悶，去附近一間 café 食少少嘢順便飲杯日式咖啡。 叫咗一杯咖啡味道真係感覺唔錯， body 亦好足夠。 叫咗個煎三文魚魚柳配刁草忌廉汁 (paned seared salmon fillet with dill cream) ， 煎得啱啱好一啲都唔腥。 唔多夠飽所以叫咗個黑松露菌大啡 菇意大利飯， 同埋一個日式芝士餅。 意大利飯煮得好夠味， 百零蚊都唔算貴， 大啡菇亦好香口 ，黑松露味濃鬱。 一個人食兩個餐所以飲咗兩杯咖啡， 叉足電而家又要返公司做嘢喇。

因為特別情況，來到這餐廳。點了牛油果薄餅及咖啡，咖啡還可以，當侍應放那碟薄餅在我的枱上時，真嚇一跳，那侍應竟然不覺得她拿出來的dish 真太難看嗎？有相！所謂色、香、味．．客人看見這賣相真的會吃嗎？我於是等了一陣才可以找到另一男侍應，侍應都 NOT attentive : 我需要換另一個dish. 不敢再試其他main. 唯有點 Tiramisu. 來到的 Tiramisu 比街上西餅店的蛋糕還要難看、難食。結論：不可能生存的餐廳🥲

明明寫10pm收鋪未到八點半就態度好差收碟，本來想舒服食點知一肚氣，明明朝早see ice幾好，味道也好，夜晚強差人意，紥馬尾waitress態度惡劣，永不幫襯！

與家人銅鑼灣行街買衫，然後去了La-Serene Café，位於SOGO 11樓，行到累是一個非常之不錯好地方。環境不算大裝修簡潔明亮感覺舒適，午餐時段滿多人排隊，我們排了差不多一個小時。餐牌食物都幾國際化但係唔不多選擇，價格方面都好大衆化，食物賣相精緻味道質素不差。 Beef Chuck Flap$188Ox Tail Rice $148Pork Sirloin$148整體來說不過不失，但係服務質素差冷淡，環境有點嘈吵。

今日同媽媽跟阿囡食SOGO這間西餐廳，不用訂位就可以了；餐廳環境唔錯，安排了窗邊坐位，開陽舒服。服務員姐姐哥哥都好好，態度有禮又友善我哋點了生日的豬扒薯菜及前菜，另外點了一個燒雞餐加了一個白飯；豬扒餐來了阿囡鍾意的餐包，甜甜哋、最最哋又軟熟這個磨菇湯都幾濃郁，菇味香、但有一啲少少湯膏喺度未攪勻沙律正常，無特別唔係好大件，口感都唔錯，有蔬菜（紅蘿蔔、西蘭花及翠玉瓜燒雞餐燒雞唔錯，肉汁鮮又軟滑，媽媽讚好食，阿囡都食到，唔錯餐茶最後配埋杯餐茶（熱奶茶）幾香幾滑

呢間Cafe喺SOGO樓上淨係招待會員不過佢食物都幾國際化，而且質素唔錯環境唔大，裝修簡約Lunch time都幾多人排隊有包、湯/沙律試咗佢嘅帶子意粉意粉味道唔錯，份量適中帶子都大粒，蕃茄味都算濃郁意粉口感唔錯，軟硬適中另外食咗個比目魚不過呢個份量真係細咗啲煎得幾靚，啲魚好滑加埋個芥末忌廉醬好好食有啲薯仔、椰菜，但略嫌偏油佢啲咖啡都幾好飲有特製嘅花蜜，甜得來又好香而且熱飲嗰個圖案幾靚整體都不過不失，不過服務麻麻排長龍就未必會嚟

平時間中都會去Sogo書局買日本雜誌, 沿途經過一間日式西餐廳, 環境簡約舒適、日式餐廳設計風格餐廳選擇並不多, 主要食牛扒、羊扒、豬鞍扒、鱈魚柳、意粉、沙律、多士、甜品及輕食份量並不多, 適合女仕們休閑歇一下、嘆個茶我們點了煙鴨胸蒜香意粉🍝芝士火腿多士濃濃的蒜香味, 意粉軟硬度剛剛好, 鴨胸煎得很香, 整體非常不錯芝士火腿多士超多芝士, 有拉絲的效果, 多士烤得很香脆服務態度不錯、上菜快, 用餐時間大約75分鐘, 情價比高、值得推介👍🏻

今日去咗SOGO感謝祭，聽朋友講書局嗰層有一間日式西餐廳好高質素，於是我哋即刻去試吓。今日係星期五，我哋下午5:30就去到餐廳門口，已經差不多滿座。餐牌選擇不多，應該是重質不重量。我哋叫咗兩個扒餐，餐飲有跟咖啡。因為是晚餐，我叫咗一杯萊斯低因咖啡，我終於感受到這間餐廳的吸引之處，因為這杯咖啡是我飲過最好飲的低因咖啡。就算是低因咖啡，完全做得出一般咖啡嘅香醇，香味濃郁。我今日想食白肉，所以我選擇左煎白鱈魚柳配檸檬柚子醋汁 $278。白鱈魚好滑，配合柚子醋汁，味道十分清新。屋企人選擇左煎西班牙黑豚豬鞍扒配燒汁 $248，我試左一小件，豬鞍肉質又滑又淋，做得十分出色。呢間餐廳真是十分受歡迎，因為門口已經排了長長等候的人龍，如果今日我不是請假去感謝祭，我估計都無機會品嚐呢間餐廳。

近年咖啡小店越開越多,當然有伏s, 崇光這間開業多年,水平維持高質,任何時段都能嘆到一杯新鮮熱咖啡,I mean 真的熱咖啡,即煲即刻在客面前倒入杯!香氣四溢!順帶一提,用的是咖啡奶,很日式。用真正一套咖啡杯,斜身杯易入口,比起用紙杯, 這套杯碟真classy! 杯不會太重,也預熱了杯,能保持咖啡的原味道,不會因杯的溫度差別而令咖啡味改變,good job!雖坐位比較密,但環境乾淨,服務周到,有如置日本。

第二次嚟，上次因為多人排所以無食，今次早啲嚟食早餐，唔使排，不過都坐咗八成，每次都咁多人相信應該唔錯🤨。有日本百貨公司感覺，好企理，早餐52蚊起，加15有飲品，不過想配我最愛嘅mocha 就要俾正價51蚊😏。點咗個芝士雜菌奄列多士配mocha , 嚟到賣相都可以，不過唔係厚多士，牛油好硬😲，奄列整得幾好，mocha 上面有cream , 個杯都好靚❣，味道亦可，其實整體ok嘅，不過54加51再加10％，total 115.5食個早餐性價比就唔高了😅，唔係好明點解咁多人，吸引之處在於？？

媽媽係Sogo感謝祭嘅單張上面見到個餐幾好食，就話去朝聖之前不如去果度食，結果就去咗。諗住lunch時間太多人，就決定早d去，諗住12點前應該冇咁多人，點知一上到去就見到一條人龍，雖然得10個人左右，但間餐廳其實唔大，都應該要等。。不過好彩都係等咗15-20分鐘左右就被安排入座啦！咁我阿媽就即刻order咗做感謝祭果個煎加拿大豬鞍扒同埋凍咖啡啦！我偷食咗佢一舊豬，入面好粉嫩，好juicy，唔會過熟，好食！我其實對豬嘅興趣一直唔大。咁我就order咗個煎焗魚，上面有白汁，魚肉好嫩，個白汁焗完好香，個味又唔係好鹹，啱啱好味！另外我餐茶order咗個熱咖啡，咖啡好香，落少少cream milk就ok滑，一貫日式咖啡味道！草草食完個lunch就開始我哋嘅放血之旅啦！

逛商場，很多人，頗熱鬧，想歇一歇，攸閒一下。這裡不錯。首先，店員是用溫柔的聲線招待，不慌不忙，令人舒服。等食中，整室咖啡香味，令人放鬆。餐湯：意大利菜湯，有雜菜、香草和煙肉，不膩。餐包不是叮熱的，應是烤熱的。讚。主菜：煎安格斯肉眼扒配燒汁肉眼扒鮮嫩美味，牛肉和牛油味凝留口腔。物有所值。配菜也見用心，除了薯蓉，還有菠菜、沙葛、甘荀、小白菜、豆角等。餐飲的啡咖也是點題之作。呷一口，更顯攸閒。整體來說，會想再來。

［銅鑼灣］La Serene Caffes.燒西班牙豬肋排配燒汁食剩指數:40/100豬肋排肉質少韌唔係好軟好離骨果種燒汁幾香有少少辣配菜有薯蓉同其他雜菜雜菜有蒜蓉炒過唔係白烚Lunch set只跟飲品都差唔多百五加沙律/湯都要40$整體味道中規中矩但性價比較低.另外佢個飲品仲要漏單（只是叫熱奶茶）等左我差唔多20分鐘都上唔到要知道lunch time時間好趕中途10分鐘己催左一次見隔離枱都到先再催都成20分鐘以呢個價位服務可以再好少少

                今日去Sogo 11樓既日式餐廳La Serene Caffe嘆吓下午茶。因為太肚餓，就冇叫到佢果D份量比較迷你既下午茶餐嘞，反而叫左個牛肉意大利飯。佢用既牛部位好似係有D特別既⋯⋯但係唉哋！我唔記得左係咩嘞（lol）講番正題，個牛未到入口即融既水平，但係慢慢食都冇乜渣既，我覺得都算唔錯嘞。伴碟既醬汁好似有D紅酒味，襯牛幾好食。跟餐仲有杯咖啡，一貫日式咖啡店有既高水準，唔酸唔澀，好飲。不過講真我最鍾意都係呢度既環境，平時成日迫爆，二人限聚令下鬆動左好多，真係坐得好舒服，食完又可以去樓下sogo好多野行。

某某銀行信用卡每年生日🎂🈷️都會於這餐廳送一頓免費生日餐，條件就是另外多點一個a la carte主菜，即是多帶一個朋友一齊食啦！免費生日餐主菜好幾年都選擇西班牙黑毛豬，食過幾年的厚豬扒水準都不錯。另外a la carte 主菜必定鋸牛扒，可以另加$38配沙律頭盤、$38配餐湯、$38配甜品等，食個full course都幾貴，不過考慮到送一頓免費餐變相2️⃣人同行1️⃣人免費，心理上可能會覺得划算D😅我最喜歡這裡的咖啡，是用虹吸式煮出來的☕️。有時下午茶都會同girlfriend過來飲的。用餐時間只有75分鐘，上菜速度頗快，是屬於快板節奏的晚餐。餐廳外通常有人龍，目測幾乎每枱客人都會享用免費生日餐，這個宣傳手法挺🈶️效果的。座落百貨公司內都算🉐️上是🈶️水準的餐廳，但如果不是🈶️免費的生日餐送，又食得頗為趕時間，食客們就要注意一下咯！