BYOB Coffee Roaster

Open Now

Now Closed

同舊同學難得一聚，經佢介紹依間舒適既Cafe享受晚餐，難得完全無壓迫感我倆叫左意粉加一個煙三文魚沙津。沙津酸酸甜甜十分開胃，配合三文魚少少咸味個人覺得味道好好而我叫既係蕃茄忌廉蟹肉寛條麵，好夠蟹肉，每一啖都充滿蟹肉，加上又有蕃茄汁既酸甜，整餐都好開胃，唔會覺得過油，而分量都算多，對於我個人黎講仲食唔哂，要分比朋友食最後朋友都話依間cafe食過好味，所以介紹我黎試，而我都會再介紹比更多新界朋友黎難得新界屯門有隱世Cafe👍🏻

小妹與閨蜜想找個靜靜的地方坐下食個晚飯傾下偈。上網睇過評價後，我地揀左呢間Cafe食。我地無揀錯，Cafe 的環境好舒服，空間感十足，座位大大張，同隔離枱又唔會好迫。加上平日晚上客量唔多，所以我地慢慢食，坐左好耐。我地兩個叫左兩個主菜share，一客係煙三魚沙律（＄78），另一客係大蝦寬條麵（＄78）。煙三文魚沙津的賣相好靚，整到成朵玫瑰花咁，食落d菜都新鮮，如果d黑醋汁多d就更好了！而大蝦寬條麵真係出乎預期好食！d大蝦真係顧名思義大大隻，而家炸到連個殼都食得！好好味！食完真係好回味，好想食多幾隻！今晚食得好開心，傾得好開心，下次可以再黎呀！

2點鐘左右去到大概7-8成滿 但大部份都食緊基本就係自己搵位,去收銀落order比錢 講坐邊 自己拎水拎餐具店員就會拎野食比你野食野飲散叫, 岩哂D唔喜歡飲除左水以外既人落完ORDER 15分鐘左右就有得食一行四人叫左黑松露芝士焗薯,煙三文魚沙津,卡邦尼意粉,大蝦寬條麵,墨魚汁海鮮意粉另外加咖啡就每杯減5蚊以西餐既份量黎講..依間真係幾大份下,一個人一份係絕對夠先講墨魚汁海鮮意粉2隻蝦,1舊青口.2舊魚柳,2圈魷魚個蝦係醃得非常好食,而且爽口 真係要比幾個like但魷魚相對之下就係無味既 係真係無味 好似用清水盪完咁魚柳同青口就不過不失 比起蝦係失色既意粉有嚼口唔會太淋身,蒜味重, 喜歡食蒜既人會好開心食到尾就會見到有唔少橄欖油係底, 個人覺得係略為落得太多油煙三文魚沙津份量都係BIG SIZE, 但唔知係咪因為要慢慢砌個花出黎 結果仲遲過意粉同焗薯上表面落左黑醋 唔會太酸亦唔會太少無味 睇圖都見到佢有5款以上蔬菜而且好新鮮 用料認真黑松露味濃,芝士香,份量唔細,多人食既話可以一人幾舊,人少就唔建議叫因為都幾"漏"下其他兩個意粉就冇咩特別 整體黎講 係每樣食物都係咸左少少, 要叫個沙津